雪山冰廳

营业中

休息中

一直都好想食呢開雪山冰廳 平時經過都多人等 今次黎食返個下午茶先☕️佢主要係一啲加入現代元素嘅傳統港式茶餐廳食物 幾特別😗望住餐牌有好多野想試～ 所以叫咗好多野😂▶️ 避風塘生炸雞髀 ($35)生炸雞脾🍗肉質夠鮮嫩又厚肉表皮炸到十分之脆口入味 而且夠乾身 一啲都唔不油膩😋外皮仲好似人哋啲燒乳豬皮咁 配上避風塘炸蒜+鹽粒 味道層次更加分明 係另一個層次！▶️ 榛子流心西多 ($35)呢個係招牌菜 下午茶食返個西多士先 只不過呢個係變奏版🍫一切開就見到好多榛子醬 好均勻足料 唔會食食下唔見晒啲醬🙈只不過係覺得佢唔係好夠流心西多糖漿另外附上 可以自由控制份量 因為原先已經甜 所以都唔洗落好多 夠晒貼心☺️▶️ 海苔薯條 (+8)跟西多士餐只係加$8咋 好抵食！薯條夠脆口🍟正常發揮如果海苔粉再多啲就更好🤤▶️ 火龍果咕嚕肉 ($85)非常之特別嘅配搭 多數外面係菠蘿咕嚕肉 呢度竟然有火龍果咕嚕肉？😲梗係試試火龍果附上半隻火龍果皮做裝飾 令佢賣相吸引 影相都靚啲📸咕嚕肉外脆內軟 生粉適中唔會過多🔥肉質新鮮有咬感 好耐冇食過咁好食嘅咕嚕肉 因為好多時出面嗰啲一係好韌 一係就層粉超厚然後肉得一粒咁火龍果搭配又幾

新式冰室愈來愈多，舊式茶餐廳要與時並進，保留傳統味道之餘，亦要創新，雪山剛好做得到。同朋友想食平之餘又唔想逼， 本來諗雪山冰廳係hea食之選，食完之後覺得有佢生存之奧妙。首先唔洗等位又坐得寬敞，感覺良好！其次睇menu選擇都同普通茶餐廳有啲唔同， 一開始就睇中咗榛子西多士！本來諗住當甜品食，可惜朋友們最後太飽食唔到。火龍果咕嚕肉：好多塊肉，肉就硬咗少少，不過呢個配搭都幾新奇，火龍果清清地，剛好配埋甜酸醬味。臘味飯係以每位計算，我哋叫一位先，諗住試下味就算，點知好大份，而且好食呀！ 臘腸同潤腸粒粒好多，青蔥又識得最後先放，可惜冇飯焦。另外仲有叫龍蝦焗飯嘅，不過我唔鍾意食龍蝦，見朋友食完都話ok。 雪山冰廳絕對適合平時諗唔到食乜嘢嘅時候做選擇。值得得閒就食。

座落於深水埗的雪山冰廳已有多年歷史，來到深水埗，不期然會想起它。是日燉湯：淮山杞子螺頭🥘燉湯能保持食材的原味，滋補養顏的燉湯是必點之選。杞子補眼，螺頭鮮香，龍眼肉益心補氣。充足的材料，令整碗湯非常鮮甜！😋火龍果咕嚕肉咕嚕肉配火龍果炒，第一次食。賣相滿分！😍咕嚕肉地厚身，炸粉薄，甜酸度適中！原隻火龍果切粒，清新又健康！👍🏻招牌海南雞飯🐥油飯好香呀～～但又不會覺得肥膩！海南雞入味，一半胸一半脾，肉質嫩滑！真正色香味俱全！👏🏻好耐冇食過蛋牛治，呢間餐廳的炒蛋出名香滑，蛋牛粉量多，滿滿的被多士包著，口感大滿足！雪山冰廳除了樽仔奶茶出色，奶茶紅豆冰都好好飲！紅豆綿綿起沙，正！🥤呢間歷史悠久的港式茶餐廳，誠意推介！🥇

