龍鳳號 (裝修中)

又黎多次食龍鳳號，今次小編主要想食小食，食少啲飯麵類🤣🫣，但同b🐷就眼闊肚窄咁叫咗5樣嘢，食得太飽😂。台式烤香腸 4/5 $32經典嘅烤香腸，豬肉香味帶點甜味，夾起一片香腸之後要跟埋蒜片，然後擺入口，蒜頭天然嘅辣味，增加咗香腸嘅風味，但係要留意嘅係，食太多蒜頭口臭🫣。蔥肉捲🥓 4/5 $46豬肉片，捲着香蔥，仲要煎得超香超惹味，加埋酸辣汁，一咬落去嗰啲汁水就爆曬出嚟，但豬肉片好似有啲碎骨咁，食起上嚟會索索聲，有啲奇怪。家鄉紅趜滷豬手 5/5 $78小編好鍾意依個豬手，佢炆得幾淋，豬手唔會骨多肉少，啖啖肉，食上嚟先夠過癮🤭🤣。佢個醬汁係甜，可能加咗少少陳醋？佢嗰隻香味其實好啱送飯食嘅。膠原都唔錯，食完豬手嘴唇都俾佢黏住😋😋。份量都幾多，我同b🐷每人都食咗四舊豬手，$78嘅價錢真係好抵食。滷豆腐 3/5 $32正常滷水嘢，豆腐吸左啲滷水汁都幾好味。惹味肉燥乾拌麵 🍝4/5 $38原本以為係乾撈麵，但係佢個米線其實係濕濕地，加埋啲肉燥蒜蓉芽菜撈埋，爽口嘅芽菜中和返濕潤嘅米線同肉燥蒜蓉，有少少辣味幾好食嘅。地點:要行入去一間商業大廈入邊再上兩層樓，唔熟觀塘可能要啲時間先可以搵到。環境:張枱比較

觀塘永遠都好多野食，推介一間味道唔錯，好多選擇既台式店，店鋪裝修都有心思。砂鍋麻油雞 $88砂鍋上，保拎熱度，除左主角雞件外，配料都唔少，有香菇貢丸、豬紅、秀珍菇同旺菜。一打開蓋，就嗅到好香麻油同酒香味。天氣再凍d食仲正，暖笠笠。麻油雞幾大件同滑，而且數量都唔小。滷豆腐 $32滷汁入味，豆腐夠滑。古早味肉燥飯 $38肉燥頗多，有台灣味道😝，個飯幾出色，搭配埋豆腐食，仲正😍屏東金桔檸檬 $28樽仔上，都唔算太甜，柑桔味濃。

收工約咗朋友食飯，我哋兩個都好鍾意食台灣嘢🇹🇼問佢有咩好推介🤤🤤佢話去試吓呢一間叫做龍鳳號嘅餐廳佢嘅位置遠離繁囂嘅APM，係街市附近嘅中海日升中心，一上電梯就見到👀位置非常方便📍侍應手腳好快💃🏻🕺🏿一入到去已經安排好我哋嘅座位🪑🪑擺低餐具🍴俾埋QR code我哋落單📲枱底中放置左一個籃俾我哋放袋😍非常貼心🥰我哋叫咗個古早味肉燥飯$38，一份鹽酥菇$42同埋一份滷豆腐$32，嘢飲就叫咗個凍嘅屏東柑桔檸檬🍋$28同埋熱嘅桂花胎菊蜜$28古早味肉燥飯充滿台灣嘅味道，白飯撈埋肉燥食，簡直係一流👍🏻👍🏻 滷豆腐夠晒入味，就咁食又得，配飯食亦得😋😋😋鹽酥菇一上枱已經香噴噴🤤🤤🤤🤤仲要份量勁多😍😍feel到佢岩岩炸起熱辣辣🔥🔥忍唔住嗱嗱聲夾起上嚟咬，外脆內軟🤤 表皮係好香脆，裏面嘅菇仍然保留住好鮮味嘅汁，淡淡都咁Juicy 😚😚😚門口都放置左水俾人自助斟水🥰整體嘅設計都非常之貼心❤️

