漁釧 (V Walk)

营业中

休息中

第一次黎V Walk，原来咁多餐厅，由东南亚至西餐都有。一出地铁站层，就见到居酒屋风嘅渔钏。网烧牛肉野菜沙律，牛肉片有厚度，外边有网烧痕迹，内呈现粉嫩色。望落偏红，但食落唔韧。食落有肉汁。铁板牛肉饭，比起Paperlunch少咗过量嘅胡椒味，冇咁抢味，更食到牛肉味。牛牛牛，全部都系牛。朋友叫咗浓厚酱油鸡白汤和牛拉面。大推！试咗佢个汤底，味道浓厚，完全唔腻。口感亦唔张口或者太杰身。薄切和牛铺系碗边，和牛果然和牛，食落比铁板牛所用嘅牛更富牛味，肉质更柔软。鸡汤余温可以令到牛肉半生熟。小食方面朋友主动话点烧鸡泡鱼干，的确配酒一流。鸡泡鱼系惊喜之作，切得比坊间厚身，咬落更有口感，外脆内软。面头甜甜地，好上瘾。南蛮炸鸡系必点！记住趁热食，炸得脆口，薄薄嘅炸皮包住嫩滑嘅鸡腿肉。就算冻咗个炸皮都唔会淋晒。鸡肉juicy。调味足够，但唔会似KFC咁重口味。仲有一啲薯仔沙律酱加葱，一齐食有新鲜感。享受下美食、倾下、Chill下，话咁快就度过一个星期三晚。