三田製麵所 (金朝陽中心二期 - Midtown)

营业中

休息中

三田製麵所，日本沾麵連鎖品牌，係日本旺區周圍都有分店，今次食銅鑼灣分店，外表同日本店基本上無分別，連鎖既保證，座位唔迫幾舒服下既😌餐牌當然係以最人氣嘅沾麵為主，濃骨魚湯，仲有4款麵既份量俾你揀，唔想食沾麵都有幾款拉麵，仲有最新既季節限定 — 海老湯🦐🦐🦐🦐🦐🦐🤤濃香海老沾麵，中麵量，已經好大碗🍜豚骨湯真係好濃，加埋蝦湯頭同櫻花蝦，一落麵就掛晒係麵上😳麵偏粗身，幾彈牙下既，入口都滑既😬湯汁超濃蝦味，調味都屬重口味既，好正，一流既沾麵👍🏻叉燒唔太燒烤feel，但肉質都幾嫩，味道唔錯😌仲可以點下汁食日本唐揚協會金獎炸雞，好香，外面好脆，非常薄皮，一咬就到肉，肉質好嫩好多汁，唔會太濃味，肉汁真係好大嘅賣點❣️Yebisu惠比壽頂級生啤，配隻惠比壽Premium專用杯，加分✨超級幼滑，好新鮮好順滑，非常高質既生啤😳麵質優質一食就知係鮮麵，夏天食沾麵好味但又唔會食到太熱或者流汗🥳加埋超正生啤就成個夏天限定set咁，正🖖🏻

對つけ麺的情意結起於同同學去又抵食又好食的つけ麺屋やすべえ池袋店，其實在日本並沒有特別去什麽つけ麺名店，因此やすべえ的Level我已經很滿足。係香港好似近幾年才興起つけ麺（沾麵），沒有特別去過什麽地方，只吃過尖沙咀的富士山55（和某間已經忘記了），感覺一般沒有記憶中的好吃就沒有再去。OR見到排行榜上出現了一家「三田製麵所」，記得去台灣旅行的時候都見過。上網search下發現原來係來自日本，而且才剛與2015年2月中係香港銅鑼灣開了一號店，喜愛食つけ麺的mag點可以放過！！立刻叫朋友襯新年未放完假，陪我“平日下午”去試一試。當日是年初六平日的中午，我已經避過lunch time時間2：30去排隊，少少地都排左30-45分鐘。（暈倒）店鋪位置都算OK大（約三十幾人座位），雖然中間有很大的玻璃窗廚房感覺有點佔位置，但可以清楚看到師傅煮麵的情況，同日本的麵店相似。 乾淨企理，位置雖然不算寬，但座位間都有點距離，不會太狹窄。用餐環境都算舒服。見到裏面的師傅應該有某幾個是日本人，唔知係會長駐係香港店，定係會係到直至某段時間。 而裏面的店員有好幾位都可以說流利日語，至少個句いらっしゃいませ特別正宗，

尋日做嘢行開銅鑼灣，登龍街又有日式麵店開張。三田製麵所响日本人氣高，可跟一蘭比下去，有人話佢就係'沾麵版一蘭'。其實一蘭同三田旺丁嘅原因並唔係佢係頂級麵食，而係店舖位置，雖然佢唔係最好食，但係味道總算不過不失，質素平均，所以仍然有慕名而來。真係除左富士山55有番熱湯汁服務外，其他嘅都唔興。小弟真係唔係好得碗湯麵食到最後係凍嘅，是但啦，入店隨俗，就黎個招牌辛辣濃厚豚骨魚介沾麵。麵話到明係製麵所，麵梗係自家製，極太麵麵條粗，只幼過烏冬麵丁多。其實識食應該點冷麵，不過我堅怕湯汁快凍，所以要咗熱麵，點知。。。因為熱麵冇過冷河，麵好容易會黐埋一堆，因此師傅响碗底嘅麵剪咗幾下，碎咗就冇咁黐，容易夾啲，但係啲麵條斷哂，點先?! 好心做壞事囉。麵嘅份量分大(280克)中(210克)小(140克)，查實小份已經夠我食，點知個侍應吓咗我一聲，對面搭枱果兩位女仕都點大份，响壓力下我點咗中份量，最後我夾硬食哂。至於果兩位眼闊肚窄，貪心嘅女仕，落地府一定會食番哂食剩果啲麵。麵嘅質感係敗筆，連我食開普通硬度嘅都覺得軟，點餐時亦冇得選擇硬度，當然熱麵係會影響麵質，不過食到後尾真係稔到不行。沾汁層次分明，辣唔會蓋過湯