我的意大利廚房 (已結業)

今日過開灣仔做嘢，就搵埋兩個喺灣仔返工嘅朋友食飯，朋友負責訂枱，就揀咗呢間意大利餐廳，環境唔錯，好適合三五知己傾吓偈。佢每一個lunch set都只不過係百零蚊，以呢區來講再加埋呢間餐廳嘅質素，真係幾超值，性價比相當高。呢度嘅餐包份量好多，而且佢唔係配牛油，而係配蒜蓉同埋芝士粉，我第一次食呢個配搭，新穎得嚟又幾夾，估唔到餐包就已經咁有驚喜！唔同嘅餐就配唔同嘅湯，分別有蔬菜湯同埋雜菌湯。兩個湯都份量十足，而且仲好香濃，非常醒胃。薄薄嘅薄餅餅底上面鋪上南瓜片、香葉、蕃茄醬同埋芝士，因為夠哂正宗，就算冇肉都覺得好好味！牛扒好大塊，肉質非常嫩滑，再配埋大量嘅沙律菜同埋少少薯條，我覺得呢個配搭都幾健康！呢個忌廉汁尖通粉味道比較簡單，忌廉汁好香好滑，而且佢嘅濃杰度啱啱好，所以每條通粉上面都可以掛滿忌廉汁，正！最後配埋一杯冰凍嘅檸檬茶同埋小小嘅甜品，最緊要就係可以同埋朋友一齊開懷暢飲一餐，真係大滿足！

今晚無聊在家𥚃陪媽媽看電視「老表畢業啦」大結局，看到最尾5分鐘，看到這電視𥚃的餐廳竟然就是我今天中午食晏的餐廳，嘩！不得了！有無咁啱呀😹😹😹門前意大利國旗顏色的小盆栽，可愛❤️整個餐廳的佈置令人仿如身在意大利的餐廳，好有度假感覺🇮🇹😎 望著這威尼斯風景畫，令我回想起在威尼斯的快樂時光.......😻😻😻雜菌湯：落足料，啖啖雜菌雞蛋意粉配忌廉汁：我同事話👌🏻😅烤特式牛扒：調味很好，烤得夠香！只是我覺得牛肉質素一般和牛扒可否厚些和大塊些？食肉獸如我，今日看來要吃下午茶了😅😂🤣Latte: 我同事說不錯！Cappuccino: 好喝😻😋香桃奶凍： 👌🏻整體來說食物不會令您有好吃到掉眼淚的感覺，食物尚可，但環境真是好得！那吊扇、那包圍著您的花花草草、那古樸意大利式檯椅............成個氣氛都令您好似去咗意大利............😹😹😹唔駛花錢已經令您有置身意大利餐廳的感覺，您仲想點？👻👻👻👻👻👻

家中有突發事件，小肥上週五專登請咗日假同屋企人一齊去處理。大清早八點已經出咗門口，但都要搞到差不多成兩點先有晏食 ，為咗方便泊車同節省時間，姨媽就決定喺灣仔QRE Plaza度覓食，結果就由XO仔揀咗一間大家都未幫襯過o既意大利廚房「La Cucina Italiana」。升降機門一開，三人即被水秀山明o既裝潢有所迷倒，彷彿置身於世外桃源 。意大利廚房就隱藏喺歐陸式o既花園中。等位時更可嘆返兩杯，優閒寫意。 一入門口，靚靚媽咪同姨媽經已留意到四周貼有意思等同「歡迎光臨寒舍」o既字句，感覺非常親切溫暖 。餐店菲律賓藉o既老闆親自上前接待，有禮又友善，可能見小肥不斷影相，看似超級欣賞室內o既擺設裝修，仲好客氣地帶細佬上埋二樓參觀添！傾談間得知老闆哥哥曾居澳門多年，七年前與QRE結下緣份，成功開下餐廳，更自豪地介紹店內一切都係由佢一手一腳設計，極富藝術才華 ！散座o既餐桌椅櫈全為木造，襯托返花園式大自然o既環境，簡潔舒適。服務生推介當日個牛扒套餐，但姨媽又想食pizza喎，所以我地就叫咗兩客牛扒餐同一個pizza黎分。落單後，隨即有熱辣辣o既白麵包食，每人兩件。Pizza揀咗意大

朋友E同S既生日飯局, 揀咗一間好舒服既意大利餐廰, 食物水準雖然有d參差, 但勝在地方寛敝寧靜<食物>餐前小食有2款 : 香草蕃茄粒法包 香草蒜蓉法包 - 由於係生蒜關係, 我只敢試食一件, 因為真係好刺喉同有口氣<主菜> Antipasti Paltter - 完全唔識點形容, 只可以用好難食形容, 薄餅好 dry 無汁, 配料又唔啱胃口兼全用橄欖油油浸, 大家係咁意食咗一兩啖就放棄咗 葡式薄餅 (配料有馬蘇里拉芝士 / 葡式肉腸 / 洋蔥 / 橄欖 / 蕃茄醬) - 餅烤得好香脆, 而材料又多, 大家都覺得不錯 棈選羊扒配芥末汁 - 我可以用好好味嚟形容, 係講個羊扒同個汁, 羊扒好嫩少羶, 再配唔攻鼻少甜既芥末汁, 完全啱晒我口味, 而d配菜都好正, 推介 ! 白汁煙三文魚意大利燴飯 - 唔ok, d 飯唔夠粘, 個汁又太咸, 大家都食到變臉 番茄千層麵 (sorry, 唔記得個全名) - 呢個都ok, 但賣樣就麻麻, 完全唔知佢係乜 白汁蘑菇蝴蝶粉 - 呢個都做得好好味, 雖然個汁有少少稀, 但蝴蝶粉一早吸收晒佢既精華, 另一推介 !