大都烤鴨

营业中

休息中

星期日出完街去食飯，晚市有個二人$688 set都有半隻烤北京填鴨，但對鴨絲羮同四季豆唔太有興趣所以決定a la carte咁order~ 烤北京填鴨(半隻)好快就送到，皮肉分開。鴨皮酥脆而不膩，鴨肉唔算好肥有d韌，以薄餅配京蔥、青瓜、哈密瓜、紫蘿蔔、甜醬卷住食特別有風味~ 紫蘿蔔係比較少見嘅配菜，幾特別~ 鴨皮同薄餅果然係趁熱食好，天氣開始涼隔左陣薄餅已經開始變硬，早食早享受~江南松子魚嘅分量驚人，松子魚炸得外皮酥脆，三色椒加菠蘿嘅酸甜醬好開胃，倘若松子多番d d就perfect~叫嘅前菜水鄉紅瑪瑙反而最後先到，主要係口痕想吃海蜇。海蜇頭索索聲但感覺有d膠，反而陳醋青瓜好啱解膩，酸酸地好醒胃，以$148嘅價錢有些少overpriced。兩個人三款餸食到我地捧住個肚，仲pack埋食剩嘅松子魚返屋企再食過～

假日6點左右Walk in，入面好就滿哂人。主要想食片皮鴨所以黎試下烤北京填鴨(半隻) 有半價所以抵食，如果原價就未必考慮，味道正常，過口引ok，份量都算小，我同朋友2位就剛好。淮揚灌湯小籠包熱辣辣，皮夠薄👍🏻竹笙山水豆腐賣相有d衰🤣比想像中清淡，不過我覺得可以接受。想清清地簡呢款都唔錯。金沙蝦球有返碟濃味既菜式中和返上面🤭 滿滿既咸蛋包住蝦球，味道香濃，蝦夠爽口👍🏻 唯一就系d木魚有小小唔襯整體Ok既👌🏻👌🏻

冇提前預約，去到門口排左大概15分鐘隊，到正式入座先發現到左宵夜時段，除左某些食品，其他一律半價，今日2人行，叫左5個菜同2個湯，服務態度有待改善，未落完單就趕住走咁，但環境都舒服，正式介紹翻菜1.烤北京填鴨(半隻)啱啱上枱鴨皮又脆又好食，夾住配菜食好味得嚟又唔會感覺到肥膩，但想再加配菜一碟要50蚊，所以之後冇配菜就咁食鴨，就有小小肥膩，但值得推薦2.大閘蟹有活動搞緊，買1送1，最少6兩起，新鮮得嚟又多膏，絕對唔係死蟹，個人比較推薦3.淮場灌湯小籠包大隻又多湯，但食落冇太大驚喜，另外醋碟冇姜條4.竹笙生煎包冇乜特別，餡少包多，個人不太推薦5.清水雞湯雲呑個湯冇乜特別，反而入面個雲呑幾好食6.金肘花膠燉津白可能上枱冇即飲，放耐左好腥，基本上冇點飲，個人不太推薦7.乾煸四季豆唔算太入味，但份量十足，唔知係咪煮唔太熟，仲有小小草青味總體來話，價錢吸引，下次會再試其他菜

每次想食片皮鴨加酸菜魚都第一時間諗到大都烤鴨😋同男朋友已經有點菜嘅既定模式，每次都唔需要睇Menu，食嚟食去都係呢幾樣。🔸 烤北京填鴨(半隻) $𝟐𝟗𝟖如果比起外面其他餐廳食北京填鴨，呢一間嘅份量會相對上比較少，但係味道十分出色👍🏻👍🏻兩個人食，半隻就夠。鴨唔會油淋淋，皮及肉數量平均，唔會太肥🦆配料除咗包皮，仲有京蔥絲、哈蜜瓜條、🥒青瓜條、紫蘿蔔條，醬汁方面有填鴨醬同砂糖🧂我個人比較喜歡哈蜜瓜條加砂糖（超肥😛）哈密瓜條中和左鴨嘅油膩，好match❕🔸 農家酸菜魚 $𝟏𝟕𝟖另一碟Favourite非酸菜魚莫屬🤎有別一般酸菜魚，呢度嘅酸菜魚比較清淡同少油，配料以菇類及酸菜為主。食落有酸味之餘，口腔麻嘅感覺較強，每次食都覺得好過癮😍魚肉唔會太乾亦冇骨，但如果份量多番少少就更好👍🏻🔸 淮揚灌湯小籠包 $𝟓𝟓 小籠包亦做得好出色，小籠包皮唔會好厚，但亦都唔會好容易穿。一籠4隻，每隻都充滿湯同餡料，每人兩隻好滿足😋———📍 尖沙咀河內道18號K11購物藝術館2樓221號舖 | Shop 221, Level 2, K11 Art Mall, No.18 Hanoi Road, Tsim Sha T

