The Joomak (已結業)

今日是同事last day，決定同佢食最愛的韓國菜歡送佢， 挑選左無論食物、環境都一流的<The Joomak> 餐廳位於海港城內，環境寬落舒適， 最入面位置可以欣賞到維多利亞港的景色以及每晚8點的幻彩夜香江~  食物方面以創意派的韓式料理，會不定時加入新的菜式， 最近天氣開始凍，餐廳亦推出全新火鍋系列， 三款特色湯底包括: 鹹辣蝦汁卜卜蜆、養生人蔘雞、川麻素雞煲 我地都點左“養生人蔘雞”，用左西班牙無激素的走地春雞， 配上人蔘、紅棗、枸杞等配料，健康又養生， 先飲湯，味道鮮甜，飲左碗即時暖晒， 雞肉鮮嫩，入面仲包住糯米，非常豐富~   火鍋配料就點左“龍蝦豐盛拼盤/二人份量” 大大隻新鮮生猛的龍蝦仲會郁，店員會好細心幫客人處理切件， 肉質鮮甜爽彈，正~ 日本生蠔好肥美、泡菜墨魚滑&鯪魚滑爽口彈牙、美國肥牛、豬腩片等， 仲有好多蔬菜如羽衣甘藍、南瓜、紫薯、粟米等，非常豐富~ 我地4個人，除左火鍋亦點左其他的韓式美食， “混醬炸雞”有6款特調醬汁以及配料俾客人DIY調味 有柚子醬、擔擔醬、黑糖梅子醬、菠蘿椰香醬、 青檸蜜糖醬、士多啤梨韓式辣醬等等，配料有蔥、蒜

上次去LCX係睇we bare bears展覽，再上次係黎購物，對我而言，LCX從來同食物打不上任何關係。今次機緣巧合之下，俾我發現到LCX有一間新派韓式餐廳，菜式有別一般傳統派系，吸引左我同女朋友，重拾對韓式料理嘅熱愛。可能六點左右兼好彩，俾我哋坐到近窗邊嘅位，可以一覽整個維港海景，係今餐嘅好開始埋下伏筆。餐廳嘅裝修偏向工業風，燈光較幽暗，樓頂吊燈亦非常有藝術感。叫菜之後職員好快就獻上六款特調醬，分別有柚子醬，擔擔醬，士多啤梨韓式辣醬，青檸蜜糖醬，黑糖梅子醬同菠蘿椰香醬。每一款具有特色，梗有一款款啱你口味，我自己就覺得擔擔醬同柚子醬最夾。不過佢呈上醬既方式有啲頹。雞件的確脆卜卜，原來餐廳嘅雞件用牛奶醃過，所以特別香脆。羽衣甘藍煎餅係今餐最驚喜嘅菜式，平時食羽衣甘藍都係食沙律既時侯，但將羽衣甘藍整成煎餅真係聞所未聞，但食落的確與眾不同，沒有油膩感，配料有洋蔥椰菜等等，口感非常清新。煎餅仲會附上特製醬汁，酸酸甜甜，都幾開胃！就算我唔係素食者都非常鍾意呢個煎餅。香港到11月都仲係鬼死咁熱，所以叫咗個韓烤牛肉冷麵配豬骨汁，營造一下冬天感覺。而佢上菜嘅時候的確煙霧離漫，具有視覺享受。味道亦係一

上回提到，傳統韓國料理著重五色五味，所以韓國菜通常較濃味及色彩繽紛，每道菜式都必定有菜有肉，無求帶來視覺與味覺的衝擊。但因而忽略了素食者的訴求，不知是否聽到素食者的呼喚，最近發現了海港城一所韓國料理餐廳竟然有多款素食選擇，主打素食的韓國餐廳確實寥寥可數，好奇心軀使下決定前住品嚐位於海港城3樓Lcx內店內裝潢走簡約高雅路線，而木啡、黑、白及灰色為主，微燻的燈光襯托著五光十色的繁華香港夜景下品嚐韓國料理，令我份外期待著接下來的美食可見檯面上已放有筷子、紙巾、濕紙巾及鐵碗。就坐後服務員會遞上餐牌。餐牌設計簡單易明，指引清晰。除了標記餐廳推介之食物外，還將無肉之食物標記為「素食」，而且款式不少，更有素食被標記為「素食專用廚具處理」，有些素食更保證整個整作過程不會沾上任何肉類，相信可以令素食者食得更放心。但身為肉食者的我倆，還是逃不了肉類的魔掌😂大多點了含肉類之菜式：自由配搭醬汁與配料拼炸雞的概念確實新穎，我可以不用再為選擇醬汁而傷腦筋，因為混醬炸雞提供了六款醬汁及六款配料隨意搭，一共可組合出36種配搭，可以搭出最適合自己口味的炸雞，果真玩味十足！而且更發現了醬汁並不是傳統所見的甜辣醬或醬油。六

今晚去左海港城 LCX 入面呢間 The Joomak 新派韓式餐廳開餐｡餐牌上食物款式好多, 而且仲有 D 特式食品 & 飲品｡店員安排左個望住無敵維港夜景嘅座位｡混醬炸雞雞塊炸到外層香脆, 內層嫩滑, 完全唔油膩, 而且仲係無骨添｡ 呢款炸雞其中一個特色, 就係可以俾客人按自己嘅口味調教喜愛嘅醬汁, 餐廳提供左 6 款醬汁 (青檸蜜糖醬、柚子醬、菠蘿椰香醬、擔擔醬、士多啤梨韓式辣醬、黑糖梅子醬) & 6 款配料 (芫茜、花生碎、炸蒜、香蔥、蒜碎、番茜) 給客人混醬, 每款醬汁嘅味道都好特別｡但最有趣就係士多啤梨韓式辣醬, 水果酸甜帶辣味。韓式辣牛肉炒粉絲粉絲口感煙靭, 牛肉份量都唔少, 加埋洋蔥、香菇 & 韓式辣醬一齊炒, 非常香口惹味。韓薑菠蘿沙冰大大杯嘅菠蘿沙冰, 加左薑汁後, 令菠蘿嘅甜酸味更加昇華, 原來菠蘿加薑汁係咁 Perfect Match。Overall: 世界級夜景 + 出色食物質素 + 合理價錢 = 無可挑剔

今日男朋友話book左位同我食飯，於是我地就黎左尖沙咀嘅The Joomak。我地係坐窗口位，望到海景，個view真係唔錯~staff好有禮貌，值得一讚！我地叫左健康藜麥沙律（$128）酸酸甜甜都幾開胃。混醬炸雞（$188）有六種醬汁可以沾黎食，男朋友鐘意擔擔醬，而我就特別鍾情於士多啤梨韓式辣醬。炸雞熱辣辣配上唔同口味嘅醬汁，正呀！泡菜煎餅（$88）泡菜味濃，個邊位脆脆地，煎得啱啱好！韓式辣牛肉炒粉絲（$108）辣牛肉好惹味，粉絲份量都幾多，夠兩個人食~水果柚子茶（二人用$128）柚子茶夠曬清香同fresh，解渴一流！呢到食物、環境同服務都好好，推薦情侶黎撐枱腳浪漫下！