神戶屋日韓放題

营业中

休息中

同朋友星期六去旺角行街，經過兆萬，有人派傳單介紹依間放題，行到攰想坐下又肚餓，就決定嘗試下。餐廳裝修正常，光猛乾淨，窗邊既卡位好闊，夠曬位。果日唔多人，所以都被安排左坐係卡位。侍應一坐低就提我地可以快d落左魚生船同壽喜燒先，仲即刻上左配菜同醬汁，服務唔錯。配菜有幾種唔同款，味道一般，食左少少中華沙律，留番個胃食其他野～飲品選擇幾多，我仲簡左荔枝烏龍茶，甜甜地但又唔怕太膩。食日式放題就一定有魚生船，送到過來既件數比我地叫既仲有多左。全部魚生都色澤鮮豔，夠凍夠新鮮。d甜蝦特別鮮甜，肉質算彈牙，唔會好水咁。壽喜燒賣相好靚，好多牛。食落湯底幾香，仲有麻油味。炸物新鮮出爐，熱辣辣，特別好食既係炸榴連。裡面有一絲絲榴連肉，又脆內軟，好香好好味仲叫清酒煮蜆，好多蜆，多汁，鮮甜。火灸壽司既飯同魚生既比例岩岩好，可以一啖一舊，表面燒到焦香。仲叫左一口牛柳粒，牛既質地夠稔，而且唔痴牙，調味好夠，另外既配菜都好味，特別係薯仔係焗薯，正。叫多個通菜，賣相靚，食落稍咸但唔辣。食左個焗蝦，好多沙律醬，外面燒到焦香，好味。牛油焗菇，好香牛油味。最後因爲太飽，所以無食到，但見到冰櫃都有幾多簡擇。整體既質素好，侍應服務

兆曼有好多間放題但揀咗呢一間試吓入到去都係同其他放題一樣，有好多唔同種類嘅嘢揀，仲有得打邊爐係未點嘢食之前，會先有沙律拼盤有中華沙律，墨魚仔，都好開胃好入味之後叫咗個麵豉湯，都好足料，湯入面有好多海帶再來試下個清酒煮蜆，啱啱好一口一隻，而且d蜆無咩沙，有清酒味，鮮味之後就上左刺身拼盤，好大好多料。三文魚都好厚。刺身都好新鮮，冇咩雪味。我就最鍾意個帆立貝同埋蝦刺身，仲有泰式生蝦。而且仲有得揀海膽刺身再嚟就係天婦羅炸蝦，上到嚟仲係好熱辣辣，仲有煙噴出嚟應該係即叫即炸。粉漿唔多，唔會好厚粉，啱啱好包住一層就食到入邊嘅新鮮蝦。好好食叫咗幾轉炸雞翼，個味調校得幾好，算入味而且都好香口好脆燒牛舌同埋雞串燒，香口濃味埋單二百幾一個人 我地仲有用埋個fb 優惠 好似平多少少

今日又係放題之夜刺身好正鍾意食蝦嘅真係啱曬勁多款蝦♥️♥️♥️🦐🦐三文魚肥美象拔蚌好正呢度嘅壽司🍣都好味呢個係香芒炸蝦🍤卷冇錯...又係蝦🦐😂帶子刺身好大粒唔係出面嘅細細仔勁鮮甜♥️呢個清酒煮蜆都好香♥️🍶我連啲清酒湯都飲咗即炸天婦羅🍤配埋個天婦羅汁正啊最鍾意食蝦同蟹柳呢個係芝士燒開邊蝦燒烤類都好多款仲有好多鍋類🍲烏冬類我仲叫咗個炸雪糕嚟試😂😂🍨其實係炸雪米糍口感好得意外熱內凍朱古力心太軟基本上次次嚟都會食聽聞係吉烈蠔但我冇試甜品有雪米糍仲有豆腐花最犀利係估唔到任飲啤酒會係hoegaarden😯😯😯驚喜👍🏻呢間神戶屋價錢抵性價比高♥️♥️

