牛丼家

营业中

休息中

🥩 牛丼家 🍚齊柏林係旺角開牛丼飯🤩 一定要黎支持下啦餐廳裝修幾搶眼 仲有兩層夠曬多位想快啲食到仲可用自助點餐機自助落單🥩🍚 牛魔王飯-份量M $42招牌牛魔王飯嘅牛扒好厚身咬落去好Juicy 配上解膩嘅特製牛魔王醬酸酸甜甜咁撈飯食唔覺唔覺就扒左碗飯 真係好正🤤Btw呢個價錢仲包一杯飲品 幾抵🍛 咖哩牛肉飯-份量M $48滑嫩嘅薄切牛肉（真正既薄切牛肉 唔係果啲硬筋/咬極唔爛既八成肥膏牛🤣）配上濃郁嘅咖哩仲有炒到透明軟身既香甜洋蔥同腍曬既紅蘿蔔味道好豐富 性價比好高M size 個份量都好大 正常食量絕對夠飽🐠 公魚仔 +$15口感似多春魚 但細條D更易食 炸到好脆 幾香口做小食一流 但記得要趁熱食呀🍗 炸雞+$20三件炸雞炸到金黃色皮脆內嫩 啖啖肉😋🧃 白桃汁 冰紅茶欣賞兩杯飲品唔會太甜 幾RefreshP.S. 最後見到有學生優惠套餐可以減$5拎過期學生證都得🤣 等我下次試下先

上個月的其中一個城中話題，就是不少Youtuber都有介紹的香港牛丼爭霸戰，先有齊柏林旗下的牛丼家進駐，再有今個月的松屋再度降臨香港，與本來在香港多年的吉野家及Sukiya開打牛丼大戰。過了最高峰時間，我們終於有機會到牛丼家一試😂✏️位置（9/10）：通菜街街市附近，地點超方便✏️環境（8/10）：第一次遇到牛丼店有電梯，夠貼心，店內環境也不差✏️服務（8/10）：有自助下單機，亦有人手下單，不久就可取餐，有顯示屏方便各層食客自取✏️食物（8/10）：食物味道不錯，尤其牛肉特別出色🌟牛魔王飯配公仔魚套餐 - $57牛魔王飯是店家招牌菜，其實即是牛肉肉餅，厚身而肉質鮮嫩，配上特製的牛魔王汁，帶有和牛牛油的香滑及柚子醋的清香，酸酸甜甜很開胃，更能把肉餅的味道帶出。用$15加配了營養豐富的公仔魚及可樂，大滿足🥰🌟咖哩牛肉飯套餐 - $68太太點了咖哩牛肉飯，牛肉飯才是考慮牛丼店功力的主角，店家也沒讓人失望，牛肉相當嫩滑，完全不帶根，不會令女士有過多的油膩感，而且牛肉味夠香，配上香濃的日式咖喱汁及洋蔥，味道比在香港多年的牛丼店更優質。加$20配了炸雞套餐，炸雞有四件，啖啖肉，配合咖哩汁食很惹味🥰而套餐

齊柏林出牛丼飯你地又知唔知😏早排推出左佢地嘅副線牛丼家係真正屬於香港人嘅牛丼飯🇭🇰價錢又親民加 $10-20 仲可以升級做套餐 當中有一款小食同飲品小食方面有青菜🥬公仔魚🐟炸雞🐤揀 係豐富嘅感覺🥰性價比極高 份量又夠 係糧尾恩物👛平時夜一夜揾唔到餐廳都唔洗擔心 佢地開到凌晨2點🥹❣️雙重芝士牛肉飯 $45呢個雙重芝士真係芝士控天堂🧀芝士鋪到滿滿 仲會有拉絲效果雖然芝士無炙燒 但配埋啖啖嫩滑嘅牛肉變到超香濃😍強烈推介俾鍾意食芝士嘅朋友試下😋👍🏻❣️溫泉蛋牛肉飯 $52溫泉蛋配牛肉幾時都係一個唔會錯過嘅組合🍳😎😎撈埋飯一齊食真係夠曬正牛肉本身夠嫩滑再加埋佢地嘅秘製醬汁真係會令你食多啖而秘製醬汁係選用和牛提煉嘅牛油🐮🧈再加柚子醋同其他秘製醬汁製成雖然食落會帶少少酸酸地 但同時有份清新感覺又唔會膩

