Mamaday (已結業)

就快出糧要食好d😂 嚟到銅鑼灣Mamaday食lunch, 裝修好別緻，用左玩味風，連餐具都係，好過癮😜叫左兩個lunch set, 一個跟羅宋湯，一個跟沙律，個湯碗好正好搞笑😂沙律都大碗，菜同生果都ok新鮮👍✨芥末燒汁牛柳蛋包飯 - 個飯都幾巨下，面頭好多牛柳，牛柳夠林，燒汁甜甜地好惹味😋✨牛油果三文魚比薩 - 係薄脆底，勁香脆，牛油果醬同三文魚永遠冇得輸😂✨炸魷魚圈 - 炸得幾香口，唔算太油，魷魚圈爽口得嚟都易咬😜✨Tiramisu - 杯野好吸睛，好似一盆迷你盆栽，面頭係一層tiramisu奶泡，下面係甜甜地嘅咖啡，好特別有驚喜！✨Hojicha Latte - 熱嘅飲得多，今次叫左杯凍，估唔到凍又係另一種風味，焙茶味好香😻

色彩繽紛，五光十色，花多眼亂， 總之打開餐廳門口，走入去的那一刻， 眼睛都從沒有停息過， 視線都離不開五顏六色的壁畫、 不同的小裝飾、綠色的植物，感覺充滿活力。 連餐牌的菜名都有一點挑機的味道。 有得食手打漢堡仲想點($88)都係第一次見個菜名是一句句子， 串串的， 但係對香港人嚟講又好有親切感，差唔多每一台都點了這一款。 真手打漢堡，真鬆軟，真juicy。 原來還配熱辣薯條， 一定食得夠飽， 好彩沒有另外單點。 魷魚薄片炸芝士蕃茄乾扁意粉($118)呢個菜名係最正常嘅， 但係配搭就好特別， 特別喜歡魷魚薄片， 夠薄爽口， 配意粉一起吃增加口感， 超級多蕃茄乾蕃茄汁， 還有意大利辣肉腸， 食物質素高，唔錯。 反而炸芝士有點像格外的小食。 炸魷魚圈(+$28)食嗰陣要小心，因為新鮮炸起，入面好熱。 炸脾都好鬆脆， 不過如果薄身一點會更加分。 焦糖比利時窩夫(+$38)這個好食，窩夫鬆化，焦點是焦糖脆脆， 質感硬脆，像蜂巢蜜， 味道甜得來帶濃厚的焦糖味， 很少吃得到這種口感的caramel honeycomb，怕甜的話可以吃一口藍色的海鹽雪糕， 平衡一下。

一直以來都好想去試吓呢間人氣極盛的cafe - Mamaday，疫情一直都反覆不停，約會也要不停推遲，直至呢一餐生日飯...靚女車車為我準備的生日晚餐，由於座位有限，很早已經fully booked, 唯有在當晚walk in了。是晚6點未到，我哋已經喺餐廳門外排隊，排第三張枱，也要到7:30左右先有枱，所以下次再嚟，一定要早一個月book定枱先得！餐廳佈置非常有趣，充滿年輕人活力的感覺，十分適合後生仔女傾吓偈呢！🍴溫泉蛋明太子意大利扁麵$112: 明太子辣辣地，撈埋啲溫泉蛋之後，碟麵變得滑溜兼少辣，再加上有幾條大大的蟹柳，又點會令人失望呢？！🍴炸魷魚圈$68: 魷魚圈口感十分酥脆，點上沙律醬後好好食！件數挺多的，搞到我哋食剩兩件！🍴黑松露野菌pizza$116: 黑松露醬味道濃烈，配薄批pizza very good 👍，yummy yummy !🍴宇治抹茶窩夫$78: 窩夫蛋味十足，少少脆，少少抹茶味！之不過個抹茶雪糕球味道仲濃過啲窩夫啫！紅豆醬跟抹茶窩夫非常match 👍!🍴紫薯蛋糕$48: 靚女話生日🎂又點可以無件cake 🍰呢？！更何況女仔有兩個胃吖嘛！估唔到件蛋糕一啲都唔甜

🌟有得食手打漢堡仲想點？ $𝟾𝟾想食呢度嘅手打漢堡好耐，真係冇令我失望！大家都見到啲肉質有幾厚實。個漢堡煎得好好，啲肉汁鎖住晒，正🥺！佢本身已經好多layers，但我太鍾意日本雞蛋，忍唔住加左🤣，厚到呢～～好彩都食得晒(☞ ͡° ͜ʖ ͡°)☞。個🍟都係超好食，真材實料嘅薯條一啲都唔馬虎，一定飽！𓂀推介度：♥︎♥︎♥︎♥︎♥︎🌟脆炸魷魚圈 +$𝟸𝟾魷魚好彈牙有咬口，食得出係新鮮炸出嚟！呢類炸物好容易會因為個皮好油膩同厚而食到好漏唔想食，但佢完全無油膩感！我係食到停唔到口🙀！勁！𓂀推介度：♥︎♥︎♥︎♥︎♥︎🐈：我真係好鍾意Mamaday🤣，佢實在太有型太有心思同太活潑！上至裝修設計下至食物名設計都好一致，好有玩味同好多打卡位，食物質素又高！有時候一間餐廳會令人返轉頭除咗係食物質素之外，更加係因為嗰間餐廳自身品牌嘅感染力！希望香港都可以多啲呢種咁有message既餐廳。💕𓂀整體推介度：♥︎♥︎♥︎♥︎♥︎

男朋友慶生，指定話想黎試下有幾麻麻地🤣超級欣賞小店室內佈置和餐桌設計，文字上也花了不少心思，非常趣致❤️首先，菲兒認為必食的是原條鰻魚飯！鰻魚雖然稱不上是彈和厚肉，但都不劣，媲美在日貨超市買的。蛋炒得嫩滑，各樣配料配搭得非常完美！未食過超多蟹肉的意大利麵！一上枱的時候，會想為何比起炒飯份量少那麼多？一食便知道，因蟹肉份量多，而且醬汁比較膩，份量是十分足夠的。這碟味道相對較清淡，是食蟹肉的味道。我們還叫了兩個小食，喜歡炸魷魚的皮很酥脆，不會吃損口。如果魷魚更彈牙就更好！很少炸雞翼是全翼！上枱時還是非常熱辣辣的！它的微辣不太吃到，吃不到辣的朋友相信也可以嘗試。豆腐咖啡，起初以為是豆腐味的咖啡，原來是把豆腐雪糕放進裏面，雪糕味道清甜，還見到一粒粒豆腐呢，真材實料～由於店舖是小店，最好預先訂位，就毋需要在狹窄的位置等位。整體食物質素不錯，環境很有情調，值得來試一試。