容記小菜王 (已易手)

舊同學生日, 打算到中菜館吃飯慶祝, 當天8時30分左右到達, 發現已人頭湧湧, 幸好自己早了一天訂位, 坐低開始叫菜, 之前已看過這裡的食評, 看到對燒肉的評語好壞不一, 十五十六之下照叫了燒肉一試, 還試了炸鮮魷...燒肉黎先, 食完一舊消去之前睇到劣評的懷疑, 趕緊去搶夾第二舊, 全部同學都好受落, 一致讚好, 另外炸鮮魷亦交足功課, 唔太溜, 脆口好食。之後上台的走地雞保持水準, 之前好怕食d雞凍, 但一食之下, 伋熱辣辣同埋有咬口, 我地當晚一行8 人, 叫了半隻雞, 加其他菜感覺份量足夠, 如好雞人士可再叫全隻。沙律骨也不錯, 但吃多兩件都會幾溜。素菜卷一般, 有同學好素, 所以叫了這個菜式, 但感覺麻麻, 可以自行商量是否需要叫這個。對比素菜卷, 草菇西蘭花的表現較好, 基本菜式唔會水淋淋。另一期待焗魚腸, 對於平時不吃內臟的我也抵受不住, 叫飯之後一定要叫埋, 料足沒有腥味, 凍天食岩岩好。爛魚煲一般, 相信可以有其他選擇。

第二次造訪容記，是因為對他的焗魚腸念念不忘！我們晚上7時左右到達深水埗，下着大雨，還在希望下雨天的容記會少點兒顧客，不用等位。但事與願違，在遠處已經看見容記門前站着數位正在等位的人，他的兩間店舖都已經滿座。向店員報了名後我們便在門外等候。幸好我們要的只是二人枱，約五分鐘便有枱了，反而比我們早到的三人仍未有位呢！蒲入門口，只看見店內貼滿了老闆與名人的合照。可能是太多人等位的關係，坐下不久，店員很快就走過來問我們要點甚麼，我們首先必點的當然是焗魚腸，然後因為看到鄰桌的一碟煎肉餅很吸引，便點了煎鹹魚肉餅，最後是蝦肉釀豆腐。先來的是鹹魚肉餅。鹹魚肉餅煎得香脆，肉餅鬆軟不乾，不算鹹，帶淡淡的鹹魚味，有馬碲碎在內增加口感，不過若鹹魚味多點兒就更好了。然後是主角焗魚腸。果然不負眾望，魚腸新鮮，焗魚腸的面頭很脆，配上雞蛋的濕潤軟滑，很好食！能夠做到脆面，但雞蛋的部份又沒有蒸得太老，實在難得，試過很多間食店都沒有這個水準呢！反之蝦肉釀豆腐就平平無奇了。蝦肉彈牙，味道與蝦餃無異，豆腐很滑，但缺乏豆味，與蝦肉不是很相襯。

早日聽聞容記小菜王好食~ 所以星期一就打電話去訂左兩張大枱星期五食~ 服務員非常周到地提我要預留某些小菜，因為會售罄。於是我就訂左燒肉，雞，魚腸同鐵板茄子，每樣一枱。到左星期五，好彩訂左枱同留起左D小菜，因為食食下個時都聽到D侍應講話咩咩咩冇哂.......我地一行二十一人叫左每枱差唔多十個小菜，包括:1. 燒肉 <===== 好鬆脫，一D肥膩既感覺都冇2. 浸雞 <===== 好滑，又大隻~~~3. 焗魚腸 <=== 呢個OK~ 我平時唔會食呢個菜都覺得OK~4. 鐵板茄子 <==== 一般~ 唔係話特別好食，不過幾得意，睇住個WAITER 開~5. 椒盬九肚 <===== 我至愛既九肚魚，唔知係我情有獨鍾定點，堅好食!!!!!!!! 不過太少一碟6. 椒盬墨角咀<==== 一般，有D唔係我EXPECT既口感~有D唔夠彈牙7. 清蒸斑頭腩 <==== 新鮮，不過冇咩特別~ 8. 肉丁豆腐 <=== 送飯一流!!!!!!9. 清炒豆苗 <==== UNEXPECTEDLY好！10. 蒜蓉蒜開邊蝦　<===都