Fûhn (The L. Square) (已結業)

❤️💛❤️越南粉🍜大大碗又抵食數下手指，原來都好耐冇食過越南嘢啦😳平時去銅鑼灣都係食西餐或日式料理，上網見到依間越南菜幾高評價，一於try try去🤭起初以為無論咩菜式，只要喺銅鑼灣就會貴啲😳點知又唔係喎，就算係新餐牌 價錢依然貼地😙💚素菜米紙卷💚 $48前菜就嚟個米紙卷先，想食得Green啲可以嗌依個素菜米紙卷呀！口感爽脆又健康！🥬❤️火車牛魔粉❤️ $128估唔到佢咁大碗，依個份量適合分享🤤無論係河粉定係肉肉，都俾得好足！佢入面有安格斯牛肉、牛坑腩、手打牛丸、牛筋片、牛腩邊、牛柏葉，好豐富🤩肉味濃郁，加入幾滴魚露又有另一番風味✨🧡XO醬雞絲蝦炒金邊粉🧡 $98食完湯河粉，一於食埋炒金邊粉啦！依個睇落冇湯粉咁大碗，不過其實佢份量一樣咁足！雞絲唔乾柴，而且入味！🦐蝦肉結實又大隻，口感豐富😚🤍椰子雪糕🤍 $38最後食埋個椰子雪糕作結尾🥥椰子味濃郁，口感軟滑😙欣賞佢加咗椰果喺旁邊，食落更有口感！雖然香港有好多越式餐廳，不過講到好食 抵食，依間真係推薦😝BTW記得save post，方便向店員查詢有關菜式啦❣️📍Fûhn📍銅鑼灣駱克道459-461號The L. Square 1樓

星期日同老公黎食呢間我一直都想食既越南菜。餐廳出左新menu。三上小食拼盤有蒜蓉牛油雞翼、春卷、手打蝦餅，雞翼好濃牛油味，春卷香脆可口，蝦餅好厚身，啖啖肉，正。扎肉米紙卷叫左清清地既小食，無負擔之餘又飽肚。火車牛魔粉有安格斯牛、牛坑腩、手打牛丸、牛筋片、牛腩邊、牛栢葉，不愧為牛魔，各式各樣既牛都有，河粉夠滑溜，好有越南既感覺。扎肉撈檬撈檬撈左醬汁好開胃，扎肉份量都唔少，夏天最適合食越南撈檬，清爽。

天氣熱無乜胃口，都會想食啲開胃菜，撈檬都係一個唔錯嘅選擇！呢間銅鑼灣樓上小店，係一間帶北美飲食文化嘅越南餐廳，名字Fûhn (音：Fun)靈感來自Phở嘅發音，意思係傳統越南葉子帽子🍃店內環境闊落舒適，menu提供唔少越南菜嘅選擇，仲有特色飲品啱哂夏天飲！😋🐂火車牛魔金邊粉 ($128)食越式湯粉，第一啖一定係試啖湯先，飲落味道清甜，湯粉份量都唔少，選擇困難嘅揀呢碗火車牛魔粉就啱哂🙈有齊牛嘅唔同部位，唔洗心大心細🤣包括安格斯牛、牛坑腩、牛腩邊、牛筋片、手打牛丸及牛柏葉，當中最出色嘅係安格斯牛🤩牛肉味好濃郁，食落好有咬口幾正～🐖越式豬頸肉撈檬 ($88)豬頸肉份量唔少，好大塊簡直係啖啖肉🤤而且煎得好香口，食落幾有口感🤩加埋大量青瓜絲、酸蘿蔔、生菜同自家撈檬汁，酸酸甜甜又清爽，令人胃口大開！🦀軟殼蟹米紙卷 ($88)軟殼蟹好大隻，外面嘅米紙唔厚又彈牙，值得一讚👍🏻食晒成條由頭到尾都會咬到軟殼蟹，非常足料🥰配埋蔬菜配菜一齊食，可以解膩，唔錯嘅小食👍🏻🥑凍牛油果奶昔 ($52)係咪好奇點解奶昔都要寫凍呢～原來呢到嘅奶昔係可以整熱俾唔飲得凍嘅客人😯包括樓下嘅椰青，店員表示可以將椰青水倒岀嚟翻熱，