本地品牌熱狗店齊柏林，最近開設牛丼副線 ❛牛丼家❜！餐廳位於旺角，營業到凌晨2點，想食宵夜可以考慮嚟呢度🤣二樓嘅枱上放有電磁爐，睇嚟遲啲有火鍋套餐～而家做緊試業優惠，推出優惠價$100/5碗牛肉飯嘅套票，平均一碗只需$20，真係好抵！丼飯包括鰻魚、豬、牛、雞，而且有多款口味：原味、香蔥、雙重芝士、咖喱、溫泉蛋，最平$26就買到！🐂雙重芝士牛魔王飯(M) ($55)呢碗飯果然無改錯名🤣成個碗都鋪滿咗芝士，份量好澎湃😍開始食之前跟餐廳教學，將牛魔王汁淋落白飯度 (唔好直接淋漢堡扒)，再將飯同芝士撈勻，真係極邪惡呀！漢堡扒採用澳洲和牛，表面燒得有少少焦脆，咬落去好Juicy；值得一提嘅係個牛魔王醬汁，以特別提煉嘅牛肉脂肪、柚子醋等調配而成，整體食落甜甜地又有芝士香味，伴酸薑片解膩一流～🐓泡菜照燒雞扒飯(M) ($46)雞扒份量都幾多，而且肉質厚身嫩滑😍雞扒同白飯都沾滿日式照燒汁，食落甜甜地，成個配搭好夾，再搭泡菜一齊食不會太辣，仲非常開胃～⪢ 升級套餐 ⪡炸公魚仔＋飲品 (+$15)炸雞＋飲品 (+$20)🐓炸雞 炸雞有三件，外層炸成金黃色，內裏肉質鮮嫩～而且炸得幾乾身，食落一啲都唔覺得油淋

出開嚟旺角睇波鞋，咁就順便食埋飯先走啦，去到近地鐵站口附近，本來就想試下間茶記，不過見到呢間「牛丼家」，老友又話想試下，我食咩都無所謂，反正都喺一餐。上到上面一樓，有櫃枱可以落單，但如果排得人多，可以不妨利用晌地下同一樓嘅自助販賣機，呢度喺以快餐模式運作，落好單等嗌號碼籌，再出去攞嘢食。一樓地方無咁大，而且，啲人都喺會貪就腳，攞完餐就喺返呢一層食，所以，比較多人。其實佢哋仲有上面二樓一層，不過，就要行樓梯上去，但地方就大好多，亦相對少客啲，感覺會坐得比較舒服。丼飯嘅選擇，以大類就分為牛肉、漢堡扒、豚肉、鰻魚、雞肉，再細分就可以揀配溫泉蛋、香蔥、雙重芝士、咖哩汁……等等，此外，仲有多款小食供應；另外，有加錢升級轉套餐優惠，加$10就有青菜配飲品，加$15就有公魚仔配飲品，而加$20就有炸雞配飲品。晌櫃枱落單期間，仲見佢旁邊棟住個$100/4碗嘅優惠套票，不過，就只可選指定嘅兩款丼飯。取餐處旁邊有自助調味架，自由取用，再側邊放有餐具，亦喺要自己招呼自己。仲有，食完就記得幫幫手，自動捧番啲餐具、托盤出去「返却口」。牛魔王飯+公魚仔+冰紅茶 $57朋友就揀咗呢個組合，因為佢見啲漢堡扒寫明用和牛

牛丼家係齊柏林旗下新開嘅牛丼飯專門店，作為牛丼嘅愛好者，梗係要捧下場！餐廳空間感十足，地下果層仲設有自動售賣機、可以喺地下買定再到樓上取餐！而家餐廳仲做緊超抵嘅試業優惠，用$100就可以買到5碗牛丼嘅套票啦，平均都係$20一碗牛丼，好抵食啊～溫泉蛋牛魔王飯(M)💰HK$52漢堡扒牛味濃郁，肉質鮮嫩多汁！用埋秘製嘅牛魔王汁來撈飯，味道一流！最後仲可以食埋旁邊嘅幾片薑片解下膩～照燒雞扒飯(M)💰HK$36雞扒飽滿多汁，而日式照燒汁就呈現出一種獨特嘅甜鹹滋味，能夠好好咁樣襯托出雞肉本身嘅鮮味～升級套餐(炸雞)💰+HK$20炸雞外酥內嫩，唔需要點任何醬料都好夠味！飲品揀咗白桃汁～升級套餐(青菜)💰+HK$10燙青菜脆嫩有咬勁，呈現出最原汁原味嘅口感！飲品揀咗可樂～

