夢工房西日料理 (已結業)

喺葵芳出入咁多年，喺OpenRice search 先睇到呢間放題，原來係板長隔離條電梯一上去就係！呢個放題竟然有得打邊爐，但不得不提個爐好廢🙄本身枱面已裝有電磁爐，但係完全係唔夠力打邊爐，要request 先會轉個gas 爐俾你~ 至於火鍋配料方面唔多，但基本香港人打邊爐有的佢都有得叫，例如肥牛、粉絲、芝士腸、芝士丸、墨魚丸、魚蛋、烏冬、紹菜等等，火鍋湯底有壽喜湯底。肥牛唔錯，都encore 左3次咖！除咗火鍋放題之外，都有幾樣嘢食好食！例如雞軟骨串呢個蟹粥都值得一試，蟹肉唔多，不過粥有蟹味，都幾鮮甜嘅焗蠔就一般，試下無妨，encore不了呢個係燒肥牛，好似吉野家嘅牛肉飯嗰啲肥牛，好耐冇食吉野家😭 好味😋 唔識吉野家嘅朋友可以嚟呢度食啦😬👍🏻手卷嘅紫菜好脆，食材新鮮，感覺上抵食過壽司🍣最後緊係要食返個菠蘿🤣

今日約咗係葵芳返工既朋友，佢推介去'夢工房西日料理'，話放題中佢食物多元化，好多食物選擇，我當然係樂於奉陪。我哋6:15去到，人未係好多,裝修好modern， 出面有四個裝汽水 、酒(任飲)嘅大雪櫃 ，仲有火鍋疏菜配料、醬油自己拎， 放題中都少見。嘩……見到點菜紙選擇都真係唔少喎， 我哋二話不說， 即刻點刺身、壽司先! 刺身我哋點咗三文魚腩，象拔蚌，甜蝦，壽司點了帶子、燒牛肉、虎蝦，整出品都好鮮甜。三文魚腩肥美，帶子壽司好新鮮，最值得再點!熟食方面，我首推黃金燒蠔，大大隻蠔，燒到很野味。另外天婦羅炸蠔及炸蝦，都很脆口。甜品方便，雪糕、雪條放滿2個大雪櫃，另外蛋糕都有好幾款選擇。 雪條我揀咗我至愛嘅榴槤味， 唔係周圍有得食，好正呀! 朋友揀咗椰子味，佢都話唔錯。 另外試咗個焦糖藍海鹽雪糕， 鹹鹹地味道好特別。餐廳實在太多選擇，食得太飽了，無試火鍋，下次一定要再嚟試埋火鍋。

今日同朋友仔行葵芳，順便係附近食埋個lunch 揀左間係地鐵站附近食日本放題嘅餐廳。呢間餐廳嘅放題都幾多選擇，除咗一般既壽司炸物拉麵，仲有打邊爐，竟然仲有磯燒水產食，好特別啊！首先叫左d壽司，叫左芝士炸蝦卷、蟹柳壽司同和牛壽司。炸蝦卷炸得很香脆，不過蝦大隻d就好，同芝士好惹味。蟹柳壽司面頭有䁔粒粒嘅芝士，好香。和牛壽司面頭係XO醬，味道辣辣地，幾開胃。螺肉味道酸酸辣辣咁好開胃，非常煙韌。而且份量唔多，唔怕食唔晒。炸物方面，叫左紫心香芋丸同炸蝦餅，炸蝦餅有少少似泰式炸蝦餅，味道有少少冬陰公味，味道辣辣地。我最鍾意食呢個紫心香芋丸，我覺得似係紫薯波波，紫薯味好濃。味道煙韌甜甜地。磯燒水產方面叫咗個味增蟹蓋同埋帆立貝。蟹蓋燒左陣蟹膏既香味已經陣陣散出，將蟹膏撈埋蟹子蟹柳蛋黃同蔥一齊食，非常甘香鮮味。帶子大約燒45秒，啲海水就會滾起來，就可以食得，帶子好新鮮，味道鮮味。今日有啲凍凍地，我想食啲暖粒粒嘅嘢暖下個肚。見到有得打邊爐梗係試埋啦，估唔到放題打邊爐都有咁多選擇。我哋揀咗個番茄湯底嘅。本身見到個番茄湯底顏色咁淺色，仲以為味道好淡，點知原來好重蕃茄味。加咗個公仔麵公仔麵吸收晒蕃茄味嘅湯汁，味

 傍晚同友人一齊去葵廣shopping，行完見差唔多夠鐘食飯，於是去地鐵站隔離嘅好爵中心商場食晚餐。20:00入座，可能過左一開始嘅夜晚時段，好好彩還有數張空枱，所以不用等位。  一坐下抬頭一望，全場爆滿！真是好生意呢。  事不宜遲，立即拿出所有點餐紙物色自己喜歡食的料理。夢工房西日料理的食物款式是我看過最多的！只需要加$78，便可以任食新鮮的松葉蟹以及時令生蠔。無論是這個價格或是這個食品，都是十分吸引呢！除此之外，它還提供火鍋！不僅是魚生刺身，熱食都應有盡有，單是食物的多樣性已經可說是抵食！  趁著食物還未端上，出去逛逛自助區。自助區大概分為三個部分：甜點、雪糕、飲料。甜點分別有：盒裝豆腐花、盒裝啫喱、西餅、蛋糕，等等。當雪櫃開始空空如也的時候，服務會立即補充，速度相當快。雪糕分別有：雀巢各味盒裝雪糕、牛奶樂雪條、榴槤雪條、曲奇雪條、POTONG雪條、雪米糍。這些都是手快有手慢無的。飲料分別有：康師傅、菓然系、維他。值得一題的是，維他奶是設有熱飲櫃，很溫暖吧。飲料方面還設有茶包和熱水，方便客人解滯，十分窩心。  說時遲那時快，回到桌子食物已經陸續端上，上碟速度真是很快呢