閨•家 (西九龍中心) (已結業)

有無人同我一樣咁鍾意炸饅頭配練奶？香甜配上軟綿綿嘅口感，真係一流啊🤤🤤🤤 介紹返我嘅飯堂深水埗閏家💗今次已經係第n次嚟食啦🤣 呢度既小食份量又真係好多好大份，我地3個人食都食唔曬，叫左手拍青瓜，好大條好脆～🥰 辣中帶甜～係開胃小菜，重點價錢平，食多少少都唔肉赤！ 我最鍾意係呢麻醬手撕雞😍凍食每啖雞都好滑好嫩，食落好涼快好爽，岩曬夏天熱死辣辣時食，麻醬比例岩岩好唔會話太咸同太甜～ 麻辣雞腎份量都係爆驚人🤤細細塊爽口易食，辣度適中，推薦比大家啊hehe 今次叫左個新菜式鰻魚炒飯，雖然炒得唔算最乾身個種，係仲有濕潤度既無咁熱氣，加上勝在配料十足，味道都OK啊！ 最後要講既都係呢度既老火湯，真係真材實料咁煲，計落條數點都好過兩小口自己煲啦～

又黎深水埗食呢間野，今次主要叫小食為主～不過都叫左兩個主食～真係好平好抵食！今次試下個新既鰻魚炒飯先！😋呢個炒飯好足料好大份，用日式豉油炒出黎，味道偏甜，口感唔似茶餐廳果種快炒乾爽既飯，係比較軟既口感配搭埋粒粒鰻魚，都係唔差既！豬扒蓮藕餅飯都係每次黎會食既菜式之一，今次個擺盤都幾靚🥰 豬扒入味，唔會太乾～今次叫左4碟小食🤪多到張枱都差啲擺唔落，因為佢每碟都份量十足！炸饅頭依然係我必食既野😛呢個涼拌海蜇手撕雞都幾正，朋友都覺得幾好食😋用雞髀肉黎整，每塊肉都係嫩口～手拍青瓜夠開胃！老火湯依然出色～呢個價錢其實真係好抵食～

深水埗西九龍中心一直都有一間幾出名嘅中式飯店，我朋友成日都話會去嗰度食家常便飯，於是今日經過就決定去試吓啦。聽朋友介紹就食過招牌豬扒飯配煎蓮藕餅，豬扒非常之軟熟入味，完全係感受到醃咗一段時間先去煮，加上表面有啲香茅，又有啲果汁味，令成個豬扒好Juicy 同美味，而蓮藕餅都煎得好香～朋友就食咗咖喱雞飯，咖喱夠晒香濃，個汁撈飯一絕，雞係比較健康嘅煮法，冇落油炸啱晒健身嘅朋友食多啲雞肉補充蛋白質哈哈😆另外仲叫咗兩個小食，一個係麻辣雞腎，另一個係炸饅頭。麻辣雞腎好多人叫，嚟到我哋嘅時候已經係最後一碟，份量勁多勁抵食，味道都OK，口感清涼又有啲麻辣feel，夏天食就正啦！炸饅頭就唔使講，夠晒邪惡，外脆內軟加埋煉奶，食幾多都唔厭😆😆 不過佢個炸饅頭個殼個人覺得可以再脆多少少厚啲，而家係薄脆啲～而且另外推介嘅位係，呢度仲會配埋冇味精嘅湯水，雖然呢度坐得比較迫少少，但係性價比真係極高，一個套餐50幾蚊有主食又有湯飲，真係不愧係我個friend嘅食堂。

曾經食過北角分店既閨家，回味無窮，但平時收工真係好少去北角。今次嚟到深水埗，餐廳大排長龍，試下味道如何先。招牌豬扒飯兩塊好大塊金黃色嘅豬扒，揼得好鬆軟，好容易就咬得開，而且醃得好入味，送飯一流。手刴香煎蓮藕餅 + 甘荀麵蓮藕餅外層稍為煎香，每啖都咬到爽口既蓮藕。甘荀麵既麵條好長偏軟身，都幾唔錯。蟲草花百合無花果煲豬展最值得一試既係每日唔同既老火湯，鮮甜滋潤得嚟飲得出無落味精，煲足4個鐘，係誠意之作。手拍青瓜蒜蓉醬好惹味，食落有少少辣但係絕對接受得到，份量都唔少。⭐️ 炸饅頭外層香脆熱辣辣，配埋煉奶真係錦上添花。簡單既小食都整得好有水準，絕對會再翻兜呢間餐廳。

香港人生活忙碌，成日出街食飯其實都食左唔少味精落肚，想出街食得健康啲就拎我諗起杜文澤既至愛—閨家見到呢句見字飲湯，真係忍唔住要叫碗住家煲既靚湯呢度最好就係一星期七日都有唔同既老花靚湯，實有款岩你其實平時叫某d飯餐都跟左一盅細湯，我發覺細盅已經滿足唔到我既慾望，我決定叫盅大湯，估唔到真係咁大盅，正呀湯料有好多紅蘿蔔，飲落有好重既雪梨味，可以清熱止咳，而且蜜冬仲可以對多種細菌起到抑制作用影張正餐既全家福俾大家睇下先，手刴鹹魚煎肉餅甘荀麵$45同埋手刴香煎蓮藕餅菠菜麵$45呢兩款肉餅係咪好似呢，其實顏色上係有少少唔同既，下面咬左果塊係由蓮藕刴成，食落傻傻聲，而上面果塊就有好濃烈既咸魚味，俾我送飯既話應該都可以食到兩碗餐廳一d都唔孤寒，每個餐都有兩塊厚厚既肉餅d麵好索湯，記住要快d食哂去呀最後仲叫埋個甜品，d煉奶非常多，正