深水埗 - 雪山冰廳自1956年已經存在，佢哋嘅奶茶由第一代沖到依家第三代，依然保留住傳統嘅茶底配方，足足60年歷史，難怪咁多食客都專程去飲返杯靚奶茶啦！回想起，原來自己都曾經經過，但因裝修古舊而沒有入內嚐嚐，現在再次經過才發現自己有眼不識泰山。一入去見到裝修簡潔，利用白色磚仔營造懷舊冰室味道，而且地方四四方方，空間感大，唔會有擠迫的感覺。吸引到我的正正是他：雪山王的壁畫，充滿魚躍龍門既感覺。雪山冰廳的餐牌都有些特別，較平常的冰室、茶餐廳有點不同，總是加了點特色如：鮑魚啫啫雞煲、火龍果咕嚕肉、黃金瑤柱蒸肉餅等...而且茶餐廳有全日早餐供應、更甚的是他們連龍蝦都拿出來買....這間真的是冰廳嗎？懷舊餐廳當然唔少得飲品既黑牛、更有自家製作的樽仔奶茶、咖啡。樽仔咖啡 - $25 （跟餐+$15）平時的凍咖啡飲到尾會因為融冰而變淡，而他們會將調好的咖啡加入樽內再放入雪櫃，以保持每一枝咖啡的原味道。樽仔咖啡飲落香濃，細滑。香蔥碎牛肉三文治（烘底）- $26香蔥碎牛肉炒蛋三文治入面非常足料，香蔥蛋碎牛肉厚身，香蔥蛋的滑配上碎牛的咸異常突出，再加上香脆麵包，正！火龍果咕嚕肉 - $72本人特別喜歡吃

去完朋友屋企玩，就係附近搵左間多人嘅餐廳食飯，好彩仲有2張吉枱☺️落完單，野飲先到🍀茶走紅豆冰 (套餐價 $15)鐘意紅豆嘅我緊係叫返杯茶走紅豆冰，茶走係以煉奶代替砂糖，飲落甜度岩岩好😋 紅豆夠大粒又有咬口，好飲!👍🏻🍀樽仔奶茶 (套餐價 $15)樽仔奶茶係佢地嘅招牌，其他朋友都一人叫左一枝黎試下!奶茶入樽後放入雪櫃雪凍，唔怕啲冰會令到奶茶變淡👍🏻等左一陣就黎齊晒啲野食，每個肉類都夾埋蔬菜一齊煮，冇咁油膩得黎又健康啲😍🍀鮑魚啫啫雞煲 ($78)鮑魚大舊又有咬口，雞肉好嫩滑好入味👍🏻🍀蜜椒野菌薯角牛仔骨 ($72)牛仔骨好腍好重黑椒味，勁惹味!!😋薯仔都好腍，野菌吸晒啲味勁香口👍🏻🍀火龍果咕嚕肉 ($72)火龍果比起菠蘿少左陣酸酸地嘅味，令到咕嚕肉食落更清🤤🤤🍀瑤柱金菇扒西蘭花 ($72)西蘭花新鮮，瑤柱金菇份量都唔少☺️ 每舊西蘭花都可以沾滿瑤柱金菇，正!👍🏻

是晚本身只係想同寶黎齊齊買枝樽仔奶茶/咖啡走，但係突然就想坐低食埋lunch因為見到有人食緊佢地既dinner set好吸引！除左濃滑香都諗唔到仲有咩字可以形容佢地既樽仔咖啡同奶茶果然係老字號！自取既價錢仲要超抵只係每枝15蚊，比起某明星好鐘意果間冰室性價平高好多！最衰我唔食羊，如果唔係凍凍地食佢個羊腩煲都應該好正（因為老闆極力推薦！）冰室內仲有得睇住電視撈飯始終都忍唔住要叫左呢個平日食開既set，真係史上最超值既特餐，咁高質去邊度搵？！個櫻花蝦炒蛋直情驚為天人，好食到癲（我對炒蛋好高要求）比起佐敦同九龍城果間有過之而無不及最正係每一啖都有櫻花蝦係裡面，果陣鮮味係畢生難忘叻沙係好味既湯底加好彈牙既油麵組成，材料唔使講係好靚，豆卜魚片蝦樣樣都好出色，摻摻加左米粉又令到個口感豐富左，整體配合得天衣無縫牛角酥如果可以脆熱返啲就好喇，不過可能係我掛住食個蛋所以搞到佢攤凍左之後就梗係叫返個隔離都食緊既黑松露沙拉一字骨啦！隔離飯香應該就係咁既意思呢個一字骨肉質好好，半肥瘦好容易就咬到舊肉出黎又唔會痴牙，黑松露醬真材實料勁大pat咁每舊肉都有，佢上菜果下真係超大陣菌味好香港口味炸肶又係餐廳精選，好大