日月堂

营业中

休息中

話說我平時都鍾意食台灣菜，幾享受果種既美食，所以以耐唔耐都會搵一間新既台灣美食去試下😆今次比我發現左，觀塘有呢間隱世台灣美食，朋友都好推薦，於是就黎幫襯下✌🏻🌈紅燒半筋半肉麵 $75紅燒既煮食方法的確好夠火候，肉味完全香噴噴到極致！🌈清燉半筋半肉麵 $75估唔到肉味又不輸紅燒！夠咸之餘仲可以用另一個角度品嘗佢既牛肉鮮味👍🏻🌈蚵仔煎 $42蚵仔🦪既濃味，同煮蛋既香味融為一體，相輔相成嘅效果冇得彈！🌈台灣香腸 $40肉質好爽，好埋又好彈牙。用黎做小食同朋友share最合適不過！🌈黑糖珍珠奶茶奶（凍）$34未攪拌既時候飲，可以享受到清香既奶茶味。攪拌之後，黑糖加強左奶茶既香濃味道，冇得頂！🌈桂圓紅棗茶 $20最鍾意香甜既桂圓味道，用黎襯托呢一堆台灣美食一流，食得更加滋味😜

🌟牛三寶麵 $80有齊牛𦟌 牛肋肉 牛筋好豐富牛𦟌帶筋位 厚切都好嫩滑💕牛肋肉脂肪分布均勻牛味濃郁👍.🌟清燉半筋半肉麵 $75湯底好香牛肉味❤️‍🔥熱辣辣🔥筋好大舊 口感唔係入口即溶果種反而係有咬口 慢慢滲出牛味牛肉都好厚肉 連住肥膏好軟腍刀削麵有厚度 好煙韌💝.🌟蚵仔煎 $42蚵仔份量好多❣️都有鮮味加左木薯粉 蛋去煎🍳加埋甜醬好地道.🌟起司肉鬆蛋捲餅 $40捲餅好厚芝士多到拉到絲🧀肉鬆食落有陣炭燒味幾香口惹味😍.🌟仙草奶茶 $25🌟珍珠奶茶 $25冬天都要飲珍奶🧋熱飲選擇更突出茶香呢到嘅奶茶有驚喜似係茶餐廳飲到嘅味💯.📍日月堂興業街14號永興工業大廈4樓C2室

今日同大少小妹喺觀塘工廈行街，添置母嬰用品，行到攰又係時候搵嘢食，上網search到附近依間店都有幾多like,一於近近地行過去食嘢。上到去發現小店好有台灣風味，牆身有老街插畫，又掛住咗啲菜式嘅小木牌響牆上，幫我轉台灣嘅音樂，好有回到台灣嘅氣氛。清燉半筋半肉麵湯底清甜，牛肉夠腍，舊筋入口即溶，麵質夠闊又彈牙，正~家鄉水餃水餃皮薄饀多，味道清淡不濃味，唔需要太多調味，都好好食！台灣香腸切開一片片，食落好方便，加埋調味粉，味道又提升一層次。仙草芋圓芋圓有三隻味，三隻都好彈牙，仙草有淡淡青草香，配合埋好清新，又美味！熱黑糖珍珠鮮奶呢杯嘢飲份量多，黑糖好多，黑糖味濃郁，鮮奶又熱又滑，剛剛秋風起，飲落好暖胃。凍金桔檸檬紅茶杯嘢飲好大杯，走都飲唔晒，飲落唔太甜，清新又解渴。

放工好肚餓，忍唔住要食埋飯先返屋企，就拉咗同事去附近嘅工業大廈搵嘢食。喺永興工業大廈搵到一間良心小店，係香港人開嘅台灣菜，都數唔到幾耐冇去過台灣，即刻入去支持下👏！可能有啲難搵，可以睇下張相。除咗招牌嘅牛肉麵，仲有幾款乾拌麵同埋台式便當。當然仲有好多唔同嘅台灣地道小食同台式滷水。真係好似喺台灣夜市咁樣，五花八門。🍜 清燉半筋半肉麵 (💰$75) 一嚟到梗係飲開個湯先啦，湯底香甜順滑，而且有濃郁嘅牛味。牛肉嘅份量亦都唔少，一口肉、一口筋，好滿足。佢哋用咗幼身嘅台灣麵，好處係容易吸到啲湯汁，麵香而且有咬口，推介！🍜 牛肉蔥油拌麵 (💰$56) 其實一路都唔係好敢食拌麵，因為覺得好油膩🙊，不過同事叫咗就食一口啦（一大口）。點知又真係有驚喜喎，入到口唔覺得好油膩，而且啲撈麵係用闊條麵，比較寬同厚，有嚼勁，一流。而且啲牛肉煮得剛剛好，而且半肥瘦，嫩滑！🦑酥炸魷魚 (💰$48)我嘅台灣夜市指定菜式，即叫即炸好香口，如果多啲唔同嘅調味粉就好啦！🍞 起司肉鬆蛋捲餅 (💰$40)呢個真係值得推介嘅菜式，餡料充足而且個皮唔會厚揼揼，賣相都非常之好，有台灣水準！🥤 桂圓紅棗茶 (熱) (💰$10，凡惠顧飯或

最近聽個朋友講呢度有間好好食既台式料理，今日終於有機會黎食！是日8點都係滿座要排隊等枱，等左10分鐘左右就入到去叫左最多人推薦既清燉半筋半肉麵配凍蜂蜜紅茶😋😋呢個湯底好濃郁，筋同牛既份量都好多，牛肉炆到好腍好入味🤤朋友叫左個芝士雞扒便當🍱呢個便當好大份，餐廳用碗上，上面鋪滿雞扒同台式滷肉，仲有大白葉同酸菜，真係餸仲多過飯，好足料！🥰雞扒用左生炸既方式再落椒鹽粉，皮脆肉嫩大大件🤤下次想叫多飯！之後仲叫左兩個小食，一個滷豬手，另一個麻辣臭豆腐，兩份都好大份，好抵食😛去唔到旅行黎食下台式料理解解悶都唔錯🥰

太耐無去台灣，只可以係香港食下台灣野過下口癮，今次就同朋友試下呢間觀塘工廈台灣菜。入口有少少難搵，記住見到永泰中心同美興工業大廈再行入去。清燉半筋半肉麵（$75）怕辣就叫清湯，清清地幾家常，牛肉同牛筋都算軟嫩。傾太耐先食，麵都算索湯，浸到稔左D，大家記住盡快食。炸甜不辣（$38）朋友要求想食，都算可以。炸鹽酥雞（$48）熱辣辣炸起都算酥脆，作為小食都唔錯。起司肉鬆蛋捲餅（$40）份量比想像中大份，芝士味唔算出，但肉鬆算多，蘋果西打（$12）