星期日去咗銅鑼灣行街，我同朋友心血來潮想食越南河粉🇻🇳，但又唔想幫襯連續店。上網一搵之下就彈咗「Fûhn」出嚟，我之前已經想幫襯㗎喇，今日終於有機會！餐廳位於銅鑼灣其中一幢食肆雲集嘅大廈，地理位置方便，但樓層面積唔大，所以點半鐘去到嗰陣坐滿晒人要等位⏳。呢度裝修風格簡約，燈罩用上越南帽子作點綴。餐牌上寫住餐廳係北美風味越南菜🤔，老實講唔係好察覺到菜式上有乜特別，但份量就確係出眾，好似美國菜咁大大份🇺🇸。我哋好在只係嗌咗一碗粉咋，否則一定食唔晒。火車牛魔粉($128)，🚆火車頭好大碗，係二人份。麵底得兩款揀，分別係河粉同金邊粉，我揀咗後者，麵條幼身，麵質軟硬適中。🍜湯底比其他餐廳食到嘅清澈，無咁油之餘，亦肯定無落味精，當中並滲出微微牛骨香。餐牌設有食Fuhn四步曲教學，北美食法就係建議加入是拉差辣椒醬同海鮮醬，落咗之後味道又真係即刻唔同晒，幾有特色！另外，亦可選擇落魚露🐟。話明火車頭，即係有多款牛肉🐮，食材包括安格斯牛、牛坑腩、手打牛丸、牛筋片、牛腩邊以及牛柏葉。每款牛各有千秋，我自己就最鍾意安格斯牛同牛柏葉，前者肉質軟稔，而後者就煙煙韌韌，同時又切得夠細。特上小食拼盤($198)，拼盤

呢間餐廳我已經bookmark咗好耐，一直都好想試吓pho～今日就終於嚟試咗，餐廳唔算好大，但都企理乾淨～我咁鍾意食牛，當然就叫咗火車牛魔粉 ($128)🤣一嚟到真係比碗粉嚇親，大碗到呢～我覺得咁多樣配料最好食係牛腩邊同牛丸，兩樣都係濃濃的牛味，腩邊帶少少肥，好平衡，牛丸就好彈牙😋我叫咗金邊粉，配埋牛骨湯好好味～另外小食就叫咗三上小食拼盤 ($108)，有齊手打蝦餅、蒜蓉牛油雞翼同埋春卷～當中蝦餅最有驚喜🦐！首先真係會見到蝦粒喺入面，仲要好好好彈牙！真係好好味啊～飲品都有叫，不過就普普通通，唔算好特別～整體嚟講食物出品都算唔錯，碗粉個份量同蝦餅都有驚艷到我🤣

之前到銅鑼灣L Square覓食，已發現這間越南菜小店人氣甚高，Bookmark好久終於吃得到了！Dinner時段未夠7點已滿了一大半，幸好早點入座，建議要Book位以免摸門釘。火車牛魔粉 Special Beef Fûhn $128牛魔王必叫的火車牛魔粉，6款牛牛包括安格斯牛、牛坑腩、手打牛丸、牛筋片、牛腩邊和牛柏葉，超級豐富，配合清澈不油膩的牛骨鮮味湯底和滑溜溜河粉，大胃王都會好滿足。香茅豬扒撈檬 Lemongrass Pork Chop Bun Tuoi $75夏日炎炎想吃清爽一點，可以試試香茅豬扒撈檬。豬扒份量頗多，已去骨啖啖肉，除了香茅味之外，還附上一點點蔥油，超級香，I’m lovin’ it！越南炸豬手 Vietnamese Fried Pork Knuckles $98外皮卜卜脆，連住一層膠感脂肪，油香無法抗拒。豬手肉味道鹹香，大部份都是嫩滑的，只有一小部份靠邊位的口感較粗糙。鮮蝦米紙卷 Rice Paper Roll w/ Fresh Shrimp $82餡料豐富，紮實爽脆。本身口味較清淡，沾點醋汁調一調味就剛剛好！

