九龍坎麻辣火鍋 (僑冠大廈) (已結業)

第一次去這間火鍋店，門外寫住真成都。食起來都真係好辣好辣。入到裡面有種傳統風格，四川火鍋店既裝潢風格。精品雪花肥牛三國演義鍋菌湯，成都辣鍋及蕃茄鍋今次選的是微辣，輕成都口味。其實都幾辣😍鍋底有三種，價錢只收$116，覺得好抵食。肉類方面，精品雪花肥牛精品肥牛精品五花肉幾款肉，吃起來都相當吾錯，牛味重，但又吾會太肥，令人食得相當開心。特別成都辣鍋，一方面又覺得真係好辣，但又會越食越上癮。真係好正，會有一直想食既衝動。火鍋三寶包括黑柏葉，黃喉，鵝腸。佢地有個共通點，就係爽口障牙，超快熟。10幾秒已經完成。材料夠新鮮，食落係新鮮既柏葉。農家一品香腐竹，豆皮還有蜂巢豆腐。這三個吸味三寶， 浸落去四川湯底個陣，都真係好辣，但就係食鬼過癮。亦有叫到不少的菇類及生菜。白蔔卜生菜金針菇最後亦叫左個烏冬 先$15 總括黎講其實吾貴，而且好岩朋友吹水。

幾年前海底撈曾經風靡一時，深受不少香港人愛戴，但事實上質素比它出色的麻辣火鍋店大有人在，更可以支持本地品牌何樂而不為？雖然九龍坎位於北角遠離鬧市，但鄰近地鐵站出口同樣方便快捷，而且座位空間寬敞舒適，裝潢設計以及餐具擺設都古色古香。調料 ($25/位)，最貼心莫過於餐牌上列有每款食材的涮燙參考時間，再不用擔心過熟或未熟，而且大部分食材均設有大份或小份選擇，不論人數多少同樣方便因應份量。鍋底除了分為微辣、中辣、大辣或加辣四種辣度外，招牌牛油紅鍋更有濃成都口味或輕成都口味，亦可以選擇番茄湯鍋、菌湯鍋、養生高湯鍋或香菜皮蛋湯鍋；經典鴛鴦湯底 ($126) 一次過品嘗到招牌牛油紅鍋及養生高湯鍋，前者所選濃成都口味果然份外濃厚，中辣已經足以令人汗流浹背，辛香麻辣層次分明；而養生高湯鍋則加入紅棗及杞子並帶陣陣藥材味，滋補健康配搭招牌牛油紅鍋可謂是天作之合。牛肉方面細分為精品肥牛、女士膠原肥牛、安格斯肥牛等多種多樣，招牌手切牛肉 ($226/大份) 肉味香濃之餘肉質軟嫩。限量手切牛 ($386/大份) 切得比較厚身而肉質亦相對結實，油花分佈細緻均勻，我們前前後後再點足足三碟但每碟水準一致並不會濫竽充數