炸理滷味 (已結業)

日前在旺角被這間賣炸物及滷物的「炸理滷味」吸引，店名擺到明玩口術，但估到食物的水準又不俗喎。店子主力做外賣，但亦有椅子比你坐低慢慢食。裝修型仔得來企理乾淨，配埋店裏所播的八、九十年代粵語流行曲，感覺有懷舊風！這裏的食物主要分炸物、滷味及少量粉麵。不過，最吸引我的還是炸串。叫了一個$46的「炸理五串」，分別有炸串和牛粒、炸串黑豚五花腩、炸串墨魚汁香腸、炸串多春魚及炸串南瓜。除了沒提供沾汁（有提供沙律醬），基本上同我在大阪所吃的日式炸串分別不大，而且還尚算便宜呢。炸串中以豬腩肉最有咬口，炸南瓜也不俗。不過，最好味係個額外order的炸理芝心海龍波波，簡單來說便是炸芝心蝦丸。蝦丸本身夠彈牙，就咁食已甚好，加埋丸內釀入的流心芝士，雙倍和味也！滷味方面，只叫了一串鴨舌。滷得幾入味，鴨舌亦軟熟，但稍嫌size細舊了一點。看來下次再來的話，專心食炸串好了。

經過旺角掃街,比呢間''食字''既炸理滷味吸引左入去.店內裝修走懷舊風,瓷磚牆,木枱.仲播住懷舊金曲,與友人唱住朗朗上口既歌詞, 食左個開心既teatime.         我地先叫左兩杯梳打特飲, 我果杯青檸話梅梳打好正,同炸物,滷味一齊食,可以清爽解膩.炸理五串有五串炸物,和牛粒,黑豚五花腩,多春魚,南瓜,仲有我仲鍾意同推介既墨魚汁香腸.炸漿夠薄, 墨魚汁香腸少見特別,好香口又肉汁豐富. 店面有辣椒粉可加,但我覺得調味已經足夠.之後叫左有手掌咁大的炸雞脾, 真係做到外脆內嫩, 好食.食完炸物,就到滷味.唔好以為得小食,怕唔夠飽,可以試溫泉玉子滷肉飯. 滷肉好入味, 蛋汁加滷水汁,三者一齊食,好濃味.亮點:好親切既廣東話溫馨提示,自己執手尾.食埋滷味大全, 滷大腸,鴨舌,雞腎. 大腸最吸收滷水味,好入味.

跟友人去朗豪坊戲院睇戲前，打算在附近食個快飯~由於時間很趕，想正正經經在餐廳食未必夠時間~突然醒起之前行經朗豪坊附近一帶有一間門面壞舊的小食店~於是跟友人決定在此小店用餐~食過一次便想再翻尋味!店裡播著很多懷舊歌曲這些舊歌真的讓人一直想聽落去不願離開牆上更貼了很多懷舊唱片封套自助快餐店形式購買店裡不設座位但設有很多立食空間食炸物配個手工啤酒簡直最佳配搭手工啤酒(樽裝) 有獅子山啤系列、麥子系列、門神系列、Kona、Floris Apple、Floris White價錢每枝由$46 - $53另亦有手工生啤：Floris Passion Fruit、Delirium Tremens如果不飲酒精類亦有3款特色飲品供選擇：<青檸話梅疏打> $18 (朋友飲這個，我覺得好飲到下次必選!)<青檸柚子疏打> $18 (我飲這個，味道跟平常飲的某品牌柑桔檸檬味覺差不多)<青檸荔枝疏打> $18<滷味大全> $25有滷味大腸、滷味雞腎、滷味鴨舌每一款都非常入味 <溫泉玉子滷肉飯> $35如個一個人食一碗都好夠食滷肉份量都好