老公一聽到食越南菜就會眉飛色舞，今日就同佢一齊攞半日假拍吓拖去到銅鑼灣Fûhn。入面環境相當寬敞，嚟到過咗平日午飯時間，所以比較寧靜，我哋可以食個悠閒嘅下午茶。好多時食越南菜，大家都會研究點食牛肉粉先係最正宗，而呢度就有教你step by step咁食，跟足次序最有風味。是拉差同魚露就係越南粉嘅精髓，而呢度全部都齊備。嚟到當然要叫個火車牛魔粉，除咗有生牛肉，仲有牛腩同牛柏葉，可惜就獨欠牛丸。湯底睇落清澈但飲落味濃，配合九層塔同是拉差，絕對有水準。另外仲叫咗蕃茄牛坑腩配法包。蕃茄汁味道濃郁，牛腩呈半肥瘦，而且份量相當多。蒜蓉包上面有粒粒蒜蓉，夠晒香口。越南啤酒飲得多，但原來配合鹹檸又幾過癮。牛油果奶昔夠香滑，而且又唔太甜，非常好味。

這間越南菜一直都有留意，因為公司就在附近，但一直未有機會上來試試。今次就放工來到這裡，估唔到平日晚上都這麼多人，相信味道應該都會不錯!看看餐牌，款式都有很多，令人眼花撩亂。火車牛魔粉，食越南粉時常都會揀這款什麼都有的火車頭粉食，因為這樣便可以不用想太多。這裡的火車牛魔粉包括有安格斯牛、牛坑腩、手打牛丸、牛筋片、牛腩邊和牛柏葉。安格斯牛是生熟牛，來到的還是很新鮮的感覺!而牛腩都整得好冧好入味，而且整碗都好大份，很飽呢!香茅豬扒撈檬，豬扒份量有很多，足足一塊咁多。豬扒好香香茅味，不會太油，肉質不會太鞋。檬粉拌入酸汁，有種開胃的感覺!特上小食拼盤，這款小食拼盤有牛油雞翼、春卷、蝦餅、豬肉串、炸扎肉和軟殼蟹。牛油雞翼第一次食到真的有牛油的香味，雞肉嫩滑。春燒炸得脆口，蝦餅內有很大粒蝦肉，而軟殼蟹不會太油，共有一隻給我們，飽肚又美味!越式炒小椰菜，不知道在何時愛上了吃小椰菜，小椰菜食落有淡淡的苦味，而且很香炸蒜味，美味又健康!

早幾日同男朋友去銅鑼灣，到食飯時間突然好想食越南野，於是就去左呢間食飯，整體而言食物味道好，價錢合理，份量都算多，意想不到有驚喜😋見好多人都有推薦火車牛魔粉，我呢個愛食牛嘅「牛魔王」又點可以錯過！呢個火車牛魔粉好大碗，足夠2-3人食，用料十足！ 越式粉麵最重要就係個湯，呢到嘅湯清清地唔會好油，咸甜度適中，我地要左金邊粉麵底，金邊粉煮嘅時間剛剛好，腍得黎係夾得起方便食用，金邊粉吸左啲湯好好味！牛魔粉入面有安格斯牛、牛坑腩、手打牛丸、牛筋片、牛腩邊同牛柏葉，我最鍾意就係安格斯牛，好重肉味❤️第一次食牛腩邊，原來好有咬口，都幾好食。呢碗牛魔粉對於鍾意食牛嘅朋友黎講真係值得一叫！除左主食，我地仲叫左特上小食拼盤同鹹蛋黃薯條。鹹蛋黃薯條嘅鹹蛋份量好多，香口但唔會好油膩，食完都唔會覺得好濟👍🏻特上小食拼盤有6款小食，分別係炸牛油雞翼、春卷、手打蝦餅、炸扎肉、扎肉串、椒鹽軟殼蟹。整體味道都幾好，當中我最鍾意春卷、手打蝦餅同扎肉串。春卷外皮炸得香脆，一咬食到好多蔬菜絲，好滿足！手打蝦餅好彈牙，蝦肉份量都多。扎肉串幾特別，第一次食，豬肉味香濃🤤食完油炸物，飲番杯青檸梳打真係好refreshing，為晚餐畫