第三次黎龍鳳號 ，今次帶咗幾個朋友黎試下，個個食完都大讚🤩鹽酥雞同麻薯地瓜棒當然係必點之選，水準依然冇變，一樣咁高質宜蘭蔥肉煎餅好新鮮熱辣，入面好多汁，要小心慢慢食，如果唔係會燙親澎湖花枝蝦餅好有驚喜，好大塊，又脆又彈牙，下次一定再叫另外仲叫咗兩個主食：肉燥乾拌新竹米粉、姐姐涼麵，兩樣都好惹味，同埋望落好細碗，但其實份量都多，每人都分到唔少滷豆腐就正正常常，唔差整體樣樣都好正，同朋友傾計傾到10點都冇問題，所以一定會再黎

有日去觀塘想食台灣野，就去左呢間略有名氣的台灣菜，因為都有印象想過人介紹。當日叫左幾樣野：魯肉飯，宜蘭蔥肉餅，滷水豆腐同桂圓雪梨茶。先上嘅係桂圓雪梨茶：飲落好清甜同真材實料，唔會好甜，配佢地嘅食物非常啱，唯一係價錢唔算平。第二樣上嘅係魯肉飯，唔知係咪本身有啲期望，感覺上佢唔係一碗好食到要推薦的魯肉飯，一黎汁唔夠多，二黎望落個色好似好夠味，但事實上係冇咩味道。第三樣係滷水豆腐，豆味係有嘅，幾欣賞呢點。咸味適中。最後個蔥肉餅，無影到相，本身以為佢會似台灣的胡椒餅咁，入面充滿肉汁。可以上到黎嘅時候，見佢有幾個餅已經穿左，而且無汁流出黎都已經知唔係我地想像嘅野。咁都唔緊要，係自己孤陋寡聞姐，唔係人地嘅錯。之後試左一啖，其實還可以，但衰在佢個汁實在太咸，咸到我同朋友都食唔到其他味道，所以覺得麻麻地

很久沒有去台灣了，有點掛住台灣夜市及美食。 刈包、大腸麵線、肉燥飯、擔仔麵等等地道美食滋味無窮，令人懷念。前兩日經過觀塘中海日昇中心，接過傳單，知道有間台灣餐廳，而且價錢唔貴。所以今晚同媽媽黎試下先。餐廳名字及裝潢都有氣勢及台式風味-餐牌選擇都很多，我們點了幾款🤤-🌟砂鍋三杯雞三杯雞係台灣既特色小菜三杯就係指油、醬油、酒；加上爆香了的薑葱蒜及九層塔，就能做出具風味又惹味的的三杯雞。 一上台已聞到香噴噴；加上鮮嫩的雞肉媽媽讚口不絕👍🏻-🌟滷豆腐由細到大都很喜歡吃豆類製成品軟嫩厚切的滷豆腐，咸香豆味濃！正喔！-🌟四神湯媽媽想飲湯水，點了這碗溫和中藥燉補四神湯。材料有淮山、芡實、蓮子、薏米、豬肚這份燉湯材料足！抵讚！多喝有助健脾養胃補元氣👍🏻-🌟古早味魯肉飯賣相滿分💯 每次去台灣都是必食魯肉飯總是令人懷念當魯肉滿滿的鋪在煙煙韌韌的米飯之上，令人食指大動魯肉醬汁油香豐腴，肉質軟腍每一口都有半肥瘦豬肉的油香鮮味及醬汁的濃郁味道🤤 好想再追加多碗呢-🌟台南擔仔麵有次去台南旅行，當地朋友帶我們去吃擔仔麵，它是當地出名美食之一。油蔥湯頭入口芳醇濃郁肉燥有著甘醇的甜香輕輕拌開芽菜、香蔥、芫茜，喝一口湯，