約埋一大班同事放工食飯，選址係最重要 der！皆因同事來自港九新界，食肆地點必須方便各位可以快閃返歸，旺角就最方便喇！第一次嚟到神户屋，其實都係因為佢响旺角兆萬，店內比坊間嘅放題店細少少，通風又差少少，房與房之間嘅隔音就弱咗唔止少少！雖然如此，但佢嘅食品又比坊間高質少少。有食開放題都會發現啲飛仔其實間間一樣，但出品有時都差幾遠…… 但神户屋就可以放心，絕對冇伏味！神户屋主打係日韓放題，但80%以上都係日式，韓式食品只有部隊鍋、炒粉絲，炸雞、紫菜飯卷、雪條。日式就比較多元化而且每款味道好好，令人encore 又encore ！魚生刺身款款新鮮，特別係有三款蝦刺身，款款彈牙爽口，象拔蚌鮮味十足，帶子刺身大大隻。入場每位送生蠔/海膽，質素不過不失！熟食方面，馬拉盞炒通菜，味道偏辣非常刺激，而且好有鑊氣，非常正！神户屋嘅炸物係超水準作品 - 炸芝麻雞翼，炸醬非常薄，雞翼外脆內爆汁！炸一口芝士，脆醬封住成塊芝士，一口咬落去啲芝士馬上响嘴入面散開。天婦羅炸蝦，吉列炸蠔，當然亦唔可以錯過啦！店內優惠，四人就送一個鍋物可以揀韓式部隊鍋或日式壽喜燒，鍾意嘅話仲可以加料打吓邊爐，一字記之“爽”燒物方面，燒

旺角食放題既選擇真係好多，有d出左名既仲越來越貴老公生日，已經花費唔少，所以朋友就介紹左呢間平靚正既放題比我係兆萬8樓，去到3樓轉電梯，好方便二百令蚊，記得預約，有小驚喜架！坐位黎講都可以接受雖然地方唔大，但係都唔會話坐得太迫旁邊仲有d四人卡位，今次就無緣坐到lu！飲品係比較入既位置，自己出去拎！有啤酒🍻有汽水、果汁同烏龍茶選擇都算係咁啦！食放題最慘係食天婦羅要沙律醬，但係叫極都無侍應拎比你！呢到就夠哂聰明，一早放定先，唔駛客人下下都要叫！食物選擇多，其本上想食既都會有！但係特別d既就係訂座送既刺身或者蠔！刺身呢，侍應好好，一坐底就會提我地快d叫，然後又真係好快到不得不提，呢到既服務唔錯，雖然做放題忙到死係常識，但係呢到d侍應無黑面，野食未到又會盡力幫手跟，唔會食到把鬼火！後生仔女黎講算係咁！食放題必食刺身，是常識吧！拼盤放得靚，蝦既種類好多但我最都係食象拔蚌，好爽甜蟹棒係真蟹棒，三文魚都係比腩位，好肥美！送既海膽同生蠔都係有質素既仲要有蟹鉗食添拖羅蓉唔係到到都有得食呢到就好唔錯，紫菜仲係脆既，亦都好夠料，唔係得舊飯咁！食放題點少得d炸物啊！炸榴連係我最愛之一，同老公一人一半，無咁多罪

