鼎王麻辣鍋 (The LOHAS) (已結業)

無得去旅行，勁掛住台灣嘅火鍋。依家香港開左高人氣過江龍——鼎王，點可以唔去試下呢！我哋點咗鴛鴦鍋。侍應好細心咁提醒我哋酸菜白肉中鍋嘅白肉係師傅新鮮加入去，要滾一陣先食。酸菜鍋入面居然仲有薯粉酸菜同港式酸菜唔同，佢係新鮮啲，酸酸地，好開胃，我食到停唔到。鴨血麻辣鍋，真係無得頂！ 豆腐同鴨血都好滑。有鼎王，唔使再因為掛住鴨血而買好貴嘅包裝台灣鴨血啦！嚟呢度可以食得勁滿足。一邊食一邊忍唔住係咁講：好正呀！仲要係咁加鴨血，因為實在太好味啦！ 老油條同平時香港食嘅油條唔同， 佢係偏脆口。淥一淥就食得，外軟內脆，好特別，一定要試！滷大腸頭， 本身都熟左，但侍應話都可以淥一淥先食，好好食。牛拼盤，一次過滿足你幾個「牛」願望，有唔同部位。重點係，每個部位都係靚肉，全部都好食。蟹膏滑，我第一次食， 口感偏軟稔，真係有蟹膏架！鴨血、豆腐、酸菜係90分鐘用餐時間內可以無限添加。侍應勁有禮貌，佢地會主動問我地是否需要加鴨血豆腐酸菜，緊係加啦，咁正！有得自助裝飯，米飯粒粒分明又彈牙！今日2款湯底都好無敵好食，鴨血、大腸頭、老油條都好有驚喜。 呢間餐廳坐得好舒服，食物又高質， 一定會encore !

疫情期間，除咗無得去旅行，連出街食飯都少之又少。所以對於我呢啲一年去幾次台灣嘅人嚟講，真係好掛住台灣美食。最近台灣嘅「鼎王麻辣鍋」進駐左康城 The LOHAS，當然要去慰藉下心靈。店舖裝修跟足台灣店，而且接待員係用國語到客人溝通，感覺好似置身左台灣。坐低後，侍應先遞上熱茶。熱茶係蜜桃茶，飲落散發出淡淡果香味。之後侍應介紹湯底同每款湯底入面有咩材料。湯底主打麻辣鍋同酸菜白肉鍋，當然兩種都想試，所以叫左鴛鴦鍋。鴛鴦鍋 $68/每位  麻辣鍋 (中辣) - 湯頭用左牛油、蔬果同辣香料熬製， 所以除左鮮味，仲辣味十足。酸菜白肉鍋 (小酸)  -  湯頭用大骨高湯同香料熬製。               ( 如果火鍋食落覺得麻辣度 / 酸度唔足夠，可以再叫侍應増加麻辣度 / 酸度)麻辣鍋入面有好多鴨血同滷豆腐，重點係同台灣一樣，鴨血同滷豆腐係無限添食。酸菜白肉鍋就有酸菜同豬肉片，但就只有酸菜係無限添食。  酸菜爽口，酸中帶微甜，好醒胃。鴨血大大件，入口好嫰滑惹味。滷豆腐吸晒麻辣湯，一咬落去，食到麻辣湯嘅精華，真係好滿足到我。我地一共添食左三次鴨血，一次酸菜。侍應一叫就到，唔會要客人等好耐。調味

鼎王麻辣鍋 (The LOHAS)將軍澳康城路1號The LOHAS 2樓202號舖因為疫情既關係已經好耐無去過台灣啦，知道康城開左<鼎王麻辣鍋>，以前去親台灣都會去食架，所以今日就過黎回味下今次都係第一次黎康城呢個新商場，感覺都幾大但係都仲有好多鋪頭未開，而餐廳就係L2 層，一入到去所以員工都好熱情感覺同係台灣店一樣，坐位方面都好闊落，一坐低店員就教我地用IPAD落單同幫我地ORDER左鍋底先，唔使我地等咁耐，好貼心呀我地揀咗鴛鴦鍋，最鐘意就係呢到鍋底既配料， 包括麻辣鴨血，豆腐仲有酸菜都可以無限量添加，我自己最鍾意食既就係鴨血起碼加咗成4轉餐廳既職員都好主動會經常問我地仲需唔需要加，抵讚另外，火鍋配料方面都好出色，全部都好新鮮，自己最鐘意就係個<廣島蠔>，好大隻呀，望落已經好吸引，仲有<滷大腸頭>都好正，可以即刻當小食咁食，滷得好入味，又係必試item總括，雖然康城呢個商場好多鋪頭都未開，但為左<鼎王麻辣鍋>專登入黎都絕對值得呀，真心好味，有機會一定會再黎幫襯