松菱日本料理

营业中

休息中

好開心吖媽記得我生日，啲人話嫁左既女等於潑出去既水。其實無啲甘既事，永遠都係媽媽個女！記得第一次食鐵板燒喺松菱，仲要係個同事請既！對比返，好似無甘好食，水凖下降左甘。但都唔知點解甘難訂位。兩星期前訂，排緊waiting list! 好彩食到！餐前沙律，普通煎帶子(可以揀蝦)，脆邊，好味！牛扒無咩牛味，但唔un，5成熟。欣賞佢啲蒜片👍煎三文魚，塊魚皮脆，魚一般。我本身麻麻三文魚。炒飯好味，炒到乾身一粒粒架！跟湯，一般麵豉湯炒雜菜，油左啲啲甜品有雪糕同布甸揀。都ok

因應疫情下嘅四人及八人限聚令，今年父母親節嘅慶祝活動結果就分散哂黎進行，當中令做東嘅小肥最難忘嘅必數名店「松菱日本料理」嘅鐵板燒晚餐。位於灣仔會展商場三樓嘅日本餐廳暗黑嘅入口通道帶點神秘，光線柔和嘅用餐大堂則非常開揚，幾個互相連接嘅大型鐵板燒爐坐滿食客都完全冇話煙霧瀰漫，抽氣相當強勁。店內簡樸時尚嘅裝潢中可見不少懷舊嘅和風吊飾及擺設，低調得黎仍能感受到內藏嘅氣派。由於全店滿座，八人飯局被安排於廂房內進行，以一點五米之距同另外一對食客隔開之後都仲有好多空間，舒適闊落得很。座位圍繞著師傅嘅鐵板大舞台，餐桌上有齊備嘅自用餐具、調味汁及禮服圍裙，簡潔衛生。厚本餐牌共有十五頁之多，打開一睇，原來店子已經開咗成四十年，應該都可以叫做老字號喎！由於OpenRice上嘅餐牌未齊，細佬就喺度續一展示，順便簡單講兩句。多得契爺介紹，慶祝晚宴全部叫哂套餐，每客均包齊前菜、沙律、燒蝦或帶子或鱔或魷魚、燒野菜、炒飯或麵、湯、生果或雪糕。晚市套餐有兩款可選，分別在於主菜嘅選擇：第一款價格較經濟嘅「特別定食」（$550 - $580/位）可選美國靚牛或日本黑豚肉或羊架。而第二款「松菱定食」（$780 - $930/