影片
更多
2021-08-28
2286 浏览
唔好睇個名「香葉灣」就以為喺咩越式或泰式餐廳，基本上，可以視為茶記，不過，就提供好多東南亞菜式。承接上文晌大美督「忠誠茶座」嘅食評，踩完單車，一個老友返大埔，我同另一個老死就過太和，因為架車喺佢嘅，返佢屋企擺低兩架車，再落去嘆下午茶。 因為防疫關係，全場貼咗好多隔板，仲要喺紅噹噹，所以，搶眼得嚟好似好密咁，其實，喺因為餐廳比較多喺卡位，先有咁嘅錯覺。相反，正正喺咁，個個卡位變成個室咁。 除咗加高啲隔板防疫，枱面直情擺低成壺熱水俾你消毒餐具，就算啲餐具開放式擺晌枱面都唔使擔心。 呢度嘅下午茶餐選擇非常之多，底面兩大版，慣常見到嘅港式又有，星馬泰嘅又有，輕盈啲可揀沙律餐、薯條餐、三文治餐，想飽肚啲就可以揀炒粉飯麵，定價相宜，二、三十蚊落樓。 炸雞脾沙律 $33次次啲單車友都喺嗰幾個，佢哋當中有個好鍾意食炸脾，所以，之前好幾次踩車後嘅食評都有炸脾。今回佢又揀炸脾，皆因佢食開，讚呢度啲炸脾好得，睇樣確喺堅得，超大隻就唔在講，炸到皮脆肉嫩，更無炸燶嘅問題，仲專登切一小嚿俾我影，見佢咁誠意推介，我都寫多幾行字。伴埋港式嘅雜果沙律，既懷舊，又平衡炸脾嘅「熱氣」，包埋嘢飲都仲只賣$33，無可挑剔啦！
因為防疫關係，全場貼咗好多隔板，仲要喺紅噹噹，所以，搶眼得嚟好似好密咁，其實，喺因為餐廳比較多喺卡位，先有咁嘅錯覺。相反，正正喺咁，個個卡位變成個室咁。
除咗加高啲隔板防疫，枱面直情擺低成壺熱水俾你消毒餐具，就算啲餐具開放式擺晌枱面都唔使擔心。
呢度嘅下午茶餐選擇非常之多，底面兩大版，慣常見到嘅港式又有，星馬泰嘅又有，輕盈啲可揀沙律餐、薯條餐、三文治餐，想飽肚啲就可以揀炒粉飯麵，定價相宜，二、三十蚊落樓。
炸雞脾沙律 $33次次啲單車友都喺嗰幾個，佢哋當中有個好鍾意食炸脾，所以，之前好幾次踩車後嘅食評都有炸脾。今回佢又揀炸脾，皆因佢食開，讚呢度啲炸脾好得，睇樣確喺堅得，超大隻就唔在講，炸到皮脆肉嫩，更無炸燶嘅問題，仲專登切一小嚿俾我影，見佢咁誠意推介，我都寫多幾行字。伴埋港式嘅雜果沙律，既懷舊，又平衡炸脾嘅「熱氣」，包埋嘢飲都仲只賣$33，無可挑剔啦！
凍檸茶 +$3茶記嘅凍檸茶有咩好寫？的確，叫小弟寫檸茶真喺難到我，不過咁，店家嘅檸茶交足貨，茶底香，檸檬切得夠厚，俾夠4片，其實唔喺必然架，見過有啲薄到透光，有啲夠瞻死俾得兩片，唔知喺錯手定縮皮嘞。
鹹牛肉蛋治 $28小弟就簡單啲，要份三文治。由於新鮮製作，入口啲料夠晒熱辣辣，打橫睇啲料唔算好爆餡，但都俾到足，且有唔少鹹牛肉。不過，雞蛋部份唔喺炒滑蛋，喺煎蛋，食過一間用炒滑蛋方式，感覺正好多，但依家都唔錯，至少喺俾足貨，咬到入心，仲更加多鹹牛肉呀！
熱奶茶嚟到茶記，熱奶茶哋必然之選，晏晝餐飯已飲咗杯凍啡，依家加多杯奶茶，算喺超額。不過，好彩揀奶茶，因為呢度嘅奶茶算喺小弟周圍飲過屬高水準嘅一家，茶底濃郁幽香，茶奶比例好，入口茶、奶嘅味道都平衡，口感亦夠滑，咁先喺港式奶茶。
多謝老友帶小弟嚟呢度食個下午茶，尤其踩完單車，輕鬆坐吓，嘆吓，啲下午茶感覺特別好食；再者，賣28蚊又俾足料嘅雙拼三文治，加杯高水準嘅熱奶茶，滿足度爆燈啦。
张贴
