大漁屋台 (已結業)

進門服務人員態度也是超好的，店面掛着一幅大漁在店內雖然餐廳不是很大但麻雀雖小五藏區全，裝修得亦很有特色風味。服務員為我地推介菜式 據說來大漁屋台必點的極選壽司12點盛，有貝類、呑拿、三文魚、魚子、海胆、蝦、帆立貝、鯛魚等等，每件入口即溶鮮甜無比，有光澤感加上每件刺身都非常厚實配點芥末和醬油一起吃口感真的很不錯。刺身季節沙律用了蝦簡直是我的最愛蝦本身非常新鮮彈牙爽口加上魚子有大有小的，菜以及小蕃茄食起嚟超開胃夏天的必選食品之一。極上刺身八點盛，有帆立貝海膽三文魚牡丹蝦鯛魚等等每件入口即溶化鮮甜甘香好好味，燒日本原隻魷魚醬汁美味用了秘製的汁料來燒，非常大隻又爽口彈牙上面灑上芝麻更加香令這個魷魚升華不少。滑蛋吉列黑豚丼蛋香滑濃香四射，黑豚肉鮮嫩口感一流加上日本米煮的飯美味極了。粟米串燒非常甜又多汁不會燒到很乾還保持粟米嘅香甜味。海之幸丼所有刺身超新鮮肥美入口即溶簡直置身海裏的感覺。免治雞肉軟骨炸到不油不膩新鮮爽脆雞肉調味10分美味。和紙火鍋臀肉，先喝一口湯所有精華所在鮮味加上肉的香味以及豆腐令人回味無窮，滿滿甜蜜的感覺這家店價錢實惠材料新鮮值得推介！

牛下長大既我即使中學後搬咗，間唔中都會過黎淘大德福行食吓野行吓~自從得寶裝修後有一部份叫牛下新城，加上舊街坊喺度開左小店就更多黎呢邊。今次都係搵舊街坊，佢介紹左呢間日本餐廳，我同老公就去試吓! 門面已經完全擺脫昔日得寶既形象，入內更加有居酒屋既感覺。先黎一杯 Frozen Beer 上面嘅雪泡,keep住啤酒嘅溫度，咁熱既天氣飲到尾都係凍，特別爽!左口魚邊壽司，灸燒過既左口魚油脂更突出～　蟹肉蟹膏壽司 蟹膏既濃味，加埋一絲絲嘅蟹肉一啖入口，蟹嘅鮮味各自發揮！刺身季節沙律 好多角切咗嘅三文魚、油甘魚、甜蝦、三文魚子，食到尾都仲有~見到北海道生蠔買二送一，我哋都叫咗3隻， 肥美鮮甜，帶點海水同埋礦物味~呢度啲炸物、天婦羅、關東煮都可以逐件點嘅 。我哋就揀咗幾件天婦羅，海老天婦羅一咬落去蝦肉鮮味彈牙；沙錐魚，內質鬆軟。仲有日本南瓜、日本番薯， 味道特別鮮甜。我要一讚係個炸粉調教得好好超鬆脆!!另外點左和紙牛肉火鍋，以前食呢個紙火鍋 都會覺得好得意好興奮~人大咗先知紙火鍋既紙其實都有用途㗎! 紙可以吸收肉類嘅油份，令到個湯底更加清澈唔油膩~所以食完鮮嫩嘅牛肉片同埋滑滑豆腐，下面嘅水晶麵條、雜菜

相約朋友到九龍灣做yoga，做yoga前朋友帶左我去得寶食日本野，唉？！乜原來得寶開左間日本餐廳？！真係好喇，其實九龍灣真係冇乜呢啲居酒屋，今晚一於去試下先！餐廳裝潢富日本色彩，色彩鮮豔，未食野已經覺得心情舒暢起黎！先黎餐前小食 - 螢光魷魚沖漬魷魚🦑非常爽口，味道調得不錯，用黎送酒一流麻醬番茄豆腐沙律沙律一直都係我既至愛，每次食日本野都必叫之一！呢個沙律有豆腐、厚切番茄、沙律菜同埋三文魚子，加上麻醬甜甜酸酸的，好味又開胃！北海道生蠔雖然唔係好大隻，不過蠔味十足，加少少檸檬汁可以提鮮辣味鐵火卷辣味鐵火卷賣相唔錯，卷上有幾粒吞拿魚，卷中包著青瓜絲，再配以沙律醬一齊食，味道都唔錯，幾清新。雖然個名叫辣味，以為好辣，但其實只有少少少辣，怕食辣既朋友都岩食。燒物 - 鹿兒島黑豚肉串燒及雞頸肉串燒 用料為鹿兒島赤雞，選料上盛，燒過的豚肉及雞肉仍保存肉汁，外脆內軟，肉質鮮嫩，加少少檸檬汁，味道更為提升。關東煮我平常都好鐘意食炸蟹餅，見到呢度有蟹餅關東煮見幾得意，又叫左黎試下。估唔到蟹餅配芥末醬又唔錯喎，味道清甜又清新！滑蛋吉列黑豚丼豚肉炸至香脆，上面加上紫菜，內裡有豆腐、冬菇及有量洋蔥，仲掛左少少

同朋友做完運動, 係附近搵間餐廳醫醫肚。多年前住過得寶花園, 知道果邊商場人流較少, 價錢比德福果邊平少少, 所以行去得寶商場睇下有咩食, 就發現原來開左間日本菜餐廳, 日系既裝修加上入面既人流幾旺, 就吸引左我地入去試試。一般既刺身、串燒、炸物、鍋物等....都有供應。【麻醬蕃茄豆腐沙律】HK$42滑滑既豆腐配上芝麻醬，夾集蕃茄片同埋沙律菜食，酸酸甜甜很開胃【北寄貝刺身】HK$98北寄貝很爽口, 幾大隻, 可惜有少少腥味, 要用檸檬汁蓋一蓋【辣味鐵火卷】HK$68其實唔太知點解個名叫"辣味", 但入口完全冇辣味, 雖然每件只有兩小粒吞拿魚, 卷中有青瓜絲, 加上沙律醬, 整體清新而不膩【串燒安格斯牛肉】HK$32 表面平均掃上甜甜地既燒汁, 肉質林, 很juicy【免治雞肉軟骨】HK$22外皮很脆口, 雞肉唔會太乾, 仲有些少軟骨幼粒增加口感, 點上沙律醬更加惹味【滑蛋吉列黑豚丼】HK$88滑蛋為半熟, 蛋汁、日款燒汁, 仲有大量既洋蔥, 整個飯甜甜地~ 黑豚肉幾嫩, 還keep到些少肉汁雖然刺身質素一般, 但每款串燒都很有驚喜, 而且價錢比起銅鑼灣平得多。店內仲有清酒等酒類飲品選擇