寶膳餐廳

营业中

休息中

晚市開放堂食後，鴨脷洲之友話要撐屋企附近的小店，當然即時讚好啦！鴨脷洲大街其實都有好多小店，中、西、泰、台都有，而飯腳今日就揀Bowls Cafe。餐廳喺大街已夠開咗超過10年，區內都有唔少捧場客，幫襯當日雖然係平日但都有9成滿，建議想食都係訂位穩陣啲。餐牌有晚餐推介($138起)，或者可以揀主食，另加$28配餐湯及餐飲。是日餐湯及蒜蓉包 粟米忌廉湯香甜幼滑，加入粒粒粟米增加口感；蒜蓉包好香脆又有蒜蓉香，一人一件包、一碗湯揭開序幕。香草田螺焗薯蓉 $68薯蓉味道香濃，有滿滿的牛油香，口感濕潤又幼滑，田螺有鮮味，轉眼就食哂成份。炭燒美國安格斯肉眼扒 $218有扒、薯角、番茄、西蘭花，顏色夠哂豐富。肉眼扒嫩滑且牛味濃郁，還夾雜著油脂香。以炭燒方法烹調，除了可以鎖住肉汁外，還增添了一層焦香。吃了原味後，可以加黑椒汁再吃，另一種口味。特別一提要試店家自家製芥末醬，不像市面的嗆喉，溫和的味道同時能夠減膩。野菌黑松露醬忌廉長通粉 $118面層有香氣滿滿的黑松露醬，野菌菌香四溢，忌廉醬包裹軟硬度適中的長通粉，醬汁份量剛好，不會太少，而且吃完也不會有膩滯感。朱古力布朗尼配雪糕 $48店員推介的自家製出

好多人去香港仔都係為咗食海鮮、艇仔粉呢類地道美食，但係估唔到今次嚟到鴨脷洲都有驚喜！Bowl’s Cafe 嘅門面看似無咩特別，但一入到去感覺裝潢都頗有格調，而且掛滿唔同風格嘅畫作，幾適合情侶晚餐。加上附近亦有海濱公園同埋海怡一帶嘅購物點，絕對係拍拖聖地👩‍❤️‍👨！💛 德國脆皮咸豬手要介紹呢道脆皮咸豬手絕對係性價比極高⬆️ 豬手皮焗得好脆之外，肉質亦都無太乾嘅情況，而且個皮一啲都唔油膩，食完都唔會滿碟油光。加埋Gravy同Mustard配合程度非常高！正宗食法配上酸椰菜，仲可以好好咁解膩。除咗豬手，另外要一讚嘅係佢個沙律，沙律菜脫水得好夠同埋黑醋味道唔會太酸，火箭菜味道都好新鮮！P.S. 食豬手嘅時候可以叫埋啤酒🍺，咁就更加有德國風味 🇩🇪💛 炭燒美國安格斯肉眼扒去得食西餐又點少得牛扒 🥩，呢道炭燒肉眼扒嘅炭燒味相當足夠，賣相睇到好清晰好靚嘅網格紋。而且肉質亦都相當稔，美國牛味都好足夠，食完成塊都係無筋！唯一係上碟時略嫌熟咗少少～ 配菜薯條亦都相當足夠，蕃茄都好新鮮，有起沙⚠️ 以上兩道菜都係推薦俾食肉獸嘅，其實都見佢有唔少意粉類幾出色，有機會可以再試！💛 朱古力Brownie 除咗幾欣賞

鴨脷洲，除非你喺果度住，唔喺一定好少嚟。其實有咗地鐵之後嘅鴨脷洲已經非常方便，熱鬧不少。今晚就嚟呢度搵食。位於鴨脷洲大街嘅寶膳餐廳，西餐格局，亦有情調。打開餐牌，鋸扒，意粉嘅大路西餐嘢。炭燒美國安格斯肉眼扒 $218 (套餐)網紋加上炭燒香，未食已經對住肉眼扒流口水。五成熟的肉眼扒又腍又juicy，口感鮮嫩，份量又夠多。加配薯條稍粗身，香脆熱辣辣，口感不錯。酥炸軟殼蟹配海鮮番茄忌廉意大利飯 $168除咗大大隻酥炸軟殼蟹，仲有魷魚，蝦，帶子等海鮮襯托，非常豐富。炸軟殼蟹香脆，油膩感不強烈。意大利飯飯粒分明，番茄忌廉汁充份融入飯粒中，鐘意食意大利飯的應該會收貨。香煎法式鵝肝多士 $98大大塊鵝肝煎得香口，入口即溶，連埋下面嘅脆多士，就算再邪惡都會忍唔住會食。朱古力心太軟配雪糕 $68切開心太軟有澎湃又令人看得治癒的流心。熱辣辣心太軟配凍冰冰雪糕，冷熱共融，十分享受。最後以一杯有水準的咖啡作結。