漁釧 (V Walk)

营业中

休息中

又喺商場睇完戲,今日揀左呢間日本菜🇯🇵餐廳內外裝修都好和風🙈有二人套餐,亦都可以散叫壽司、串燒、刺身飯、小食等~前菜我地叫左汁燒鮑魚✨鮑魚好入味彈牙,切好唒一粒粒好方便食,點埋檸檬汁食更加清新😋鐵板燒到好熱🔥蒜片勁香,咬落香脆~和牛粒冇肥膏亦冇筋,好易咬而且牛味好重,火喉亦都啱啱好!真心唔錯😍刺身飯份量都幾大碗,刺身亦好大件,吞拿魚蓉超多絕對夠撈唒成碗飯😋仲有隻蛋黃撈埋食更加香滑👍🏻中拖羅油脂好豐富,入口即溶!帶子同蝦亦好甜,又大件又新鮮😋拉麵好特別,上到枱時先睇住店員倒啲雞白湯入去~和牛冇經過烹調,只用湯嘅熱力去整熟可以確保牛唔會因高溫而過熟👍🏻拉麵質地幾好唔會太腍,雞白湯好濃郁,再加埋和牛香味同油脂味道更豐富😍和牛甚至都係入口即溶,超滑!不錯!

第一次黎V Walk，原來咁多餐廳，由東南亞至西餐都有。一出地鐵站層，就見到居酒屋風嘅漁釧。網燒牛肉野菜沙律，牛肉片有厚度，外邊有網燒痕跡，內呈現粉嫩色。望落偏紅，但食落唔韌。食落有肉汁。鐵板牛肉飯，比起Paperlunch少咗過量嘅胡椒味，冇咁搶味，更食到牛肉味。牛牛牛，全部都係牛。朋友叫咗濃厚醬油雞白湯和牛拉麵。大推！試咗佢個湯底，味道濃厚，完全唔膩。口感亦唔張口或者太杰身。薄切和牛鋪係碗邊，和牛果然和牛，食落比鐵板牛所用嘅牛更富牛味，肉質更柔軟。雞湯餘溫可以令到牛肉半生熟。小食方面朋友主動話點燒雞泡魚乾，的確配酒一流。雞泡魚係驚喜之作，切得比坊間厚身，咬落更有口感，外脆內軟。面頭甜甜地，好上癮。南蠻炸雞係必點！記住趁熱食，炸得脆口，薄薄嘅炸皮包住嫩滑嘅雞腿肉。就算凍咗個炸皮都唔會淋晒。雞肉juicy。調味足夠，但唔會似KFC咁重口味。仲有一啲薯仔沙律醬加蔥，一齊食有新鮮感。享受下美食、傾下、Chill下，話咁快就度過一個星期三晚。