本地品牌齊柏林旗下日式丼飯「牛丼家GYUDONYA」旺角店正式開業，餐廳有兩層，不過座位就唔算太多。2樓嘅枱設有一人電磁爐，相信不久之後就會提供超抵食嘅一人火煱套餐。新張試業期間，除咗冰紅茶或者白桃汁免費添飲一次，仲可以用優惠價$100/5碗嘅套票，平均一碗只係$20，真心癲。我同朋友旺角買完野，就順便試埋。分別叫咗雙重芝士牛肉飯同埋牛魔王飯。升級套餐就有野菜/公魚仔/炸雞同飲品/麵豉湯。宜家咁熱，而且仲有添飲，緊係要冰紅茶同白桃汁啦。 公魚仔同炸雞都大路。雙重芝士牛肉飯雖然無咩拉絲嘅效果，但相當唔錯，絕對同某橙色品牌有得比。牛肉汁都幾豐富，成個飯都係。牛魔王飯嘅挽用，肉質鮮嫩多汁，始終係走平價路線，當然唔可以同IFC某店相比啦，大家要明白呵。整體嚟講，依個價錢可以有咁嘅質素，係好唔錯。

經濟唔景氣，有時真係想搵吓邊間飯堂抵食，想食日本米又唔一定得一兩間平嘅呢間旺角新開嘅兩層樓上飯堂都相當經濟實惠，淨係$100五碗牛肉飯套票都抵到暈使錢使到貧血，食返碗牛魔王飯補充吓鐵質先，牛魔王即係漢堡扒，非常厚切，好有牛味，周圍有好多香蔥碎圍繞，但又唔會辣口沿住香蔥淋上特製牛魔王汁撈飯，柚香清新清膩佢地嘅照燒雞扒飯都好大碗，面頭有大概五大片雞扒，燒到有少少脆皮，醬汁味好入肉，飯嘅質感都唔錯，一碗中size都夠飽肚跟套餐有飲品跟，可以揀汽水飲亦有冰紅茶揀，夏天飲啱晒小食每樣有唔同價錢，炸公魚仔有四條，幾脆口幾有魚香，可以原條食晒落肚炸雞亦有四球，肉質極之嫩滑，炸得嚟又唔算熱氣

齊柏林推出全新品牌牛丼家，為大家帶來美味的牛飯.ᐟ新店選址在旺角，更佔地2層，環境舒適又方便♡現時更推出$100/5碗牛丼套票的試業優惠，平均只需$20碗～⧐ 香蔥牛魔王飯 HK$52 ⧏喜歡吃蔥的人必點，蔥的份量多到蓋過漢堡扒.ᐟ漢堡扒更細心地切開一半，食的時候更方便～漢堡肉外脆內軟，裡面更十分Juicy♡更可以優惠價升級做套餐，會有一客小食和飲品🥤加$20便能升級為炸雞套餐，選配了冰紅茶日式炸雞味道不錯，真的很有日本的味道～⧐ 泡菜照燒雞扒飯 HK$46 ⧏如果不吃牛的話牛丼家亦有供應豬和雞的丼飯，這款泡菜照燒雞扒飯亦是很值得推薦的一款.ᐟ雞肉抹上照燒汁帶點甜甜的，肉質亦十分嫩滑，搭配大量泡菜令丼物變得更香，味道也不會太辣～加$10升級了青菜套餐，飲品選了味噌湯♡沒想到是油麥菜，味道惹味，很有驚喜！

位於旺角鬧市，本地品牌齊柏林旗下嘅日式丼飯「牛丼家GYUDONYA」於7月開業，新店設有2層，價錢親民，最平$26起，性價比高👍👍👍。餐廳提供多種款式嘅丼以供選擇，有牛魔王飯、當家牛丼、鹽醬汁豚肉飯、鰻魚飯等，當中‘’當家牛丼‘’、“牛魔王飯”’採用澳洲和牛，牛味特濃鮮嫩可口，配上特色醬汁，入口鮮嫩。丼飯有S、M、L，3個size選擇，仲有套餐，可加配炸雞、炸公仔魚、青菜等和飲品，價錢相當實惠。小妹是日恰巧路經，當然要試試看🤤🤤🤤雙重芝士牛肉飯(M) $45套餐+炸雞+冰紅茶當家牛丼(M) $29套餐+青菜+冰紅茶丼飯大大碗，配料多，牛肉薄片，肉嫩有肉汁；炸雞炸得剛剛好，金黃色，香脆可口；雙重芝士嘅芝士份量超多，混和牛肉每口都有拉絲，芝士嘅咸香，牛肉嘅鮮嫩，好邪惡😋餐廳依家仲做緊試業優惠，原價$145，優惠價$100/5碗當家牛丼套票，有機會要去試試喔😉