三田製麵所 (金朝陽中心二期 - Midtown)

营业中

休息中

*濃香豚骨魚介沾麵 $84（未包+1）佢呢款沾麵有3個size揀，小size約250g，中size 約350g，大size就約450g，3個size同一價錢，特大（670g)就要+$10。個人覺得女仔食中size已經夠，男仔怕唔飽就可以叫大～味道方面，佢個湯底真係勁濃味（褒義）！有淡淡嘅鰹魚味配上味增味，配埋沾麵超級夾挺好食～而辣味嘅湯就係原味湯嘅基礎上多咗七味粉嘅味道，都幾惹味同埋有啲辣🥵麵質偏粗，超級彈牙，好好食！不果我覺得塊叉燒有啲太瘦，沾咗湯汁都係好乾，如果可以肥翻少少就好～溏心蛋好味🤤

喜歡吃日式料理，卻很少在香港吃日式麵食。作為登三之人，在港吃拉麵、沾麵的次數根本用不盡10隻手指，因為湯底的味道真是差天共地。尤其沾麵，撇除味道不談，很多時候連麵條掛湯都做得不夠好。今日午飯，同事提議吃日式沾麵，ok。一直都沒有留意，原來公司附近有間名叫《三田製麵所》。日式麵食，港幣$80上下，基本價格，可以接受，何況他的「濃香豚骨魚介沾麵」質素ok，湯醬如其名很濃郁，特別適合傾向重口味的人。以佐山愛為例，喜歡重口味一點的，會對她奉如至寶。不喜重口味的，基本也不抗拒她，間中觀賞亦稱得上少食多滋味。吃《三田製麵所》的沾麵，大致就是這種感覺。更重要的是，他的麵條掛汁程度很高，難得。這碗沾麵配有日式叉燒、半顆醬汁流心蛋，以及竹筍。吃日式叉燒最怕的不是他味道一般，而是又乾又柴又韌，十足食紙皮。幸好《三田製麵所》的日式叉燒沒有這種情況，而且都算大塊；至於流心蛋頗具質素，醬油味濃烈。竹筍仍能保持爽口口感。額外點了「三田流黑胡椒風味炸雞翼」，名副其實，濃烈的黑胡椒味。

登龍街都有幾間拉麵,今次黎試下三田製麵所,套餐價錢都幾抵食,一個餐有埋小食同野飲,而且個麵有分冷麵或熱麵,大中小都係同一價錢,唔洗驚食唔飽,不骨大份都真係幾大份,真係唔會食得晒😂《濃香豚骨魚介沾麵 $121》呢款豚骨沾麵比較膩,較重口味,味道相對濃郁🙈個汁都幾掛麵,質地比較濃稠,唔會太咸!《鯛魚沾麵 $131》呢款係期間限定既,食落比較清新,魚味幾鮮,而且冇豚骨沾麵咁膩,個人中意呢款多啲😎每碗麵都有半隻溏心蛋,一片叉燒同筍絲🍜跟餐既小食叫左兩款,分別係《日本唐揚協會 金獎炸雞》同《自家製炸雞翼-唐辛子口味》炸雞🍗其實好普通,唔覺得有咩特別,反而炸雞翼就好食啲,加左唐辛子會有小小辣,但係幾好食😋個餐包埋野飲,都係罐裝烏龍茶同檸檬茶,冇特別🙈整體覺得呢間性價比幾高,好抵食!三田製麵所銅鑼灣登龍街1-29號金朝陽中心2期Midtown地舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

呢間喺銅鑼灣登龍街嘅三田製麵所主打沾麵 好耐冇食過 所以去食吓😛✻濃香豚骨魚介沾麵小250g 中350g 大450g ($84)特大670g ($94)肚餓所以叫咗特大 份量真係好多😆 麵同湯分開上 湯底好濃郁！🤎 沾麵掛汁好食😋 麵可以揀凍或者熱 我哋揀咗凍 食落煙韌彈牙 麵嘅質地偏粗身 我覺得有少少似烏冬咁～ ✻半熟蛋拉麵 中$96 大$106我哋同樣揀咗大size 😎呢個嘅麵係比較幼身～ 吸曬濃香豚骨魚介湯嘅味🥰湯底同沾麵嘅湯底差唔多～多咗啲蔥花同埋有半熟蛋好正💓 一樣有大大塊嘅叉燒佢另外喺尖沙咀都有分店～