上次我食兆萬同躉大廈另一間放題時，o係下面曾經拎過好多唔同傳單，當時因為book 實o左o個間無幫襯到呢d，之後都有再研究下，今日想試下新o野，所以決定食呢間神戶屋。因為有訂檯，一人送一款海膽刺身、生蠔或者韓國雪條三選一！雪條臨尾先攞啦，我地仲有一份生蠔，係幾大o既一隻，滑溜q 彈，帶點海水o既鹹味。日本和牛壽喜燒同埋韓式芝士部隊鍋係入座贈送，只限叫一個。感覺上叫和牛好似會抵好多，哈哈……d 牛肉唔算好多油花，但仍然鬆軟唔韌，肉味濃郁。個壽喜燒湯底味道甘甜，d 豆腐、菜同金菇吸晒d 湯o既精華，變得好惹味！因為想試多d 唔同o野，我地唔係叫o左好多刺身。三文魚夠晒厚切，象拔蚌靈舍彈牙，海螺好鮮甜，迷你北寄貝其實都正常size 唔知點解叫迷你？個人特別鍾意泰式生蝦刺身，貪佢辣得幾過癮，天使蝦則啖啖肉，口感唔錯。炸物首先要推介沖繩網紙蝦卷，真係好好食呢個，係隻由好多層薄脆o既皮包住o既炸蝦，超級鬆脆而唔油膩，內裡隻蝦o岩o岩上時仍然係熱熱的，一啖咬落去，讓我十分驚嘆……另外個韓國蜂蜜芥末炸雞，配埋o個隻醬都幾特別。鐵板紐西蘭羊架油份充足，燒到好香。我地招牌炒蜆同清酒煮蜆都有叫，前者好大碟，

今晚約了朋友去兆萬食放題，上去openrice睇過這間神戶屋的好評都幾多，所以訂枱試一試。去到之後都要等一等先有位。廚房都忙到踢哂腳。每次去食放題都會先去睇睇有咩野飲同甜品。有我最仲意既烏龍茶，亦有奶凍及韓國雪條等。落單紙有成十張之多，款式都算很多。每枱都會送一份邊爐鍋，我們揀了金菇和牛煲，和牛有點肥但非常嫩腍，有很多蔬菜及金菇，湯底都幾甜。清酒煮蜆的蜆肉無沙，有鮮味及酒味。燒蝦可以任食，蝦肉結實爽口，味道不錯。燒青魚雖然多骨，但外皮燒得脆口，魚肉嫩滑，加點檸檬汁去油膩感。燒菠蘿一舊很甜，另一舊就有就酸，但非常開胃及去飽滯感。燒羊架沒有羊騷味，肉質嫩腍，不過外層有點焦。炒牛柳粒肉質嫩腍但牛肉味比較一般。食左咁多油膩食物，係時候食返點菜，牛油炒雜菜不會太油膩，雜菜炒得爽脆，不會太咸。天婦羅蝦蝦肉爽口，外層粉漿不會太厚，肉質結實。鹵水雞翼是我至愛，鹵得入味且不太咸，雞翼嫩滑。刺身款式超多，剩係蝦都有3-4款，三文魚鮮甜有油脂，威靈魚魚子帶點醃過的微酸，魚肉結實，帶子比較一般，反而象拔蚌很爽口。最後值得一提是上菜速度很快，落單後5分鐘已經陸繼上枱，放到整枱都滿，幾乎無位放。價錢中規中矩，都是

放題開到成巷成市，尤其是在旺角，實有間係你附近，今次去了在兆萬的神戶屋。未夠7點都好爆，等了一陣才有位。首先去望望有甚麼飲品。正常要有既都有齊，有甜的、無糖，還有啤酒。甜品例牌雪糕雪條，但這裏更有豆花，非常吸引。除了基本的刺身、炸物，還可以加錢任飲清酒及生蠔等。一枱一鍋的肥牛鍋，似外面日式餐廳的定食餐，肥牛肉質很腍，很多蔬菜。柚子大蝦沙律，蝦肉不大但很爽口，肉質結實，柚子就唔多覺，開餐前吃點沙律比較開胃。清酒煮蜆酒味比較淡，但蜆肉無沙而且都算大隻，份量頗多，味道都有鮮甜味。避風塘炸豆腐一點也不辣，但外脆內軟，豆腐亦很軟滑，值得一試。食了一輪前菜，刺身終於出現了，我至愛的三文魚望落去有油脂，唔會橙色一件，而且食落去有魚肉鮮甜及油份甘香，任食都算有質素，蟹捧都有海水鮮味，感覺不錯，象拔蚌有驚喜，肉質爽口彈牙，可以encore。芝士焗蠔表面舖滿芝士，蠔肉不大但一點也不腥，軟軟的味道不錯。天婦羅就一定食炸蝦，炸蝦外脆內軟，肉質結實，雖然不算大隻，但蝦肉爽口彈牙而且不會太油膩。人參雞湯有淡淡的人參味，反而唔覺有雞味，味道比較一般。鰻魚卷物細細件，不會太飽滯，有鰻魚的味道，卷物不會太結實或鬆散，味