難得今日約左好朋友出銅鑼灣shopping, 行到累累地肚餓，朋友就帶左我黎呢間越南餐廳，係東南亞美食入面最鐘意食既就係越南菜，一入到黎餐廳覺得幾舒服，好鐘意呢到既裝修風格，加上柔和既燈光，好適合同朋友係到聚會，而食物方面都唔錯，我地叫左好多嘢食火車牛摩粉---呢個都幾重點推介，雖然要$128蚊但真係好大碗好足料，分別有安格斯牛，牛坑腩，手打牛丸，牛筋片，牛腩邊同埋牛栢葉。。。一次過試晒唔同既部位，岩晒我呢d無牛不歡既人士 鵝肝醬法包---好鐘意呢個包入面既醬汁，加上新鮮既蔬菜同埋香脆既法包食落口感一流。。。同之前係胡志明市街頭食到既法包不相伯仲，值得一試特上小食拼盤---睇住meun入面樣樣小食都心思思想試下，都唔知點邊樣好，好彩餐廳好細心，有小食拼盤咁就解決個問題啦，一次過滿足晒所有願望，正呀椰汁冰---飲得出餐廳係用新鮮既椰子即叫即榨，飲落味道好清甜吸引，夏天消炎必備既飲品呀

一、位置 環境銅鑼灣站行出去就都 相當易搵 夠晒就腳！搭𨋢一出去就係餐廳 裝修幾新 坐落唔迫 環境都幾舒服枱面仲鋪咗張靚靚墊枱紙 識得自己翹起二、嘢食#火車牛魔粉 $128呢碗野睇落$128好似幾貴 實情仲大碗過過橋米線 夠晒兩個人食有突！而且仲用真材實料 有安格斯牛、牛坑腩、手打牛丸、牛筋片、牛腩邊、牛柏葉每一樣都獨當一面！唔係打手 係真係好好食！牛柏葉夠晒爽口；牛丸夠晒彈牙除咗配料之外，佢個牛肉湯都好好飲以牛河來講啲碗真係超晒班！相當值得推薦！#香茅牛油雞翼（4隻） $58四隻雞翼都相當之肥 啲雞在生嗰陣應該有舉下鐵 雞翼炸左之後層皮好脆！再加埋真係有香茅同牛油香味！一咬落去成擔肉汁爆出黎！😱真係好誇張 但好食得來又唔會太油！#椒鹽軟殼蟹 $118成疊咁上都算真係成有成隻蟹！份量唔算超大！但熱辣辣食真係好好味！成隻蟹炸到外脆內軟 除咗椒鹽之外依然保留到蟹味不過軟殼蟹要趁熱食 凍咗淋左會冇咁好味#鹹蛋黃薯條 $28唔好睇佢好似好少咁 主要係因為隔離碗野好大碟薯條係粗薯條 睇相都見到鹹蛋黃多到流出黎一啲都唔留手！相信咁樣都幾難冇鹹蛋黃味😂鹹蛋黃薯條做到咁樣 都真係算係冇得挑剔#牛油果奶