片皮鴨係我幾中意既菜式之一😁 bookmark左幾間，今次就試左呢間先 (反正今日要出油麻地，宜家做推廣禮拜六日烤鴨全日都有半價🤣)同男友最近都細食左🙈 所以淨係叫左半隻烤北京填鴨，二食加左兩位用既荷香包鴨飯～烤鴨等左大約十五分鐘，個飯大約廿分鐘 (兩樣野餐牌都標明需時大約二十分鐘👍)半隻比我預期既份量少左啲，不過呢間真係明副其實既“片皮鴨”😁 皮同肉係分開既，啲皮色澤好靚👍👍 食落有鴨既油脂香，但唔會太膩，烤得好香脆，鴨肉唔會好乾身，鴨黎講肉質都幾滑🤤配料有京蔥，哈蜜瓜，紫蘿蔔同青瓜，好豐富👍 (個人認為如果有埋山楂條解下油會更好，好彩呢度既烤鴨唔算太油😋)荷葉餅好薄透👍 上菜果個出晒煙👏👏不過凍得好快 (如果有個好似泰式明爐烏頭魚下面既爐仔幫啲荷葉餅保溫就好啦😂 因為一凍左就硬身無咁好食)荷香包鴨飯食落有淡淡荷葉香，配料有鴨肉，冬菇，雞蛋，蝦等等，幾香，蝦肉食落係脆既😂個汁似係中式炆鴨既汁，偏濃味左少少，但啲飯粒太濕太淋唔夠乾身～幾欣賞呢間餐廳加一都係按半價後嘅收費👏👏 北京烤鴨值得試！😋

今晚請朋友食生日飯，他提議食大都烤鴨，所以就去試吓。當晚全場滿座，幸好預先訂座。首選當然必點招牌菜之一嘅北京烤鴨，叫咗半隻，份量都算大份，烤鴨肉質細嫩，不肥而不膩。農家酸菜魚，魚鮮啖啖肉，小籠包都非常有水準。

三個女人一個墟 叫鴨去已提早訂位 不用排隊牡丹蝦仁蝦仁一開幾 不彈牙 沒有蝦味另有鎮江醋 沒有令蝦味提升 一般烤北京填鴨（半隻）鴨子皮脆肉瘦 沒有肥膏 似長期做運動 肌肉型鴨鴨蒸好熱辣辣面皮很薄 有彈性 不錯自由揀唔同配菜一起食 不俗喔二崧炒鴨未配生菜配上豉油炒香鴨肉碎 濃味野味將清爽既生菜包住 很好干煸四季豆四季豆走油剛剛好 不會過干加上肉碎豉油炒香 很野味雞湯雲吞麵雲吞似係煮熟後加入雞湯雞湯雞味不足 加入麵條後味道更淡 麵質一般

今日親愛的師姐要送紅炸彈給我們，當然要出來聚聚收炸彈啦！今日我們就選了去大都烤鴨收炸彈啦～遲到的小妹，到達的時候，師姐們已點好菜，小妹只要乖乖等食就好了～食油膩的東西前，先吃點清爽的打打底～ 點了一碟炒四蔬，清爽美味～烤北京填鴨(半隻) ，人少少，又是午餐，點半隻就好了～熱乎乎的荷葉皮以隔油紙分隔著，這個做法非常貼心，可以防止餅皮弄穿，讚！傳統的店子會提供京蔥跟青瓜用作包片皮鴨用，但小店更提供了哈蜜瓜跟紫蘿蔔絲，頗特別的～跟片皮鴨同食，也頗消膩的～每一片鴨皮都切得四四方方的，很工整！皮很薄，脂肪層已被片去，吃起來較為乾身，脂香亦欠奉～ 鴨肉頗鬆化的，不過較為乾身，羶香也欠奉，略為失色～鴨鬆鴛鴦湯飯，一大窩的，湯頭頗甜美，鴨肉也有不少，有別於別的泡飯，店子除了用白米外，也了炸過的白米，令成品更為香口惹味～蘿蔔絲酥餅一碟三件，酥皮鬆化，蘿蔔甜美，組合起來也不錯～鴨肉末麥包，熱烘烘的麥包中間挖了空，用鹹香的鴨肉末填上，一口咬下，滿足萬分～食過鹹點，總覺不是太滿足，所以又點了些甜點試試看～碗豆黃聽就聽得多，吃還是第一次～ 以紅色的點心籠盛著，賣相不錯～碗豆黃的上層是紅豆糕，粉稔甜蜜，下層是綠豆