長阪燒

营业中

休息中

蟹子沙律：切得好幼既青瓜絲配上蛋黃醬，去除左青瓜既草青味，只剩低清新既感覺，加上粒粒蟹子令口感更豐富，出奇地好味😋沙追魚天婦羅：呢個價錢有3舊魚加片紫蘇葉幾抵食喎，魚肉幾滑，不過個天婦羅汁就有啲唔夠咸。火炙三點刺身：有炙燒帶子、拖羅同左口魚邊配上海膽同三文魚子，左口魚邊啲油份燒出黎好香，帶子冇咁多油但鮮味同面頭既焦香融合埋一齊好好味，美中不足既係拖羅有啲過熟既感覺，不過有燒過既油香搭救，海膽同三文魚都幾鮮甜，中和番炙燒刺身油膩感。芥末青瓜：估唔到芥末同青瓜係咁夾既！佢地將青瓜個芯批左出黎果舊特別好味，可能因為相對有皮既入味啲，吸左啲柚子醋同芥末，都係令到個青瓜完全冇草青味又開胃。串燒：最中意係燒年糕，本身以為佢係入面有芝士果隻原來冇，但冇芝士冇咁膩更加好味；免治雞肉串點蛋黃醬油唔會錯啦；青椒蝦滑就偏辣唔食得辣既要小心；雞皮同菇本身冇咩調味，我地唯有點番蛋黃醬油😂呢到仲有啲特別啲既串燒例如係提燈同埋鵝肝大黑菇，可以一試👏🏻環境方面非常唔錯，坐吧枱可以幫住師傅整野食，吧枱凳高侍應仲會好貼心幫我地推凳，廁所都乾淨企理。餐廳仲有生蠔供應，價錢都好親民，大家中意蠔既話都可以黎試下！

表哥就嚟出發去旅行，趁佢出發前專登約佢食番餐日本嘢。近期嘅話題不外乎喺「福島」核污水，講笑咁講，今次真喺「福」水難收。海產類可能會食少啲，甚至停一段時間先，都喺觀望住發展，但其他食材就唔喺太擔心，所以，今晚嚟到「長阪燒」就趁倒水前盡興。 餐廳位於商廈中，一出電梯，已睇到極有和風嘅裝潢，一室以木系為主，有吧枱、散座、卡位，地方都算大，加上天花極具和風嘅燈籠，仲有唔少富日本風情嘅壁畫，感覺好唔錯，非常有氣氛。 最鍾意喺啲靠窗嘅卡位，因為一來靠窗，可以睇吓街景，二來每個卡位都有啲布簾隔一隔，增加咗好多私隱度。 餐牌內容就唔特別講喇，因為作為居酒屋有非常多選擇，飲品亦喺更加有唔少酒精類飲品。 除咗主餐牌，仲有啲季節限定生蠔組合、廚師推介、自家釀梅酒……等等，我哋就睇啱咗一款生蠔組合，就喺4隻生蠔加一杯白酒非酒精飲品，只賣$138， 亦可以加38蚊轉為梅酒，因為喺自家釀製，頗有興趣試一試。 自家釀梅酒 $58聽店員介紹，佢哋呢啲自家釀嘅梅酒喺釀咗兩年時間，所以，絕對喺心機嘢，而晌吧枱尾尾就見到一大罌一大罌釀緊嘅梅酒。除咗一杯杯咁賣，如果夠人多，亦可以成枝咁落單，亦可以買走。因為點咗個生蠔組合，所

做日本餐廳最怕人流唔多導致食材唔新鮮，呢間餐廳完全唔會有呢個問題！🧚‍♀️ 唔單止食材新鮮，廚師整嘅每樣食物都好高質，份量又足！🐚活燒元貝香噴噴嘅蒜蓉汁配上少量黑胡椒，將鮮味提出嚟🤤 加上生熟程度岩岩好，啲汁鮮甜到不得了，可惜我哋冇飲到個汁⋯後尾店員講返先知個汁先係精華！🐠🐟火炙三點刺身完全冇諗過會咗好食！！$288有三塊超厚拖羅，每一啖都係油脂～完全唔會好多筋🥹太！好！食！帶子同平目魚邊燒完有微微火炙香味，絕對好食過普通刺身！配上三文魚子同海膽，鮮味到不得了！ 是日MVP!!!🐟火炙平目魚裙邊太愛啦 🥹💓 魚油配上壽司飯～神仙組合！🍅沖繩海葡萄蕃茄沙律海葡萄有淡淡海水味～每一口都脆卜脆卜，好似脆脆嘅三文魚籽咁！清新～🐟🦀海膽海鮮杯將最鮮味嘅蟹、海膽同拖羅魚蓉放埋一齊🤤🤤🤤唔使講都知好食！由其係呢到嘅海膽唔腥，淨係得甜味🍢串燒（煙肉廣島蠔、明太子雞翼，牛胸腹）串燒冇出面咁燶味，因為值得一試！

環境超日式🇯🇵，傳統和風設計既日式爐端燒餐廳，放在開放式廚房，好有氣氛🥂。食物種類都好多，沙律,小食,刺身壽司,爐端燒,串燒,一品料理,天婦羅,拉麵,甜品等任君選擇，初頭以為咁靚嘅環境，價錢應該會好貴，原來並不是，主食拉麵都係$88，串燒最平$20都有‼️同朋友黎聚會都係一個唔錯嘅選擇🥰。-💕 Oyster set(4隻) $128👅好味指數：9/10即叫即開，白川生蠔🦪色澤白亮，帶甘香同海水味，食落唔洗要檸檬，都超清新清甜❗️-💕 梅酒(餐) $76👅好味指數：8/10自家釀梅酒，酸酸甜甜，岩哂唔善於飲酒既女仔。-💕 火炙三點刺身 $288👅好味指數：9/10火炙拖羅:油脂感極重😍肉質肥美嫩滑火炙左口魚裙邊: 魚油豐富有嚼勁，配上甘甜細膩海膽，估唔到咁夾🥰火炙帶子:大大粒，肉厚多汁好鮮甜❤️-💕 紐西蘭羊架(2串) $128👅好味指數：9/10一啲羊羶味都冇，但肉味濃郁😍肥瘦適中，肉質鮮嫩多肉汁。-💕 南非活鮑魚 $78👅好味指數：9/10分切左4件超細心🥰鮑魚鮑味濃郁，口感超彈牙😍肉質軟滑鮮甜-環境：9/10服務：8.5/10整體味道：9/10回頭率：8/10