名家韓國餐廳

营业中

休息中

名家係一間我經常光顧嘅餐廳，佢除左係海景靚之外，另一樣吸引我不停回頭係座位好大好舒服，乎每個座位也能看見海景，係呢個環境食lunch真係心情都好啲。加上佢lunch set都係100蚊之內，當然如炆牛肋骨125蚊，我每次唔必定會叫 ，咁多年質素都可以保持，絕對無變，令人懷念的味道，牛肋骨份量足夠，唯一唔夠係飯，因為啲汁太好味。水冷麵好食，麵底好煙韌，口感十足，冬天都忍唔住叫嚟食。烤芝士辣汁煮雞肉，好多蔬菜，辣汁同芝士配合天衣無鏠。

一直一直想寫尖沙咀名家好耐，因為以前喺尖沙咀工作，所以成日可以食到，而家去左灣仔，除非放假行過，唔係就少D機會食了。我對哩間名家嘅「牛肋骨湯」真係好似著左魔咁，食過返尋味牛肋骨湯千奇唔好睇佢其貌不揚，佢每一舊牛肋骨都超大舊，而且超淋（一陣可以睇下面炆牛肋骨張相）。我最鍾意嘅食法係韓國傳統湯飯食法，一次過倒哂Ｄ飯入去個湯度，咁樣每一啖湯都會有好重嘅牛味再加埋煮到淋一淋嘅蘿蔔，好食程度真係５**！炆牛肋骨哩個係同事仔叫嘅，同牛肋骨湯一樣，每一件都好大舊，而且件數比牛肋骨湯多好多，就算係男仔，食哂都會非常滿足同埋佢嘅調味同牛肋骨湯有啲唔同，冇咁咸，但有少少似返中式嘅感覺，如果你搵到人同你share食，哩一個餐都係叫得過嘅～石鍋雞肉雜錦拌飯相比起我最鍾意食嘅牛肋骨，哩個石鍋雞肉雜錦拌飯就遜色左少少。佢都係有基本嘅蘿蔔、雞肉、芽菜，冬菇，翠肉瓜，再加上一隻蛋。不過佢勝在夠熱，如果你係「飯焦人」，你可以等多一等，咁樣你就可以享受脆口嘅飯焦韓式水冷麵跟餐冷麵，冇咩特別～總結至於其他野，包括睇住個維多利亞港食飯，餐前小食嗰D，都係錦上添花嘅野，唔多講。總而言之，哩間名家，可能係尖沙咀最好食嘅牛肋骨湯 

好耐無去過呢間餐廳食野, 對上一次係食夜晚飯, 個開場景觀絶對要加分, 今次再上黎就係同同事一齊食冬節飯, 叫左幾款午市套餐一齊分享!食韓菜就點都唔少得一大堆既前菜, 唔同顏色真係令人賞心悅目, 除左泡菜外, 最喜歡係佢既黑豆, 甜甜地又有咬口!炆牛肋骨, 一份都有唔少牛肋骨, 每件都有唔少肉, 炆得好入味又夠腍, 仲有佢既蘿蔔都好香甜, 一咬D汁爆係口內, 唔錯呀!好辣既同事A要求點呢個韓式辣泡菜湯, 滿個紅色好搶眼, 湯內有豆腐, 金菇菜及泡菜, 味道辣中帶酸, 用黎送飯都岩數最後呢個係意頭野, 話晒都係做"冬節", 點都要有鷄, 就叫人蔘鷄湯啦, 講真人蔘味就唔多夠味, 鷄既份量都唔算多, 但要有既配料例如: 紅棗, 蒜頭等都有!做冬轉食韓國菜, 新鮮感滿分!!!

作為愛吃的我，當然要光顧一下I Square這個新場的食肆。望一望水牌，原來很多餐廳都是Coming Soon，在現存的選擇之中，我對名家這間有海景的韓國菜館較有興趣。跟銅鑼灣的總店一樣，這間餐廳都是擁有無敵海景，加上精美的裝修，環境是很理想的，在香港也是極少數的選擇。和朋友每人來一客午市套餐，再加一味小食，就是我們是日的午餐。在看餐牌期間，先喝著茶，發覺這裡的茶很香，有點點麥味道，亦有點甜味，我很喜歡。細問經理，原來除了小麥外，還加了粟米粒去煲，難怪會咁吸引。點菜後，先來的是南瓜粥。南瓜味道幾香，又不會很杰身，甜度亦剛好，是個好開始。再來就是前菜，兩個人也有六碟。先吃不辣的，那個沙律是由通心粉加上沙律醬做成，但通粉有點硬；漬菜和芽菜，兩者都算清爽涼快，感覺尚可；最好吃的要數到黑豆，煙韌不硬，有少許似豆豉的味道，幾有趣；不過，泡菜就很一般，只得酸味，不辣，有待改善。小食叫了海鮮煎薄餅，尚算煎得香口，但係海鮮如大蝦和鮑魚等沒有任何鮮味，水準爾爾；主菜試了點朋友的辣魷魚，同樣不是太辣，但總比泡菜要好，而鮑魚本身都夠爽的。我既炆牛肋骨，是連骨的，這樣做法正對心水。牛肋骨炆得入味，肉質亦不韌，