龍鳳號 (裝修中)

台灣菜食極都唔會厭😚 最近同朋友喺觀塘日升中心食咗一間性價比幾高嘅台灣餐廳❣️✻古早味魯肉飯($38)魯肉飯大細適中 佢選用咗台灣嘅珍珠米🍚 好多魯肉同埋汁 足夠撈曬成碗飯🤎 魯肉嘅肥瘦都適中唔會太過油膩 果然係招牌真心好食必叫！✻ 澎湖花枝蝦餅($72)雖然呢個價錢相比之下貴少少 但絕對係值少少得嘅 佢嘅蝦餅好足料而且好彈牙 炸到好香脆！👍🏻🦐✻宜蘭蔥肉煎餅($48)有五件煎餅 好香蔥味 同之前喺宜蘭食過嘅蔥肉煎餅味道好似～～💚✻惹味肉燥湯新竹米粉($38)佢比較重蒜香味 米粉吸曬湯嘅味道好香濃～✻龍鳳荳花凍 ($42)有紅豆 綠豆 手工芋圓同埋手工地瓜圓賣相吸引～ 荳花好滑 芋圓好大粒🥰餐廳環境都幾大間 另外牆身有龍鳳嘅牌同埋有啲插畫幾靚💕門口可以自己斟水飲😆

🍽龍鳳號 (觀塘)📍觀塘駿業街56號中海日升中心2樓2B號舖1.澎湖花枝蝦餅 （$72）花枝蝦餅表面係用吉列既方法炸過，但炸出嚟唔會太油。裏面有好多蝦同花枝，好似爆出黎咁，每啖都會食到花枝同蝦肉，十分足料，做得十分香口爽彈。2.宜蘭蔥肉煎餅（$48）煎餅皮做得唔厚，做得剛剛好，唔會漏汁，而且煎得表面金黃色，好香口！肉餡做得好入味，係一個韭菜豬肉餡，裏面有好多韭菜同香蔥，帶有少少薑既味道！ 咬落去好多肉汁爆出嚟，外脆內軟，令人想食完一舊又一舊。3.涼拌秋葵（$42）秋葵係人都知好處多不勝數，滑腸解便秘，美肌，防癌等等。涼拌秋葵嘅上面放咗好多滷肉碎，令到本來冇乜味道嘅秋葵鹹鹹地好入味。秋葵做得好爽口，唔會煮得太淋，用黎涼拌真係一流，真係又健康又好味呀。環境：💛💛💛💛🤍4/5衛生：💛💛💛💛🤍4/5食物：💛💛💛💛🤍4/5價錢：💛💛💛💛🤍4/5（$162）P.S.餐廳嘅裝修真係好靚好唔錯，用嚟打卡都一流。地方都係乾淨同衛生，食得安心真係好重要。食物既材料等等都好足料，而且價錢又合理唔貴。佢地倒水都係以自助形式，想飲幾多就飲幾多。呢一間餐廳CP值都幾高，鍾意食台灣嘢食嘅你哋，值得一試。

第三次黎龍鳳號 ，今次帶咗幾個朋友黎試下，個個食完都大讚🤩鹽酥雞同麻薯地瓜棒當然係必點之選，水準依然冇變，一樣咁高質宜蘭蔥肉煎餅好新鮮熱辣，入面好多汁，要小心慢慢食，如果唔係會燙親澎湖花枝蝦餅好有驚喜，好大塊，又脆又彈牙，下次一定再叫另外仲叫咗兩個主食：肉燥乾拌新竹米粉、姐姐涼麵，兩樣都好惹味，同埋望落好細碗，但其實份量都多，每人都分到唔少滷豆腐就正正常常，唔差整體樣樣都好正，同朋友傾計傾到10點都冇問題，所以一定會再黎

觀塘最多既就係台灣菜餐廳，今次再次介紹龍鳳號，午市食過龍鳳號同同區嘅阿元來了，覺得阿元來了更勝一籌，因為阿元來了有得散叫，配搭多款而且有蛋餅，但龍鳳號午市其實只有套餐，有好多小食都冇得食，所以今次終於試佢嘅晚市，晚市嘅小食原來好有驚喜。-1️⃣ 古早味魯肉飯 💰38（👅: 8/10）魯肉飯都係一般台灣菜嘅大小，魯肉肥瘦分明，即使佢係用五花腩加豬下腿肉做魯肉，食落都唔算油膩，五花腩聽講係用元朗豬場出產既台灣種黑毛豬，食落肉味濃無豬羶，入口即溶。魯肉用自家炸乾葱酥、醬油膏同冰糖燜煮味，肉大粒魯汁食落入味有甜味，有台灣風味，唔會話食完好口渴。魯肉份量都足夠去撈成碗飯食，飯係用台稉九號既珍珠米，煮得粒粒分明，食落煙韌彈牙有米香。我覺得質數係above average，不過同區既阿元來了會略勝一籌。-2️⃣ 澎湖花枝蝦餅 💰68（👅: 9.5/10）蝦餅係新鮮炸起，夾上口食嗰時仲係熱辣辣。外表炸到金黃色，外層嘅炸衣炸到非常鬆脆而且薄，可能加咗油紙所以睇落冇咁油，內涵係非常飽滿嘅蝦餅，入面加左澎湖最出各既花枝，每次食一啖都覺得係滿口蝦肉，而唔係麵粉，佢係用鮮蝦打成膠，混合切成一粒粒花枝肉，食落有咬口而且又

平日夜晚食朋友介紹的龍鳳號～一試便愛上！❤️古早味魯肉飯 $38市面上好多魯肉飯其實你肉燥飯兩者最大嘅分別就係魯肉飯係有五花肉！所以朋友覺得好好食😋呢個碗嘅份量話少唔少，話多又唔算好多不過食一啖有滿滿嘅油香配飯，很滿足！姐姐涼麵 $38呢個我覺得夏天食好正🤤最近食咗幾次涼麵， 最鐘意呢個！佢唔似出面嘅椒麻/麻醬利申先🙈佢個醬其實我唔係好食得出有D咩材料除咗食得出有蝦籽不過味道唔會話好濃，反而係好清新油膩感唔重，唔似椒麻嗰D咁有刺激感行到熱辣辣又肚餓食呢個真係好舒服！澎湖花枝蝦餅 $684大塊基本上每塊都好足料每塊都有見到一粒粒紅色蝦仁同花枝炸得好脆，好爽彈食完覺得好熱氣🤣鹽酥菇 $42熱辣辣上枱，要放一陣先擺到入口杏包菇好多汁同樣炸得好脆唔似台灣街邊檔翻炸嗰D份量好多比起蝦餅，我更愛鹽酥菇😚屏東柑桔檸檬 $28唔會好甜飲落好fresh，不過怕酸嘅唔建議你試～黑糖冬瓜茶 $28呢個同出面飲嘅差唔多正常水平～overall黎講我覺得龍鳳號嘅食物真係幾出色如果下次再去觀塘，應該會係我restaurant list嘅其中一間🤤