The Cool Cousins Cafe & Noodle Bar

营业中

休息中

Bookmark左好耐呢間burger，咁啱今日5半係觀塘，諗住咁早應該唔洗等位就黎試下！時間尚早，得我一個客，樓面超熱心，服務好到好似去左高級餐廳咁😂句頭唔好意思句尾唔該曬。俾左個二人位我。Menu唔洗點睇，係衝著吞拿魚扒黎嘅！餐有跟飲品同薯條，飲品只有冷熱茶唔洗加錢，揀左凍茶，正正常常，算大杯。薯條加錢有各種加料，全部都幾吸引，揀左花生醬。一上菜，我手機已經按捺不住，真係大大份！😍好香！包面有烤過，脆卜卜，印左店名，微妙嘅儀式感😂味道係唔錯！扒有魚味、唔腥，冇想像中鮮，不過算係雞蛋裏挑骨頭，實在已經係唔錯。加埋有啲脆脆係入面，醬汁量適中，唔會乾，又唔會爆漏汁/浸淋個包。作為熱量愛好者嘅我非常期待亦非常滿意嘅係呢個！花生醬蕃薯條！蕃薯條夠脆唔油，花生醬又香又濃，仲有粒粒花生碎☺️實在係完美！光速清左盤，大滿足！😇我係算大食同鍾意食heavy野😂如果正常女仔食量可能會食唔曬，可能可以嗌啲小食再share，花生醬有機會會覺得膩啲，可以試下其他薯條，睇落都吸引，例如手撕豬薯條，估計都唔錯。

呢間啲裝修設計branding都好靚。不過啲漢堡價位好高，最平嗰個都要$108，冇得單叫，選擇唔跟薯條、沙律、飲品，對細食嘅我太不friendly但我又好想試佢啲漢堡。烤大啡菇黑松露芝士牛肉漢堡視覺上好吸引，芝士流晒出嚟。啲薯條可以點啲黑松露芝士，馬上變咗黑松露芝士薯條，咁樣幾好食。啲沙律菜食得出係新鮮、貴價靚菜可惜重點來了，整個包都好乾，唔夠味，有幾點希望改善。第一，個包一啲都唔脆，煎/ 烘唔夠就夾料，好似甚至冇烘過?! (因為見到有pat黃色，應該係芥末醬喺個白雪雪嘅包底)。好失望，以為包底脆係漢堡店expect應該要有嘅第二，成個包都好乾身，牛肉冇肉汁，個包除咗黑松露芝士之外，係真係冇其他醬汁…… 唯一見到嘅可能係芥末醬，不過都俾個包吸收晒。食嘅時候，除咗溶溶哋咗嘅芝士之外，完全冇醬汁滴出嚟 個芝士雖然係流心，但完全提供唔到水份。食漢堡包嚟講冇汁滴出嚟，其實係好唔尋常。第三，黑松露芝士，但食落完全冇黑松露味，香味亦都冇，可能係比芝士嘅鹹味蓋過？但我真係食唔出有認真呢個價位期望一定係高啲，但真係用返漢堡嚟比較有更多更好味、價位仲要可以平三倍嘅選擇。 >> 觀塘漢堡推

駱駝漆有好多特色小店，嚟到觀塘周不時都會喺呢度覓食(⁎⁍̴̛ᴗ⁍̴̛⁎) 今次呢間Fusion菜，舖頭細細坐位唔多，不過每樣菜式都非常有創意，係精心設計嘅搭配🍽️╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴舖頭除漢堡之外，仲有泰式船麵同米線。今次試下佢地嘅招牌Burger。▶ 烤吞拿魚扒莎莎漢堡真材實料，吞拿魚扒超級厚！食到啖啖肉🤤漢堡入面其他配菜都唔輸蝕，特別搭配咗炸洋蔥圈，同埋搽咗蛋黃醬嘅紫椰菜，令成個包有唔同嘅口感😋不過最surprise係個包！搽咗牛油烘到脆卜卜，非常香👍🏻▶ “IC”水牛城炸雞漢堡賣相非常打卡able📸雪糕加炸雞聽落打個突，但見唔少人都推介，一於就試試佢！食落兩樣嘢又出奇地夾，係而家韓國好興嘅鹹甜鹹甜，相輔相成🤟🏻唔好俾佢嚇親，我覺得絕對係值得一試。不過一路食，雪糕一路溶，有啲論盡，建議準備多幾張濕紙巾🫢╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴呢餐我同朋友都食得開心又驚喜，下次都會再想試吓佢其他特色Burger🍔

觀塘搵🍽️朋友介紹必試漢堡店夠哂創意吞拿魚扒莎莎Burger上枱個樣好鬼靚仔搭配左香脆洋蔥圈，蛋黃醬、紫椰菜超鐘意牛油香漢堡，有烘脆脆本身鐘意食魚嘅我，好鍾意跟餐有沙律薯條，女仔嚟講超級飽！！PPB鮮菠蘿花生醬牛肉漢堡一啖咬落去，多種層次充滿咸香嘅Parma hamJuicy嘅漢堡扒同埋菠蘿仲有粒粒花生醬，另一半表示超級正，大滿足另外仲有羽衣甘藍，洋蔥🧅邪惡得嚟，又有啲蔬菜配搭平衡一下滿足嘅一餐！

