吉列牛忌廉烏冬專門店 (百樂中心) (已結業)

第二次黎食呢間吉列牛了～都係一樣咁好食～😋😋今次黎銅鑼灣分店食，放工行完街過黎食岩岩好，呢架既上菜速度好快呀，服務員都好好～今次叫左套餐2，一份吉列牛，一份炒麵🥰🥰😍個吉列牛真係好好食，口感好正又食到炸物既香脆感，又食到燒肉既感覺！仲有兩款醬汁可以點～😋👍🏻另外個香辣炒麵好似冇上次咁辣，但麵好食，好大份😆食到好飽🤤仲有個單骨雞翼，上面灑左好似麥當勞既蜜糖bbq粉咁，好好味，係我鐘意既味道不過啲粉有少少過多😂少返啲會更好～叫左一樣Passion Punch同熱蜂蜜菊花蜜～滿足😋😋😋

以前在銅鑼灣返工，已經有同事推介，今次朋友約食飯，話想食韓國餐，我立刻想起這𥚃。咖喱忌廉烏冬我一向都鍾意食烏冬，睇完張相，更加好奇，因為張相完全冇烏冬上菜時就明白，好似軟雪糕咁幼滑的cream 鋪在烏冬上，啖啖的咖哩與輕飄飄的cream 非常襯，令烏冬入口更加彈牙滋味單骨雞翼雖然唔知有什麼調味料，但真係好香口，惹味，炸得剛剛好，皮脆肉juicy，咬入口仲有煙出，食到停唔到口牛里脊套餐服務員細心教我哋如何切牛、等幾多分鐘、煎幾耐，真係好有牛味，而且生、熟程度隨自己喜好，大磨菇同芝士都好夾果然Openrice 多好評，係值得試

2019年6月15日 星期六今日終於放下假，係屋企hea到晏就之後就出街同女朋友行下街食飯佢係網上面搵到呢間食吉列牛既舖頭，聽講係可以自己決定燒幾多成熟地點係一座大厦既廿幾樓，成層都係呢間舖頭，所以一出lift就係，裡面都有幾多位睇返個餐牌好似樣樣都好吸引咁，其中好想試下個頂級牛里脊先來嘅係咖喱忌廉烏冬，就咁睇落去只係一pat忌廉，但搞開佢先發現下面係好深色嘅咖喱烏冬，全部撈埋一齊食好creamy，烏冬掛晒啲汁上去，辣得黎又有少少甜之後有小食滋味單骨雞翼，每隻雞翼都鋪滿左芝士粉同埋辣粉，咬落去嘅時候會有啲辣，但係芝士味好濃，所以會有啲鹹鹹地，真係越食越滋味最後終於到主角牛里脊出場，睇落個份量都唔少，但好明顯應該只有一兩成熟，所以即刻切開佢放上去個爐燒笑嘅時候已經聞到一陣陣嘅牛肉香味，見到每一邊嘅肉都冇再流血水就即刻夾黎食，果然肉質好腍，冇乜脂肪，口裏面充滿牛肉嘅香味，好耐都未散，感覺好幸福。能夠自己控制肉嘅生熟程度，價錢又唔算太貴，相信下次一定會再嚟嘗試其他唔同嘅肉類既

自己燒吉列牛肉係之前已經有段時間好紅今次終於到我食啦～ 之前同朋友一直都講想食吉列牛，終於有時間收工行陣街之後去百樂中心，去食我期待已久既吉列牛上到去都見到有好多人食緊吉牛，所以坐得左就即刻睇餐牌有咩食 發現個餐牌有好多野都好吸引 想一次過食哂 但係實在太多野想食 所以其他留返下次先 今次叫左個套餐2 係吉列牛定食，忌廉咖喱鳥冬同野飲 之後再我地再加左個滋味雞翼(鐘意食雞翼係一定要叫埋)先黎吉列牛定食一上到枱已經急不及待😄聽到佢滋滋聲已經好想快啲食～因為係牛肉所以唔洗煎太耐都可以食得～如果太熟會影響口感係我想要既感覺 佢外面炸得香脆 經過煎一煎 有啲肉汁再入口好滿足 另外佢有個芥末汁 點少少入口個感覺係唔同左 會令到個吉列牛無咁膩既感覺，係兩個風味黎而且吉列牛配飯真係一流 好想食多啲飯之後到忌廉咖哩烏冬一開始見到既時候係到諗點解個咖喱係白色xD 後尾睇真啲原來最頂個層係忌廉 準備食個陣見到忌廉好似好稀咁 但係食落係有驚喜先講佢個味，無諗過原來咖喱同忌廉係幾夾 因為真係食落口無得挑剔其次原來佢個忌廉令到個咖喱烏冬食落口好creamy~ 好快有好飽既感覺 再者佢個烏冬口感彈牙加上有菇 西蘭

