星怡 (已結業)

今次同朋友去食星怡嘅美食，餐廳係主打新加坡菜式，而且大份又好食！今次就安排咗坐大窗邊嘅位買，可以飽覽尖沙咀街頭睇夜景，好開心！餐廳座位寛敞，非常舒適，而且佢哋係有獨立大房，絕對可以相約一班朋友/同事/家人一齊去享受美食！星洲麥皮蝦炸到金黃色嘅麥片蝦入口香脆彈牙，仲有滿滿炸麥片係上面，金黃酥香，非常香口！馬來西亞雜錦藥材肉骨茶 （細)以肉與骨配合中藥煲成嘅湯，而呢一款入面會多咗豬腩肉係入面，香氣十足！可以溫中和胃，能夠食得出藥材味，但味道甘甜，一啲都唔苦，值得推介！牛油蒜蓉油酥餅配咖哩雞腿油酥餅香氣十足，亦不油膩，再沾上咖哩汁非常美味。佢哋嘅牛油咖哩雞腿加入各式各樣的香料，增加香氣，好美到令我哋要加一碗白飯去餸，十分推薦！炸榴槤湯圓炸至金黃，口感外脆内軟。榴槤味飄香，榴槤醬香甜，正！芒果椰汁沙冰非常有賣相嘅飲品，而且大大杯沙冰，芒果汁+椰漿+綿綿嘅沙冰完美結合，必點！

餐廳：星怡地點：尖沙咀iSQUARE菜式：新加坡菜餐牌：小食，沙律，海鮮，肉類，菜類，素菜，肉骨茶，喇沙，湯麵，湯類，飯，麵，油酥餅，甜品，飲品黑松露香煎鮑魚 $140 另加一好快就有得食！黑松露香煎鮑魚熱辣辣上枱，一客4隻切粒鮑魚連殼上，好香黑松露味！仲加左牛油同白酒，味道一級棒。鮑魚粒口感彈牙，有咬口，伴有沙律菜可以撈黑松露汁食。新加坡麥片蝦 $180 另加一新加坡麥片蝦有虎蝦4隻，炸得皮脆香口，加上滿滿麥片喺面，蝦頭仲有膏。麥片非常香口，伴有少少咖哩葉，指天椒，同沙律，同食可解膩。炸榴槤湯圓 $38 另加一炸榴槤湯圓一客兩粒，炸得外脆內軟，榴槤醬適中，唔會太甜，多啲就更好！伴有沙律菜同鮮花。餐廳裝修唔錯，景觀開揚。上菜快速，今餐食物質素真唔錯。

馬來西亞新加坡菜平時都食唔少,今次就想試吓啲其他款式,唔想成日都食喇沙啊肉骨茶啊海南雞飯😂所以今次搵咗間比較多款式嘅餐廳黎食!《馬來參巴烤魔鬼魚 $128》平時好少食魔鬼魚,估唔到口感幾得意,啲軟骨都食得既,脆脆地咁,不過啲醬料比較重口味,旁邊都有提供青檸,唧少少落去清新啲冇咁濃味🙈《師傅秘製咖啡排骨 $108》呢個咖啡骨又唔錯喎,雖然咖啡味唔係好明顯,味道偏向甜甜地,但排骨既肉質都幾淋,肥瘦適中,幾好食👍🏻《黏蛋油酥餅配咖喱雞球 $88》咖喱雞球辣辣地,好適合配飯或者酥餅,個酥餅幾有蛋香味,又唔會好油,薯仔都煮得好淋,都有成五六舊咁多!《炸榴槤湯圓 $38》榴蓮湯丸好好食,好重榴蓮香,外脆內軟好煙韌,有驚喜😍整體覺得呢間餐廳都算唔錯,餐牌款式選擇多,價錢又合理,食物質素都幾好😀[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️