店舖提供多款創意特色手工漢堡，同時亦有泰式麵食，每款都質素高，岩晒番工Lunch time去嘗鮮。🏝️- 烤吞拿魚扒莎莎漢堡 HK$136 🍔🐟厚厚吞拿魚扒佈滿芝麻煎得焦香脆口，魚扒中心保持半熟鮮味，口感外酥內嫩。配上微酸菠蘿甜椒莎莎醬，蛋黃醬及紫椰菜絲，帶出甜美又清新的口感，風味獨特，非常打卡!!- 經典美式Mac'n Cheese牛肉漢堡 HK$142 🍔🧀使用美國安格斯牛肉漢堡扒，肉質鮮嫩多汁。通心粉與濃郁Modernist車打芝士醬完美結合，充滿濃郁芝士香氣。意大利脆煙腩煎得香脆，入口酥化，口感豐富，咸香突出。焦糖洋蔥煎至焦糖化，洋蔥香甜減少了漢堡的油膩感，超好味!!- 慢煮鹵水豬腩肉﹒泰式扎肉﹒金邊粉﹒冬蔭茄湯 HK$78 🐷🍜

🍔漢堡 💮小店 🚹1-8人 🔅適合朋友 💕適合情侶 🐻‍❄️#新奇控 ——————🐻‍❄️掉低🐻自己去happy😆🐻‍❄️：漢堡，I’m coming!第一次嚟，其實好多款都想試，為左留返最新奇嘅雪糕漢堡同🐻分享，就揀左另一款：烤吞拿魚扒莎莎漢堡 (配薯條+沙律)吞拿魚扒做餡外面都比較少見🤔🍔漢堡包上層塗上蒜蓉醬，同吞拿魚扒一齊食，外脆內軟🤤，下層麵包再加左芥末醬，提升左吞拿魚扒嘅味道。所有味道都唔濃，適合唔鍾意重口味嘅朋友👍🏽🐻‍❄️：所以我覺得好好食😋漢堡包勁大個，一口咬唔晒，切開見到吞拿魚扒其實分開左上下兩層，方便食嘅時候一半夾上層、一半夾下層🤣🐻‍❄️：好似我咁嘅櫻桃小嘴👄，當然好like呢啲細節位❤️薯條都唔錯，夠飽滿同新鮮熱辣🔥好味👍🏽店員仲好細心，見我勁傻瓜整污糟手指，但搵極都搵唔到紙巾嘅時候…攞左盒紙巾嚟😭多謝店員您救急扶危呀❤️🤣結論：成個餐份量都大，雖然價錢可能會有精打細算嘅朋友有疑慮，但無論味道、份量、細節位都對得住個價錢💯——————🐻‍❄️：希望大家得閒可以幫襯下小店💛駱駝漆大廈一向好多小店，🐻‍❄️今日就嚟左個：午餐➡️甜品(E.g. Holam bakery嘅千層蛋糕/Cra

最近觀塘駱駝漆工廈有餐廳出事，令到好多其他餐廳都唔敢開…但呢到真係好多好嘢食，希望唔會搞到啲好食又有heart嘅餐廳唔做啦🥹呢間The Cool Cousins係其中一間我好鍾意嘅fusion burger店，之前介紹過兩款burger，最近再去就試咗另外兩款😋 特別鍾意呢到嘅包都係有均勻地烘過，食落香脆🫶🏼亦都無咁易因為啲醬而令到個包腍晒～•🥢 烤大啡菇黑松露芝士牛肉漢堡 $118漢堡扒中間仲有少少粉嫩，食落好juicy，而且肉味都幾濃🤤大啡菇同埋漢堡扒中間仲有啲黑松露芝士，加埋一齊令個菇味更加濃郁😍～ 然後啲番茄、洋蔥同羽衣甘藍又非常新鮮，可以balance返成個包嘅油膩感！ 本身已經跟埋羽衣甘藍沙律同埋薯條，我加咗$16轉黑松露芝士薯條，黑松露味有少少被芝士蓋過，同埋芝士味幾濃郁，所以食埋啲薯條超飽！🤣•🥢 烤吞拿魚扒莎莎漢堡 $136蛋黃醬(配薯條) +$11吞拿魚扒呢個睇樣都已經好吸引，表面加咗芝麻煎香，但入面保持住刺身口感，加埋酸酸甜甜號菠蘿甜椒莎莎(黃色粒粒)同埋蛋黃醬，成個配搭好清新！咬落除咗有吞拿魚扒表面嘅粒粒芝麻，仲有脆卜卜嘅洋蔥圈，令個口感更有層次😋

呢間餐廳唔係太多種類，得湯麵同漢堡揀。今次同朋友泥食，我地個個麵揀左漢堡，因為實在太特別啦😆。牛油果法式鴨髀布里漢堡（$135）：本身個漢堡包係有擦牛油再去焗佢，所以係非常之鬆脆，包嘅餡料有好多，牛油果加粟米片，再加左一層卡門貝爾芝士，連埋一層厚厚嘅鴨髀肉，三層餡料都係非常之夾，非常推薦大家好試。IC水牛城炸雞漢堡（$129）：第一次見到漢堡包係有加雪糕嘅，睇起上嚟好似好唔夾咁，食落鹹鹹甜甜幾特別。唯一唔好嘅係雪糕好快溶，要食得好快或者食左雪糕先😂😂。烤吞拿魚扒莎莎漢堡（$132）：又係一個非常之特別嘅漢堡，佢個吞拿魚係未熟嘅，佢淨係將表面烤熟左入面係生嘅。但唔好諗住佢係生嘅就以為佢冇乜調味，但係其實佢味道已經非常之足夠。味道同外觀都非常上盛，值得一試。經典美式Mac n cheese 牛肉漢堡（$135）：呢個簡直係邪惡嘅之選，漢堡入面加咗滿滿芝士通心粉，個芝士通心粉係芝士嘅比例多過個通心粉嘅，所以芝士味非常之濃郁，加埋烤左嘅煙肉同一層厚厚嘅漢堡，十級滿足🥰🥰。