週未放工就一定要慰勞下自己，聽從朋友介紹黎左百樂中心呢頭試下個人氣吉列咖哩烏冬。二人食就點左個吉列套餐，有牛又有烏冬可以一次滿足兩個願望。吉列牛。上枱時應該只有三成熟，外表炸得香脆亦可根據口味再放上火爐再煎熟一點。其實煎到五成就差不多了，因為呢個牛油花唔多，主要係赤肉過熟的話會韌，影響口感。沾上少許芥末以減低油炸嘅肥膩感，幾唔錯。套餐配備左普通麵豉湯／白飯／一口豆腐及麻醬蕃茄。兩個小食都唔算特别，但配醬嘅柚子醬油加上少少芥末個味道同牛扒好夾，食落更清爽。忌廉烏冬。咖喱味夠香，但辣道唔強都係偏向日式嘅甜味咖喱。加上忌廉嘅烏冬食落更覺滑溜，食時有啲忌廉嘅奶香味，唔錯。下次要食佢個雞肉炒麵！以呢個辣度應該好吸引。但略嫌牛肉粒有啲過老，連埋烏冬食會影響到少少口感。單骨雞翼(蜜糖燒烤味)。一食落口就覺得同SHAKE SHAKE薯條嘅味道十分相似，正中我地嘅味道！大量燒烤粉覆蓋住可口雞翼，每一啖都係惹味享受。正。兩款飲品都唔錯，玫瑰梳打入口好香，菠蘿冰涼，各佔小小酸味啱晒黎配炸物同食。餐廳改名無花巧直接了當講出自己招牌菜式，方便食客入到黎點餐。呢點幾唔錯，似足日本。

近來潮流興食吉列牛肉，平時經常食吉列豬扒，宜家連牛都有得吃，就最合我口味。昨天我們經家人介紹來到銅鑼灣的吉列牛忌廉烏冬專門店，肯定很快又會再來，因為太美味啦！裝修時尚型格，以灰黑色為主，地方整潔，闊落舒適。餐牌除了招牌菜吉列牛之外，還有涮涮鍋、釜飯、小食、特色飲品等，款式選擇多，真的很不錯。吉列牛定食    $148炸得外脆內嫩，放在熱爐上炙幾分鐘，熱騰騰的，牛味豐郁，嫩滑多汁，口感完全不一樣，令肉汁更鮮甜更美味，非常惹味！味噌蟹蓋配紫菜飯團    $58蟹膏是我最喜歡的食物，將紫菜飯團包著鮮甜的蟹膏和蟹肉，少許鹹香味，十分美味！滋味單骨雞翼     $65雞翼外層味道似芝士和七味粉，香脆可口，很惹味！在餐廳點雞翼最尷尬吃中間部分，這裡可以吃到單骨雞翼，就非常方便，而且更入味，讚！紫薯 Latte    $45淡淡的紫薯香，甜度適中，不會太甜，加上幼滑的忌廉，口感更細膩。綠茶 Latte     $45抹茶味沒有苦澀，散發著微微的抹茶香，最適合抹茶控的我，清香撲鼻，美味。

話說這次是我們的吉列牛初體驗 哈哈。可能因為熱潮已過，在這個平日的晚上，不用訂座和排隊，很快就被安排入座。兩個人都很想試吉列牛和忌廉咖喱烏冬，所以很快就決定要點套餐。一整個吉列牛的套餐非常豐富，除了主角，有味噌湯、米飯、胡麻醬冷豆腐和蕃茄。將吉列牛逐片放在小小的陶瓷板上，可以自己控制生熟程度，聽著「滋滋」的聲音真的蠻享受的！吉列的外皮尚算酥脆，吃下去不會油膩。牛扒是美國的牛里脊，肉質鮮嫩多汁，脂肪適中，肉味香濃。配上Wasabi和特製蒜味沙律醬，別有一番風味。而看到忌廉咖喱烏冬（牛肉）的樣子也非常驚喜！滿滿忌廉的外表讓我們都哇了一聲 哈哈。加入了薯仔蓉的忌廉依然很滑，質感很幼細，如果放久了會見到一顆顆小氣泡很有趣。白色雲朵裡面是熱辣辣的咖哩烏冬。咖喱很惹味，混合忌廉後非常夾，微辣的程度剛剛好。烏冬非常煙韌彈牙，牛肉亦很軟稔美味！除此之外，我們還點了滋味單骨雞翼和牛舌豬肉串。我們一吃下去，就超愛這個雞翼的！肉質鮮嫩，加上它特別香濃惹味的粉末，甜甜的讓人停不下來。牛舌豬肉串相對上就比較沒有驚喜，吃不出來有牛舌，像是免治豬肉棒，但味道還可以。

網上見到呢間餐廳好似幾得意，有得自己燒牛控制生熟度，於是就約埋好朋友去食 吉列牛定食 $148 有得玩又有得食🤣🤣吉列牛預先用左薄薄既炸粉炸起，肉質保持著嫩紅既顏色，跟住就自己放上熱石上燒一陣🔥，控制自己中意既生熟程度~  我覺得燒幾秒已經得，燒太耐就會變韌唔好食~  白飯有上有飯素，變得冇咁單調，但飯粒有啲乾😂 韓式炒牛肉荼漬飯 $58 湯底可以揀抹茶湯，鰹魚湯同豚骨湯，我地就揀左鰹魚湯～ 飯上有炒蛋同飯素，白飯有D硬，幸好有得倒上鰹魚湯，鰹魚湯清香，令到白飯更易入口～ 炒牛肉肉味幾濃，不過味道偏甜～ 滋味單骨雞翼 $65  味道真係幾滋味，好似沾滿晒啲shake shake粉咁💁🏻，味道甜中帶鹹，都幾香脆，熱氣就緊架啦 餐牌