清真牛肉館 (打鼓嶺道)

营业中

休息中

女友小熊生日去咗旺角意粉屋食晚飯，完全唔掂! (見另文) 相信繼老麥同老鄉雞之後，第三間拒絕幫襯嘅黑名單中!第二晚即刻落九龍城食清真牛肉餅! 希望去間有質素嘅餐廳補償一下心靈損失!對上一次幫襯已經係兩件前嘅事，上網睇睇先知道已經搬咗落同區另一個更大面積嘅店舖，空間比舊舖闊落一倍! 坐得更舒服!牛肉餅係必點，另外麻油雞，清真小籠包，酸辣湯同京燒羊腩各一客!麻油雞雖然麻油味唔夠突出，但雞肉同雞皮口感嫩滑非常，好過不少燒味店D油雞白切雞!習慣食小籠包嘅爆汁係清湯，清真小籠包嘅湯汁有D似豉油顏色，味道同平時食開高質素小籠包無太大分別，當然小心熱到辣咀!酸辣湯比想像中辣，小熊話一D都唔辣，當然啦! 佢已經係一隻辣椒嘛! 酸辣湯係先酸後辣，辣味比酸味重，但未至於勁辣，而酸辣湯足料，滿意.牛肉餅同小籠包一樣，湯汁同樣顏色偏深，牛肉餅同以前一樣,爆汁! 牛肉餅好熱，餅內餡料都好熱，而且都係食到爆汁，雖然已經小心進食.最驚喜係京燒羊腩，相先羊騷味不大，但羊腩肉質非常鬆軟又 Juicy，最難得係羊腩連帶小小羊軟骨，果D軟骨先經典，少少冧身少少脆口但唔硬，可惜份量太少! 唔夠喉呀!原本想話先行去街頭鴻興同三

🥢牛肉餅 $46(2件)牛肉餅一定一定一定要試!!!!!仲要趁熱食🤤🤤牛肉餅個外皮煎到好香脆，而且皮薄超多汁，裡面滿滿既牛肉餡同湯汁🤤一啖咬落口啲汁爆晒出嚟，所以食既時候要小心熱湯汁會辣親個咀🙈🥢清真小籠包 $50(4隻)皮都算薄，牛肉餡料都足料。夾既時候可能會漏汁，要小心夾！味道同牛肉餅差唔多味🙈我個人覺得叫牛肉餅抵食D，個餡大D🤤🤤🥢雞絲麻醬冷麵 $52冷麵配埋青瓜絲同雞絲一齊食好爽口開胃，特別個麻醬好濃味撈埋黎食好正，係出面多數係雞絲麻醬粉皮，冷麵比較少見😋評分：味道：⭐️⭐️⭐️⭐️環境：⭐️⭐️⭐️整體：⭐️⭐️⭐️⭐️————————————————————————

對上一次應該2年前光顧，同朋友在九龍城未諗到晚餐食咩，就決定再去平日夜晚大概7點左右到已經差唔多滿座。安排入座後店員會準備一碗熱水等我哋清潔餐具。叫咗3個小食小菜同半隻砂鍋雲吞雞我們2個人食到好飽牛肉餅等咗5分鐘左右就有，皮超薄帶小小脆，餡料味濃肉汁多到可以當湯剛上枱十分熱，最好先咬開涼一涼再食清真小籠包皮很薄餡料都可以透過小籠包皮看清，夾起又不易穿牛肉香滑多汁賽螃蟹聞落沒有什麼味道，中間有隻生蛋黃。入口十分鮮味，蛋白很滑很有質感。仲加咗小小蟹柳絲提鮮，真有種食蟹的感覺砂鍋雲吞雞 (半隻雞)半隻雞浸在砂鍋中，原以為會像雞湯湯渣般嚡口，但竟然雞肉十分滑，仲有小小雞肉鮮味湯底偏淡沒什麼味道，雲吞有6-8粒大小適中不過皮略厚賣相 4/5口感 4/5味道 4/5番食率 4/5

之前在網上約好到清真牛肉館吃牛肉餅，原本想到龍崗街的老店，但後來出席者越來越多，老店位置不大不能容納，最後唯有由店員引領到打鼓嶺道的新店，據聞質素稍遜，但熱熱鬧鬧吃一餐也無所謂哩。新店位置較老店寬敞，雖然格局也只像放了些穆斯林畫像及擺設的茶餐廳，但畢竟也比較整潔舒適。由於我們人多，只能坐在二樓缺乏裝潢的雅座，白光燈及圓摺凳，像到了市政大樓的街市，但整體感覺也良好吧。 食物方面，由於是清真及新彊菜食店，所以菜式有牛有羊但沒有豬肉，而且還加入不少上海菜元素，如小籠包、酸辣湯及高力豆沙等。我們一行十人最後點了個八人套餐，再加幾個小菜便是。 八人套餐 ($558)：　 清真併盆：有醬牛肉、醬牛筋、醬牛肚、醬牛脷及麻油雞。醬牛肉就是平日常見的鹵水牛展，但較乾身，味道亦較淡；醬牛筋賣相如水晶肴肉，口感較佳，味道也好；醬牛肚為乾身的鹵水牛肚，味道最香濃；醬牛脷很有牛味，但也較淡；而麻油雞夠嫩滑，味道好也不覺油膩。整體好壞參半，建議如散叫可選醬牛筋及麻油雞。 　 糖醋桂花魚：桂花魚炸得香脆，最後以亮橙色的糖醋汁回鑊。桂花魚本身不太鮮甜，醬汁也不見突出，但外皮炸得卜卜脆，口感極佳，挽回不少分數。　 辣子