炸理滷味！！放心，我唔係講緊粗口，而係介紹緊一間旺角新開既小食店。點解叫炸理滷味？一睇就知道同食滷味有關啦！邊個話食滷味係中年人先食架？大把後生仔食架其實！好有懷舊風味的招牌，一入門口就聽到播佢80-90年代既歌，我入黎既時候咁岩就播緊尹光 High High High (你懂的！)叫左個滷味套餐所以有野飲，一杯係青檸荔枝梳打丶一杯係青檸柚子梳打兩杯清爽既野飲，就係陪伴我地食之後炸物同滷味既好幫手，好味道！先黎一個滷味大全，包括有雞腎丶鴨舌同埋大腸，當中最好食既係雞腎，好爽口，滷味汁同雞腎勁夾。鴨舌煮得非常腍，一放入口就可以吸哂D肉出黎，食埋條軟骨，好味。邊有人估到係小食店可以食飯架？我就試左個滷味東坡肉飯。東坡肉煮得好腍，醬汁好濃味，可以食到好強烈的花椒八角味，一碗飯可以夠一個女仔飽，而且價錢唔貴，午餐可以考慮！作為一個芝士控，見到有芝士波波就當然要叫黎食啦！熱辣辣既蝦膠包住好香濃的流心芝士，勁感動。而且芝士唔係個隻拉絲得黎又硬又冇味既mozzarella cheese，而係香濃口味的芝士，驚喜！每一粒都有乒乓波Size以上，30幾蚊6粒真係勁抵食，去餐廳食分分鐘可以收你78蚊都有人

拿 我無講粗口呀真係叫炸理滷味架專賣炸野同滷野懷舊feel懷舊歌加手工啤酒立食正野裝飾好懷舊Feel地板勁似以前唐樓仲有鎢絲燈同錄音帶機不停Loop住舊歌隊返杯勝既勁多手工啤酒任你揀溫泉玉子滷肉飯($35)個兜勁靚勁復古一吉啲蛋黃流哂出黎滷肉入味份量都唔細滷味大全($25)勁入味勁入味勁入味大腸果陣脂肪勁正鴨舌少肉啲不過滷汁滲哂入去滷汁比外面甜味重啲最期待既芝心海龍波波($38)即叫即整熱辣辣蝦膠同墨魚膠超彈牙釀滿芝士唔點個黑松露都好好食炸理雞脾加話梅梳打($38)雞脾同三多有得揮勁大隻仲要炸皮薄雞肉唔鞋不過太多調味粉對女仔可能有少少鹹話梅飲落有甜味反而荔枝唔甜得汽炸理五串($38)有和牛黑豚墨魚汁香腸多春魚同南瓜用料食得出好靚不過炸粉有啲分離相較之下滷味出色啲多春魚咬落有好多春炸到魚尾都脆可以成條食墨魚汁腸好濃味好好食和牛好嫩不過一咬就炸皮同肉分開左黑豚上面一舊脂肪下面肉果部份較為難咬南瓜反而有驚喜唔會乾爭爭炸皮又夠薄

炸理滷味 第一次是在Facebook 發現時，已經好想好想來，仲要開在旺角砵蘭街這個燈紅酒綠的地方，呢個名確實充滿黑色幽默。玩味的店名，點明店子售賣的食物：炸物炸串 及 鹵味，亦有幾款飽肚的鹵肉飯。店子不大並無座位可讓客人坐下慢慢吃，但邊聽住舊歌邊飲手工啤係爽的。相信而家無咩人知道黑膠唱片是什麼吧？這裡有一台真唱機，可以聽歌的。炸理芝心海龍波波 – $38／5粒一份有5粒芝心蝦丸，因為係即叫即炸的，所以食時要小心熱。蝦丸入面釀咗兩款芝士，咬開見到半溶化的芝士餡，可幸的不會油淋淋。附上自家製的黑松露沙律醬更好味。爽彈的蝦丸加埋濃郁的芝士，炸得不油不膩，難怪是店中熱賣小食。炸理五串（另有十串選擇）貌似天婦羅，但炸漿比較薄身，油膩感不重，最好食係炸蔥花腩肉，厚身啖啖肉！炸理雞肶 / 滷味鹵水雞肶 – $25／隻雞肶有炸同滷水，價錢一樣，size不如三多的大，但都有手掌咁大的，仲用兩支竹籤叉住方便進食，呢度的鹵水雞肶是即叫即做的，不是浸了很久那種，食的時候熱辣辣，肉質嫩滑，夠入味之餘亦不會太鹹。相對來講，我會比較喜歡 炸理雞肶，炸肶應有的佢都係滿分，例如外層炸粉夠脆，雞肉嫩滑，就算我地影相玩左