壽司藝 (已結業)

假日悠閒尋美食，今天嚐㕑司拍板的特上壽司餐。前菜五款，分別有青瓜（小辣滋味）、薯蓉、醃漬魚粒、魚片薄切及茶碗煮（內付白菓、雞肉、冬菇等）。壽司共有12件：左口魚，厚身煙韌；帶子，夾少許wasabi,上碟前掃上淡醬油，酷飯則加入少許子皮磨粉提升鮮味；深海池魚，魚片上不加葱，只用刀割了幾下，再掃上醬油便上碟；竹簽魚，連皮，軟糯、腍身、 芳香，口感似熟海鰻；牡丹蝦：先即時挑腸、切尾，這件蝦本身不帶卵，新鮮彈牙；紅眼鯛，上碟前經火炙，減少油膩；拖羅油脂豐富；馬糞海膽，冰冷口感，遇上wasabi,很獨特的衝擊，卻又非常匹配；三文魚子軍艦，紫菜衝擊三文魚子，兩種脆口的配搭，一乾一濕，有心思；中拖羅手卷，加入了芝麻，需要按自己喜好點醬油。接著來一碗烏冬，可惜成了敗筆，質量極一般，真是反高潮。單尾是柚子雪芭，清洗味蕾。整體來說，製作有創意、有誠意，不是交行貨。

最近呢有個好朋友升左職，佢呢就話要請我食一餐好嘅慶祝下，叫我揀下食啲乜野好喎，我諗左陣又唔想食自助餐嗰啲咁行，但係又想食啲好味啲嘅嘢，俾我搵到呢間位於大坑嘅壽司藝，夜晚時段係食omakase，即係廚師發辦。唔需要客人去諗食啲乜嘢，由壽司師傅為客人準備新鮮嘅菜式，未食過梗係想食下啦，所以呢就揀咗呢間。入到去啦首先侍應就俾咗個Menu我哋睇，個Menu好簡單，總括嚟講有三個字，分別係「月」，「彩」同埋「藝」。呢三個係代表三個唔同價錢嘅set，由$1080～$1680，而我哋呢就揀咗$1280既「彩」，係包括左有前菜，刺身，熱盤，壽司，湯同埋甜品。可以睇到餐廳嘅風格係保留好日式嘅感覺，同埋都仲有個包廂仔，可以比想有私隱度高嘅客人坐喺入邊享用美食。佢哋安排左我哋坐喺較中間嘅位置，其實鋪頭座位唔多，相對地可以帶比客人一個寧靜嘅飲食環境。當我地坐低左之後，侍應就立即遞上熱茶同埋熱毛巾，俾我哋飲用同抹手，等候師傅呈上美食。1.北海道大生蠔/螢光魷魚/水雲菜/蟹仔第一道上嘅菜係一個組合嚟嘅，師傅就教我地要食咗生蠔先之後到魷魚之後再係水暈菜最尾就係食蟹仔啦，個生蠔賣相已經好脹卜卜，我加咗少少檸檬汁上去，

—新一個財政年度開始 終於都忙完 就食個omakase慶祝喇彩($1280)前菜 刺身 煮物 壽司 湯 甜品芝麻糊豆腐花就食得多兩者直接預先混合咗幾新奇生蠔滑溜 加少少檸檬汁更鮮美仲有當造嘅螢光魷魚左口魚 火炙左口魚邊比較淡味 可蘸酸汁食左口魚邊 油份重 仲有咬口深海池魚 肉質細嫩幾有嚼勁 赤貝 捽一捽檸檬食 更爽甜牡丹蝦二食蛋黃醬牡丹蝦配魚子醬酥炸牡丹蝦頭蒸毛蟹配蟹醋啫哩拆出嚟嘅蟹肉好完整火炙大拖羅唔洗多講 油脂豐腴燒真鯛 魚身細嫩多汁 最緊要冇骨配料都好有誠意平政魚加新鮮海苔點綴帶子 赤身 金目鯛 海膽 三文魚籽中拖羅蓉卷 紫菜微微烘過 所以更脆本身壽司醋飯加咗醬油同wasabi加上食材新鮮 就咁食已經可以好好品嚐魚湯 都幾足料雪糕配忌廉芝士紅豆卷———————————————壽司藝大坑浣紗街九號地下

今晚同寶慶祝紀念日，見好耐都冇帶佢食一餐好嘢，所以決定帶佢嚟大坑壽司藝品嚐下高級日本壽司料理！大約七點左右，店舖竟然一個人客到冇，嚇得我哋差啲就返出去驚中伏。不過有見有兩位板長好忙咁樣處理緊食材，同埋見佢裝修都好靚，於是都係比次機會佢😂第一樣吸引到寶注意嘅嘢，就係呢個日式茶杯。細心留意番，茶杯底有兩個小洞，令到就算斟左啲好熱嘅茶，我都唔會覺得燙手，成件事好高級😂今晚我哋兩個都揀咗「彩」，有齊前菜刺身壽司熱食湯同埋甜品，完全feel到自己會有幾飽lolR呢位就係我哋今晚嘅板長，幾幽默，又會肯解釋清楚我哋食緊啲乜，仲會先問我地有咩係唔食👍🏻先來嘅係有三款前菜，由於我唔識螢光魷魚，所以板長就幫我轉咗做海鰻魚苗。今次係我平生第一次食呢種食物，感覺上非常爽口，有啲似食緊海蜇，但係質地又比海蜇滑十倍！另外仲有超級creamy嘅生蠔，同埋威化餅加鮟康魚肝！魚肝嘅味殘留起我個嘴入面揮之不去，好香！左口魚刺身（連火灸裙邊）非常鮮甜，今次係我第一次食左口魚嘅刺身，質感厚彈，唔錯！至於個裙邊當然係無得彈啦！赤貝刺身擦一擦檸檬又係超級fresh同爽口，正！呢個深海池魚刺身太吸引我食哂兩舊都唔記得左影佢，所以要