小蓉麵家

营业中

休息中

想吃雲吞麵，又想坐得舒服一點，搜一下找到這家小蓉麵家。雲吞水餃麵 $37轉了河粉，加紫菜（$5），雲吞水餃都好吃，我們喜歡加上辣椒油，更惹味！XO醬櫻花蝦撈麵 $39看到這個撈麵絕對不能不點！撈麵轉了粗麵，另外加了五香牛筋（$10），牛筋膠質豐富有咬口。可能我比較喜歡濃味的，我還是額外加了點辣椒油。炸墨魚丸 $29炸墨魚丸炸得金黃，很香口。油菜 $17我們要了唐生菜加腩汁，更為好吃。凍柚子蜜 $11忘了點少甜，略嫌偏甜，但柚子味也突出。凍紅棗蜜 $11紅棗蜜感覺養生，也是忘了點少甜，有點失策。整體感覺不俗，是我喜歡的港式風味。

過2日就係正月十五元宵節，媽子吩咐買啲花返歸，趁假日順便去園藝街逛逛，逛完買完已經係食晏時間，經過呢間麵店望入去幾企理，有幾個人响度等緊，求其啦，腳好攰，坐响門口等。大約等咗10分鐘可以入坐，入面裝潢幾有特色嘅，尤其是圓枱圓凳有古典味。我哋坐卡位覺得好坐啲，枱面嘅醃蘿蔔幾好食，令人想起灣仔永華嘅醃沙葛好頸渴叫杯嘢飲先，豆漿有豆味甜度適中唔想食蝦所以無叫招牌雲吞麵薑蔥豬潤撈麵如果啲蠔油分開上會好啲，薑蔥夠香，豬潤都新鮮，麵身比平常食嘅幼啲，質地爽，有蛋香。南乳豬手撈麵豬手夠腍夠入味，清清哋唔會太咸。炸墨魚丸鮮味有彈性，口感都唔錯。炸黃金魚角有魚味，不過唔知係咪太薄，放一陣就皺曬皮整體食物OK唔係貴，坐得又比普通麵店舒服啲。

每次同朋友去逛旺角花墟，也會趁機在太子一帶覓食。 今日天氣有少少涼，朋友想吃些正氣及暖胃食物。 大家一路行一路看，遠遠看見一間＂小蓉麵家＂。 中式麵這就是我們這一刻想找的。牆𤩹也貼上花及鳥圖案牆紙，增添中式元素每張枱放有一樽自家醃漬白蘿蔔，旁邊更放了些公雞小碟，方便放白蘿蔔。凍豆漿，熱柚子蜜雲吞水餃麵有3粒雲吞2粒水餃，大大粒皮薄餡靚。南乳豬手炇得夠稔，好味炸墨魚丸內有粒粒墨魚肉，好有咬口。炸雲吞外層脆卜卜，大大粒好足料。

逛完花墟經過小蓉麵家, 二話不說就入嚟叫返碗雲吞水餃麵。雲吞水餃麵$36一碗雲吞水餃麵有2隻水餃, 3隻雲吞, 隻隻都包得靚仔飽滿, 雲吞皮非常滑溜, 薄得透光, 餡料有滿滿嘅豬肉同鮮蝦, 水餃更加入木耳絲, 爽口鮮味。XO醬櫻花蝦撈麵(+$10 柱侯牛腩) $48朋友點嘅撈麵, 就相對濃味。麵條幼細卻很有彈性, 鹼水味不重, 撈上XO醬同櫻花蝦, 鹹香惹味。柱侯牛腩燜得夠腍, 仲好入味。墨魚丸新鮮炸起, 外層金黃咬落彈牙。炸雲吞當然比不上傳統清湯雲吞, 但一試亦無妨。

來開太子，都會忍唔住來幫襯下「小蓉麵家」，由佢新開張到而家越做越旺，睇住佢啲客人越來越多，證明好嘢當然有人欣賞，始終香港人係識飲識食古色古香嘅室內設計，光猛又舒服，餐牌嘅選擇，實而不華，秉承傳統麵家的精神傳統雲吞麵係我的至愛，次次嚟呢度都要試吓，而每次都不會令我失望，除咗雲吞大大粒之外,裏面足料的新鮮海蝦，爽口彈牙，餡料豐富美味，真係食到我上晒癮，唔食唔安樂當然牛腩亦係主角之一，肉腍味香，有咬口，唔韌無渣，滷水汁特別香濃，麵底爽滑彈牙炸墨魚丸，外面炸得金黃，裹面酥軟又有墨魚香味，爽口彈牙配上自家製豆槳和柑桔蜂蜜，滋補養生兼潤喉，平均消費每人都係六、七十元左右，平、靚、正，又坐得舒舒服服，很不錯的選擇

今日午餐黎到這裡食麵，這間好多客人！一於入黎食下！傳統的麵店，好中式好靚的門面。好光猛好乾淨的環境，坐位木製舒服！枱上酸蘿蔔及不同醬汁放置醃蘿蔔好正好脆口又酸酸的！配飯配都都夾飲料：熱檸水（4片檸水）；凍柑桔（開胃微甜夠凍）招牌雲吞麵大碗的招牌雲吞麵，雲吞好大粒，蝦爽口彈牙、香滑雲吞皮；麵好爽口彈牙！蝦大隻，彈口爽口；有木耳、豬肉入餡，增加口感！京都炸醬飯好香有肉有炸醬！微辣的醬料！白飯好大碟小食：炸墨魚丸4粒墨魚丸好大粒，好熱辣辣又外香炸的香脆可口；墨魚丸：彈牙又內軟！小食：炸水餃一碟3隻，好大隻！炸得好靚！熱騰騰上碟，配上泰式酸甜醬！內餡是木耳、豬肉等等，材料好滿滿又有口感價錢環境都唔錯！