最近三田製麵所推出期間限定嘅「濃厚海老沾麵」（$98）。廚師精心炮製濃郁嘅海老湯底，加上海老香油提升鮮味，配合櫻花蝦作點綴，亦有木耳絲同時增加口感。我鍾意佢哋自家製嘅超粗麵條，彈牙有嚼勁，濃湯緊緊掛喺麵條上，每一口都富有豐富嘅味道。長期人氣No. 1嘅「濃香豚骨魚介沾麵」（$84），獨特濃郁嘅湯底鮮甜鹹香，日式叉燒肥瘦均勻，肉質非常軟綿。看似簡單的一碗沾麵，卻蘊含着烹調的技巧，令食客品嚐到百般滋味。三田製麵所嘅空間感十足，比起一般嘅拉麵店寬闊，令人食得舒服。餐廳亦都好細心，替客人提供圍裙，食麵嘅時候都唔怕整污糟件衫！

🍜三田製麵所Tsukemen Mitaseimenjo 嚟到銅鑼灣，本來今日想食炸雞放題，但原來我冇留意佢而家堂食唔開門🥺搞咗大烏龍嘅我決定去食拉麵🍜。濃香豚骨魚介沾麵$84呢個沾麵有大中細之分，三個size都係同價錢。我一開始係嗌中嘅，但最後都食唔晒。所以大家量力而為拒絕浪費！女仔嘅話嗌「小」就足夠架啦！從味道上來講我覺得湯底略鹹，好容易食飽。沾麵汁入邊有機會搵到肉粒，而且有蔥花提味。質地就唔順滑，好濃郁而且入邊有D一粒粒，我反而覺得口感會更好。個人覺得拉麵有少少過硬，個人會偏向想食幼身啲嘅拉麵，除此之外都冇咩問題。配菜係好食嘅，半熟蛋做得唔錯。叉燒的話有少少硬，唔夠軟。總體來講係唔錯嘅，但係同樣價位我會選擇神山拉麵。價錢：92.4（連加一）地址：三田製麵所 (K11購物藝術館) (尖沙咀)尖沙咀河內道18號K11購物藝術館地下G21-G22號舖三田製麵所 (金朝陽中心2期Midtown) (銅鑼灣)銅鑼灣登龍街1-29號金朝陽中心2期Midtown地舖#hkfoodie #foodiehk #foodie #foodinsta #foodinstagram #foodblogger

做完野經過登龍街，又搵下好西食先第一次食呢間，本身我好中意沾麵，所以揀左呢間試試。叫左濃香豚骨魚介沾麵，佢小中大麵是一個價錢84蚊，價錢都正常。 大碗係兩個麵，食落又唔算好多，我食得晒🤣🤣個湯都夠濃，唔會好咸，只是暖暖地，如果熱辣辣既湯會仲正。 麵是較粗的，唔算好彈性個種，正常。 叉燒就太薄了，食完好似無食過咁。 糖心蛋就幾好。因為唔夠餸，我就追加左佢寫住金賞既炸雞，加26蚊有三件，滿心期待。結果………Oh my god! 請問呢個到底係炸雞定係炸雞皮呀？😡😡😡 薄到呢！肉都無！我追問員工，佢黑面地講，呢個咪炸雞囉！態度都幾差，呢個員工仲成日在打機，可能我阻住佢打機，所以黑我面。 本身對呢間野印象算正常偏普通，而家俾個炸雞同服務態度，令我不得不俾個負評佢😫😫試一次就夠，bye! 薄到爆的炸雞……皮掛住打機的黑面員工

呢間我食過2/3次架啦 但係佢水準有d參差🙊🙊有陣時會好食d 有陣時有好似差咁啲咁😂😂好難捉摸🤔我自己覺得風雲丸好食d😋·濃香豚骨魚介沾麵 $78沾麵黎講佢個價錢算係幾親民 質素普通啦 唔會話好有記憶點 但係ok既 勝在地點就腳 想食沾麵既話都不妨一戰😏·#rbyeat#rby日本菜#rby銅鑼灣 #rby尖沙咀·📍銅鑼灣登龍街1-29號金朝陽中心2期Midtown地舖📍尖沙咀河內道18號K11購物藝術館地下G21-G22號舖