影片
更多
2024-09-06
4676 浏览
出开嚟旺角睇波鞋，咁就顺便食埋饭先走啦，去到近地铁站口附近，本来就想试下间茶记，不过见到呢间「牛丼家」，老友又话想试下，我食咩都无所谓，反正都喺一餐。上到上面一楼，有柜枱可以落单，但如果排得人多，可以不妨利用晌地下同一楼嘅自助贩卖机，呢度喺以快餐模式运作，落好单等嗌号码筹，再出去攞嘢食。一楼地方无咁大，而且，啲人都喺会贪就脚，攞完餐就喺返呢一层食，所以，比较多人。其实佢哋仲有上面二楼一层，不过，就要行楼梯上去，但地方就大好多，亦相对少客啲，感觉会坐得比较舒服。丼饭嘅选择，以大类就分为牛肉、汉堡扒、豚肉、鳗鱼、鸡肉，再细分就可以拣配温泉蛋、香葱、双重芝士、咖哩汁……等等，此外，仲有多款小食供应；另外，有加钱升级转套餐优惠，加$10就有青菜配饮品，加$15就有公鱼仔配饮品，而加$20就有炸鸡配饮品。晌柜枱落单期间，仲见佢旁边栋住个$100/4碗嘅优惠套票，不过，就只可选指定嘅两款丼饭。取餐处旁边有自助调味架，自由取用，再侧边放有餐具，亦喺要自己招呼自己。仲有，食完就记得帮帮手，自动捧番啲餐具、托盘出去「返却口」。牛魔王饭+公鱼仔+冰红茶 $57朋友就拣咗呢个组合，因为佢见啲汉堡扒写明用和牛
上到上面一楼，有柜枱可以落单，但如果排得人多，可以不妨利用晌地下同一楼嘅自助贩卖机，呢度喺以快餐模式运作，落好单等嗌号码筹，再出去攞嘢食。
一楼地方无咁大，而且，啲人都喺会贪就脚，攞完餐就喺返呢一层食，所以，比较多人。
其实佢哋仲有上面二楼一层，不过，就要行楼梯上去，但地方就大好多，亦相对少客啲，感觉会坐得比较舒服。
丼饭嘅选择，以大类就分为牛肉、汉堡扒、豚肉、鳗鱼、鸡肉，再细分就可以拣配温泉蛋、香葱、双重芝士、咖哩汁……等等，此外，仲有多款小食供应；另外，有加钱升级转套餐优惠，加$10就有青菜配饮品，加$15就有公鱼仔配饮品，而加$20就有炸鸡配饮品。
晌柜枱落单期间，仲见佢旁边栋住个$100/4碗嘅优惠套票，不过，就只可选指定嘅两款丼饭。
取餐处旁边有自助调味架，自由取用，再侧边放有餐具，亦喺要自己招呼自己。仲有，食完就记得帮帮手，自动捧番啲餐具、托盘出去「返却口」。
牛魔王饭+公鱼仔+冰红茶 $57朋友就拣咗呢个组合，因为佢见啲汉堡扒写明用和牛做，所以，心态上点都秤高少少。餐厅有建议食法，个牛魔王汁唔系倒落啲汉堡扒度，而喺爱嚟捞饭食，老友话酸酸甜甜捞饭真喺几好味，而件汉堡扒有肉香又有油香，搓得松化，比预期好。而公鱼仔虽然几酥脆，但咬落比较硬身咗啲，反而杯冰红茶老友试咗就话几有茶香，够冰凉，份外解渴。
咖喱豚肉饭+炸鸡+白桃汁 $68小弟就几钟意食日式咖喱饭嘅，所以，拣咗呢个豚肉饭，再升级套餐配上炸鸡同白桃汁，豚肉嘅份量真喺唔少，虽然睇起嚟好肥吓，但入口又唔喺好油咋㖞，可能因为啲咖喱调和咗，而啲咖喱亦几香，带微甜，捞饭食一流。炸鸡都OK啦，口感几嫩，但入口时唔够热，少咗份油炸嘅「热气」感，哈哈！杯白桃汁我就认为应该叫白核汽水喇，白桃味好突出，但汽泡好劲，完全喺饮汽水嘅感觉。
原本同老友都喺打算食个快闪晚饭，都无话谂住坐好耐，不过，讲吓讲吓好多往事及呢个世道嘅变化，但我哋都好满足现况，可以讲活得开心，活在当下。
张贴
