Dodam Chicken (利舞臺廣場)

营业中

休息中

今日午飯到銅鑼灣利舞臺的Dodam Chickern，這裡的午餐是非常受歡迎的，人潮很多，可見這家餐廳有一定的水準。我點了他們的招牌小食，炸雞，口感鮮嫩濕潤，入味十足，但午餐後還要上班，不能喝酒。唔緊要，我選了，黑糖薑母茶，也非常滋潤，和炸雞非常匹配。除了炸雞，我也點了他們的卡邦尼意粉，原來是一道『西、韓 fusion菜』，非常特別。這道菜除了卡邦尼意粉的味道，還加了韓式樣年糕和椰菜，非常新穎，配搭得很好。卡邦尼意粉用上松露醬汁，香味十足，和意粉的口感好配合。年糕的質感和口感也非常不錯，和其他配料搭配得很好，讓整道菜更加豐富多彩。除了主菜，小食，韓式炒粉絲也非常美味，口感細緻豐富，蔬菜和蔥的配搭也非常協調。泡菜，質地剛剛軟身又有爽口感，味道酸甜適中，很開胃的前菜。最後，我要特別稱讚他們的服務。儘管店內工作很忙碌，店長和店員都非常有禮貌，對待客人非常親切。👍🏼👍🏼👍🏼

朋友仔話想食韓國野、銅鑼灣，唔洗諗即刻搵左dodam chicken! 記得之前同朋友食過觀塘分店，已經覺得好高質，炸雞唔厚粉，夠味又夠嫰。另外，海鮮煎餅都係必叫之選，料多而煎得好香口同好脆，食多幾塊都唔會覺得漏。芝士蛋捲就無乜特別，但都係煮得岩岩好，唔會覺得個蛋好老。第一次黎銅鑼灣分店，唔算好多人，啲位都算坐得舒服，而且人手好夠，基本上一叫都會有人黎🤣🤣不過相比觀塘分店，佢個海鮮煎餅唔夠熱同埋林左🫠🫠但其他野黎講都保持到

估唔到係銅鑼灣都會搵到咁地道既韓式炸雞🍗呢間鋪頭平日夜晚好多人食，經常full booking，6點30前入座好似仲有7折😳，都實係幾抵食架！炸雞都好大份，有得半份半份唔同味咁叫，可以一次過試晒幾款唔同既口味！我今次就食左辣味炸雞同埋蜂蜜牛油炸雞🍯 我就覺得辣味炸雞真係好好食😋 蜂蜜牛油炸雞就岩啲小朋友口味多啲😄　但都唔錯！另外，因為食炸雞呢啲野會好油膩，為左消油膩叫埋個水冷麵，果種感覺係好清爽，食完兩啖之後又可以繼續食炸雞☺️呢排可能因為肺炎關係，人冇咁多，又唔洗等位，環境唔算迫夾，所以想食下炸雞，都推薦大家來呢間炸雞🍗☺️

今日中午同事提意去食韓國菜！呢間餐廳都算高名氣，1點來到餐廳門口的時候，裏面已經差唔多座滿人。餐廳有提供Lunch Set，價錢大約都係70-88之間，都算合理。我地叫左個Lunch Set之後再單點左一份香辣烤雞！實行齊齊share。餐廳有設立小食Bar同飲品，包括有：韓式粉絲，泡菜同柚子茶，而且是可以無限refill。海鮮湯面：唔好看個樣平平無奇，湯麵的配料原來有好多的！首先海鮮方面單單青口已經有4粒，裏面還有蝦仁，魷魚等等。令到湯底味道提鮮不少！除了海鮮之外，餐廳仲加左鷄蛋和年糕令到湯麵整體口感都很豐富。帶有少少韌性的面條配上少少微辣的海鮮湯，這是會令人上癮的味道。隨lunch set 還附送炸鷄！香辣烤雞：烤雞的辣味不是死辣的味道，是韓式甜辣烤雞，醬汁十分惹味。雞件皮脆肉嫩，而且烤出来的色澤也是非常吸引人食欲的。雞油在烤的過程都被逼了出來，故此烤鷄沒有炸鷄那麽油膩，而且比較健康。最後離開的時間才知道餐廳原來是韓國人主理的！

今次黎到尖沙咀食韓風雞，地點都算方便係time square隔離。講下環境先，舖頭都算大，好多大枱，都有幾多2人枱，4人枱，一大班朋友黎就岩晒。呢度就主打食雞（唔係騰訊果隻食雞game, 大家唔好誤會），款式都幾多下，炸雞，烤雞，辣醬雞，焗雞。另外，好多款色都有雙併/半份，大家可以試多啲唔同既款。今次就試佢個炸雞，岩岩新鮮炸起，熱辣辣，外皮非常脆口，肉質都好嫩，多汁（同KFC果d比真係好味好多），另外嫌佢唔夠味既話，間野仲有埋調味料，有鹽，七味粉，胡椒粉，岩晒d 重口味既朋友

Dodam Chicken 開業於銅鑼灣利舞臺，是一間以炸雞及薄餅作主打的韓式料理。 在午市繁忙時段，筆者沒有訂枱，需要和其他食客共同享用一張長木枱。雖然午市套餐常見於香港的食肆，但在韓式炸雞店確實比較少見。既然餐廳有套餐選項，定價又相宜，大家也不傷腦筋來一客「三款雞」午餐。在飯餐送上前大家可先到自助餐桌隨意取用韓式小食及泡菜。韓式炒粉絲無乜特別。泡菜做得不錯，不過辣，爽口醒胃。 主菜內含三款不同口味的雞，辣烤雞的醬汁辣中帶甜，以惹味食感取勝。炸雞沒有脆卜卜的外層，有點可惜，味道略帶輕輕的咖哩味。雞翼製作相當平實，肉質稍實。整體而言，各雞件食味中規中矩，建議增加食物送上時的溫度，有助提升味道評分。