全記海鮮菜館

营业中

休息中

西貢海鮮的選擇很多，而全記就係我地屋企人經常光顧的店。每逢有慶祝活動，我地都會黎西貢食海鮮，因為鍾意全記有套餐叫，唔駛自己揀海鮮。門口已經放滿各式各樣生鯭海鮮😍😍我地叫左一個3人套餐，可以選擇5款海鮮！！薑蔥炒蟹，非常有鍋氣！雖然蟹肉不太多，但味道非常足夠。蒜蓉蒸扇貝，肉非常大粒，而且蒸得剛剛好，配上粉絲來吃非常好味。每個套餐也會附送一碟油菜，個人認為少油一點會好些，下一次會落單前提醒。我最愛吃的是芝士龍蝦伊麵，出面有很多餐廳都會有龍蝦伊面，但是現在多數也是上湯的，芝士要加錢。這裏的芝士配上伊面非常好味！而且龍蝦肉也非常多，這個很抵食😍焗鮑魚也是第一次嘗試，多數鮑魚也會是清蒸的，但這個像炸了一般的鮑魚，有驚喜可以嘗試。清蒸海上鮮其實是倉魚，火候剛剛好，肉質也很滑。本身套餐也可以選擇瀨尿蝦的，但店員說套餐包的瀨尿蝦已經賣完，可能與散叫的大細不同。所以我們只有額外再叫。😆椒鹽瀨尿蝦是這裏較為出名的菜式，一隻賴尿蝦可以大到斬開一半來吃，而且用椒鹽來炒非常非常非常好味🤩🤩🤩這個菜式只有這裏才能夠吃到，平時出面吃的賴尿蝦是非常細隻的😂最後來一個紅豆沙作為總結，裏面的材料也不少，非常豐富。

復活節假期最後一天，去西貢逛逛，吹吹海風真唔錯。嚟到咁遠地方，點都要吃吓海鮮至似様嘛！5時多左右找到近海旁的露天位坐低。向住個海吃飯，心廣神怡，真係胃口大開。溫馨2人世界套餐，每位$274包加一。選了米芝蓮推介的椒鹽瀬尿蝦，一人一隻M size瀨尿蝦，但都很多肉同鮮甜。另一款是星級椒鹽豆腐，炸皮做得很酥脆，椒鹽惹味，唔太鹹，最特別是豆腐好有豆味，脆中帶軟滑，不愧是推介。清蒸海上鮮，有些失望，心想應有條細的班仔，點知只是倉魚。條倉魚幾大條，唔腥都幾厚肉。蒜蓉粉絲蒸元貝，個蒜蓉汁調較得好好味，混和的粉絲好味過元貝。郊外油菜，份量唔少。 最後是生果，食物新鮮加上露天餐廳的feel，美好的黃昏大餐。

星期日無啦啦入左嚟西貢, 一場嚟到當然要食埋飯先啦! 食海鮮嘅餐廳真係何其多, 結果就揀左一間門面比較開揚同闊啲嘅~全記! 負責接待嘅姐姐相當熱情同有禮貌, 坐低左先知原來全記都係「米芝蓮」系列之一! 應該都有啲信心保證呱!兩個人要了一個二人$478海鮮套餐, 由於係星期日所以$478, 平日好似平3、40蚊…仲免茶芥, 呢個價錢都算合理。雲雲菜式中揀了以下四款~特濃芝士焗龍蝦配伊麵底 龍蝦原隻開邊, 而且有焗過嘅痕跡, 睇得出係有用心去處理過~賣相唔錯, 芝士味濃, 正!蒜蓉粉絲蒸鮮元貝 只得兩隻嘅份量好似少左啲喎, 不過元貝確係新鮮, 而且蒸嘅時間調教得好好, 元貝真係僅熟之餘, 仲保留原汁原味, 又一個正字! 清蒸海上鮮倉魚, 又係好新鮮, 魚肉好滑~ 香蒜椒鹽墨魚 又係誠意之作, 真係新鮮製作, 因為一上檯已經聞到香噴噴, 食落口仲好熱辣辣, 所以要小心啲食, 如果唔係好易燙到個嘴! 蒜蓉嘅酥香, 加上墨魚嘅彈牙, 又正!! 加送一碟蒜蓉炒西蘭花同生果盤~橙 整餐飯都食得津津有味! 無論係賣相或味道一啲都唔馬虎, 誠意作品!加上員工嘅熱情款

以前同男友行西貢見到d海鮮舖400幾蚊就有個二人餐，好似好抵咁，一直都想試下。於是今次就決定黎西貢食海鮮慶祝紀念日!睇左好多單張，加埋之前睇openrice見全記都唔錯，於是就揀左呢間!我地叫左$478嘅二人餐，揀4個餸，送一碟菜同埋糖水/生果盤。第一樣係芝士龍蝦伊麵，芝士味濃好香，龍蝦都幾鮮。平時唔會食龍蝦伊麵既我都竟然中意食😂 不過就略嫌份量少...之後係我恨食好耐既元貝! 唔錯既幾香幾好食，不過我以為會有幾隻，點知真係二人餐，一人一隻😂第3樣係蒸魚，蒸魚一向係我最愛既海鮮! 呢度既蒸魚係"䱽魚"，食落肉唔夠滑，不過應該係本身呢種魚既肉就唔係太滑。但還是不錯的。跟住係送既一碟西生菜! 用蒜蓉整，好香好好食! 連我男友平時唔鍾意食菜都食呢個!最後黎既，係豉椒炒蜆。呢個要催佢佢先黎，可能唔記得左。唔知係咪趕住上碟，有d蜆未開，唔夠熟，好彩得幾粒未開😭 食落好惹味😁最尾我地揀左糖水 - 紅豆沙。應該係陳皮紅豆沙(？) 好香陳皮味，又夠沙，好好食!另外想提既係，全記既服務態度唔錯。催佢碟餸，佢催完廚房會話返你知，隔一陣又留意你張枱碟餸到未。禮貌都很好!整體黎講，呢餐食得開心，味道也不錯。唯