豚王 (V Point)

营业中

休息中

👍🏻麵可以客製化，肩肉/腩肉、細麵 (幼麵)/太麵(扁平麵)、麵軟硬程度、秘製醬油、香味油、蒜蓉，可以揀落多落少，如果唔食葱可以揀椰菜。我哋揀咗3碗唔同味的拉麵：👩🏻限定王: 5月的限定王是「黑醋王」，豚骨湯內加入黑醋，秘製蕃茄醬及乳脂酪，有少少酸味，吃時有點清新，日式得來又帶點意式風情👨🏻豚王: 原味豬骨湯底，湯底是日日新鮮煮熬十多小時，湯頭濃味，唔知係咪因為 Chill媽食完清新的限定王，所以食這個時覺得太咸（醬油選了普通）👦🏻赤王: 在豬骨湯底上加上香辣醬油，點了少辣，吃時不覺得辣，一停下來就會發現辣味的後勁！肉係薄嘅肉，但都幾大塊，份量ok！肩肉雖瘦，但軟滑，腩肉亦唔會有油膩感。溏心蛋同紫菜係另外點的！阿仔食一啖，大叫：好好食呀！個蛋黃好橙紅色喎！枱面有樽辣芽菜，配拉麵都幾相襯，記得要試吓👍🏻服務方面真係估唔到，店員會確認拉麵喺由誰點，好似食西餐咁，記低上菜位置👍🏻店員對於小朋友點赤王表示驚訝🤪

晚上七時去到，餐廳大約有八成滿，餐廳環境唔錯，座位唔太窄，拉麵除了基本款式，還有限定王，今晚的限定王是柚子胡椒王，店員話有少少辣，因為有胡椒。我點了黑王，要求多些香味油，店員話香味油好咸，建議考慮要標準份量的香味油。食後感覺拉麵質地唔錯，湯底濃，木耳絲爽，黑芝麻蓉好香，豬腩肉軟滑。我朋友點了限定王加溏心蛋，明明張落單紙寫住可㨂椰菜，但店員話限定王不可以揀椰菜，惟有㨂葱。食後感覺柚子味好特別，胡椒咊唔算辣，係唔錯的配搭。溏心蛋好好味。

今日同男朋友去銅鑼灣行街，晚飯順便在這裹食。登龍街有好多日本菜的店鋪，而鍾意食日本嘢嘅我地揀了一間食拉麵的。我們在七時多的時候食嘅，好好彩不用排隊就入得。晏少少已經見到有人排隊了～跟以往一樣，點餐紙都是有豚王、黑王、赤王、翠王同限定王可以選擇。而限定王每隔一段時間就會更改。我地問了職員，今次的限定王是檸檬王，因為感覺幾有趣所以我男朋友就叫咗呢個。而我就揀返最基本的豚王，可以跟返個人口味選擇湯底、配菜、唐辛醬同麵嘅。我地因為貪得意仲點了靜岡縣綠茶味可樂飲添。包裝是日文字的，而且可樂是綠色的，第一次見～ 飲落去個陣唔係好感覺得到有綠茶味（不過都有少少的），反而似平時嘅可樂多啲。但係因為是支裝，所以好有氣。我的豚王終於到了！可以見得到面頭有好多蔥同木耳，而且湯底感覺幾吸引。我點了普通香味油及多蒜蓉，而湯的濃度則是普通。味道幾好～而肉方面，我叫咗腩肉。店員仲提我腩肉係有肥肉的，唔知係咪因為好多女仔都唔食肥肉部分，所以要重點問一次！我覺得腩肉幾好食，夠冧而且肉質一啲都唔係嚡。食落去肥瘦交雜，值得一試。 P.S. 唔鍾意食腩肉都可以揀肩肉食嘅。我男朋友叫呢碗就係新推出的限定王了！店入面其實冇乜人