和朋友相聚最苦惱就是選擇用餐地點，朋友又想食放題，又想食泰菜，又想打邊爐，在宏宏餐廳中，我們竟然像在kinder出奇蛋中抽到寶物一樣，可以滿足朋友的三個願望，地點還要十分就腳，就在旺角兆萬中心，放工便立刻去開餐。到達餐廳，仍未夠6：30，但已經差不多坐滿人。餐廳放著小植物佈置，令用餐環境更舒適。我們第一時間看看點菜紙，由A至I的點菜紙，選擇很多。店員很有禮貌介紹點餐注意事項，原來第一輪點餐，餐廳可讓每人選一份限定選項，包括：海膽刺身，生蠔或韓國雪條，我們選了生蠔及海膽刺身。這放題特別之處是可以有火鍋選擇，而且選擇不少，不止日式的定食鍋物，當中不少選項也是港式邊爐的菜式，相當多元化。我們點了和牛壽喜燒，還要正正的放在要食火鍋的朋友面前。很快地肥牛火鍋立即送到，不吃生食的朋友二話不說立即用餐。在等候食物期間，我們到自助飲品區看看，原來有著很多飲品選擇，這真是值得一讚，很多放題只有汽水選擇，對於不飲清酒和汽水的人來說其實等於沒有選擇，但這餐廳的飲品選擇很多，差不多有20種，而且部份飲品還是相對貴價的飲品，例如：利賓立，菠蘿汁，芒果汁，蘆薈汁，烏龍茶等，在飲品櫃的另一端還有自助甜品櫃和雪糕櫃呢

重記得大學時同一大班同學成日一齊約埋去食放題，又可以食到飽，中午時段又平，最緊要係人人都一定有野岩食。出到黎做野，人人都話要去食高級日本料理。但我都係會得閒就同返朋友去食放題。今日黎到旺角兆萬中心8/F，神戶屋日韓放題。識食一定係食9點打後既時段，款式一樣多，但價錢會平啲。等緊位時，服務員好貼心會比左一set點菜紙比你睇定食，可以一入到去就order。款式多籮籮，一共有10張。一定會食到你捧住個肚走。你無眼花，我差不多點哂所有既刺身。蝦就已經有4款了，竟然連泰式生蝦都有。係呢13款刺身當中，我最感到驚喜就係北海道角螺刺身，通常螺比人既印象都又硬又無味。但當我將角螺放入口時候好驚喜，好軟但保持好彈牙，而已應該有先煮過 好入味。汽水都幾多選擇，重有紙包檸檬茶···好少見既韓版可樂。作為蝦迷既我每次一定要點鮮蝦串燒同鮮蝦天婦羅。串燒雖然燒得乾，但蝦都唔會乾到柴。天婦羅好香，唔會油膩，有彈性，但粉略微太厚。三文魚燒得太乾，如果鍾意香口既應該會喜歡。牛油燒牛舌，第1 次食呢個煮法，好香。 牛舌比較薄，口感我都係比較偏愛厚切。芝麻雞翼岩岩新鮮出爐，重冒緊煙，雞皮好脆，腌得好入味。一個人2隻都ok。