Steak Bar (已結業)

好耐冇食過牛扒，朋友約食飯就拉埋佢地試呢間餐廳。第一次食吉列牛就比左呢間餐廳留低左好好嘅第一印象🤣牛扒本身已經有3成熟，等塊爐板熱一陣再燒。咁樣可以自己選擇同調教生熟度可以一塊生啲一塊熟啲咁食😂個吉列炸得好香口，唔會太重油膩感。個牛扒本身肉質都幾好，牛味重，夠冧，唔會太多根位。除左牛，我地仲叫左個魚柳，好好食！！小編都幾鍾意食魚，好滿意條魚啲肉好嫩滑，好新鮮。亦都煎得好香，又唔會煎到好濃或者老哂入面一切開啲魚油飛哂出黎，好正🤣呢個肉眼扒都好好食個肉幾冧，唔算太多根，幾好。份量都好足夠，餸埋飯就好滿足🤣我地嗌左五成熟，佢真係有做到朋友叫左支Asahi～除左set仲有啲小食嗌野食就寫呢張紙～雖然門口位唔大，但入到去都幾寬敞，坐得都幾舒服。

呢個餐牌選擇唔算多，但全部都好吸引。一人齊，靚女店員就落黎問使唔使介紹，靚女問到，我識啲牛都扮唔識啦🤣 佢好細心咁介紹每一種牛，有咩特色，咩質地。請留意最低消費一人一個餐。和牛本身三成，可以就咁食，都好好味，但燒左會熱啲，同好香牛油味。肉眼扒超正 🤤 五成真係五成熟，入口即溶，肥瘦均勻 💯而家show大眾點評app仲有免費芝士薯條/紫菜薯條送，好抵☺️ 佢啲紫菜粉唔係表面先有，而係每一條每一面都有，好正 ☺️加埋一人均$250都唔使，勁開心，希望佢小食優惠長做長有啦 🙈🙈

最近行過都見到呢間steak Bar 坐滿哂人今次終於早左黎，吾洗等位就可以入去啦☺️☺️一打開menu全部都系我最愛既牛牛🥰呢度肯定系牛魔王嘅世界👹🐮 望到好多人都點吉列炸和牛扒，望到好吸引🤤🤤但系鐘情肉眼既我都系簡左Set menu入面既澳洲穀飼肉眼扒塊肉眼扒大得黎又有厚度 🤩目測over 10安士以上，今次order 大約4成熟既肉眼,切開肉眼扒既汁仲保留住，脂肪比例岩岩好，每塊肉眼都有小小肥既脂肪位，簡直系肉眼既精華所在❤️配埋和風味既飯 ，好有日式和風餐館既風味好在個餐仲有沙津&豆腐，雖然我系食肉獸但系都要食番d前菜,再Order 埋個橙汁 可以繼續做番個好健康既牛魔王🐮🐮🤤下次試埋呢度既吉列牛先

週六的中午到登龍街覓食，被招牌上的Steak字吸引，決定一嚐一頓日式牛扒料理就座後待應詳細地為我們介紹菜單，共有八個套餐可供選擇，要是不吃牛可以點羊架或魚柳我要了一份安格斯西冷牛扒，牛扒油脂香滑、肉質幼嫩！另一客澳洲穀飼肉眼扒肉質柔軟多汁，佈滿均勻的雪花紋脂肪！套餐還包括前菜、沙律及飯。前菜胡麻豆腐入口滑溜溜，帶有濃郁豆香。沙律口感爽脆清新！白飯灑了一層飯素，配上牛扒，頓時變得惹味非常。就這樣捧著滿滿的肚子離開

今次中午去咗銅鑼灣食牛扒，係好多身邊嘅朋友食完推介我去嘅，午餐時間去到都唔使點排隊，坐低睇咗一陣餐牌就叫咗石燒薄切牛肉同澳洲穀飼肉眼扒。首先嚟咗啲頭盤嘅沙律同埋豆腐沙律菜新鮮爽口，有少少醋，加車厘茄，食咗份外開胃。另豆腐嫩滑清新，加上少少芝麻醬同蔥花，點綴左平淡無味嘅佢。係好好嘅一道前菜。之後，套餐加配嘅小食薯條都黎啦每一條都好粗炸到金黃色，咬落去外面鬆脆內里軟綿綿，加上小小鹽同胡椒，十分惹味，令人食唔停口。講左咁耐終於黎到主菜啦，我就集中講下自己食嘅澳洲穀飼肉眼扒啦，牛扒好大塊亦都好厚身，表面煎到深啡色得黎又唔會燶，未上台已經聞到香味。用刀輕輕就已經可以切開牛扒，里面呈現粉紅色，仲有唔少肉汁流出黎，細細口食一啖，感覺到肉質軟腍腍得黎仍然保持到小小肉嘅彈性，食落有好重嘅牛肉味，由於係肉眼，脂肪比較上無咁多，食多幾啖都唔會覺得油膩。最後跟餐仲附上一碗白飯，用靚牛排黎送飯，可能大家會覺得有D奢侈，其實係最適合不過，白飯清淡，同牛油同肉汁混和埋一齊食可以更凸出牛扒嘅肉香，令我地可以更清楚品嚐到牛扒應有嘅味道。以一個午餐來講唔算平，但食物嘅品質高，所以都算值得嘅。