甜蜜蜜甜品專門店 (已結業)

在韓半島吃完晚飯，緊接到甜蜜蜜食甜品，一入甜品舖已聞到榴槤味，應該好多人叫榴槤甜品。餐牌上的甜品全部都好吸引，結果我和朋友二人點了三個甜品1. 榴槤忘返: 我不吃榴槤，這個是朋友叫的，有芒果粒、椰果、榴槤肉、海藻珠，雪糕球亦混入榴槤肉，她說口感豐富，好吃。2. 面面俱圓: 以椰皇盛載，椰汁內有小丸子、海底椰、湯丸和紫蕃薯丸，椰汁略為過甜，不過餡料豐富，而且比例剛好，暖暖地，好好吃。3. 焗黑白朱古力梳乎里: 熱朱古力梳乎里大家都想像到，餐牌上寫著伴凍白朱古力榛子味梳乎里就令人好奇，上枱發覺其實是雪糕，熱的朱古力味濃郁，凍的淋上朱古力醬亦好好吃，而且朱古力醬份量不少呢。吃完甜品，覺得好飽和好滿足

忙碌工作過後，係時候食甜品補充一下能量！呢間甜品一向出名，晚市超多人，所以今次下午茶時段黎冇甘多人，可以坐耐D~今次想食得簡簡單單，唔太膩既甜品，所以叫左個焗黑白朱古力梳乎里。有主角梳乎里，配朱古力榛子醬同白朱古力雪糕。個梳乎里漲到好高呀！！！ 熱辣辣，表面有黑朱古力粒，裡面好軟熟。本身梳乎里味道比較清，加左朱古力榛子醬後變得較濃郁。白朱古力雪糕幾滑，有榛子粒，口感不錯。整體來說，簡簡單單，輕盈唔heavy！ 

同兩位師姐食完一頓抵食又美味o既京滬點心做晚餐，大家仍有感意猶未盡，結果就行咗去厚福街度搵甜品食 。路經「甜蜜蜜甜品專門店」時，先翻閱過餐牌，覺得啲甜點都幾吸引，見店內又有張四人枱正向我地招手，所以就即管睇吓佢有幾甜蜜蜜。小店間隔跟一般糖水舖無異，地方企理，服務生都好好客。三人先各自挑選心頭好，兩位師姐明顯都係芒果迷。小肥就點咗個「焗黑白朱古力梳乎里」；落單時，姐姐仔已講明焗製梳乎里需要大概十五分鐘。焗黑白朱古力梳乎里（$48）：甜品內含兩個梳乎里，分別為相片中右手邊o既「熱食黑朱古力味梳乎里」及左手邊o既「凍食白朱古力榛子味梳乎里」。另跟朱古力醬一小碟。傳統熱食o既「黑朱古力梳乎里」鬆軟輕巧，微甜芳香，中間加插咗啲朱古力碎又能增添脆脆o既口感，實在美妙 。餐牌上所指o既「凍食白朱古力榛子味梳乎里」其實並非「梳乎里」也，點睇點食都只可以話佢係一球勁甜o既白朱古力味雪糕，質感粗嚡，一啲都唔「梳乎」囉 ，直令甜品有重畫蛇添足o既反效。

9:30PM 食個飯後甜品, 可能時間還早, 不用等位就可以入座. 但過5分鐘後就開始好多人等位. 雖然多人, 座位唔算迫. 不過一食完就會收哂D野, 要你走, 都預左既.甜品種類算多, 而且有特別的西式甜品. 我們揀了好耐, 就決定試 炸香芒春卷配芒果沙巴翁, 焗黑白朱古力梳乎里. - 炸香芒春卷配芒果沙巴翁 : 一碟四件既香芒春卷, 芒果好香甜, 春卷雖然唔夠熱, 但仍然脆口, 而且唔油膩. 配芒果沙巴翁汁好好味好夾. - 焗黑白朱古力梳乎里 : 梳乎里熱辣辣出哂煙, 輕盈好味, 食哂都唔覺飽. 梳乎里上有黑朱古力粒粒, 但味道不夠特出, 淋上朱古力汁後味道才濃郁點. 配白朱古力雪糕, 雪糕內有粒粒白朱古力, 增加味道同咬口, 一冷一熱, 感覺很好. 整體滿意, 下次要試埋焗冰火木糠布甸.

1. 焦糖焗旦布丁伴脆皮雪糕: 第一次食焗旦被問要凍定熱，一路覺得呢款甜品係熱食，點知嚟到先發現平時食開嘅係凍食c。熱食新口味，比凍食甜D。 脆皮雪糕好似食脆皮咁，個個爭住食。呢款甜品推介!2. 焗黑白朱古力梳乎里: 冇預期中咁好食，配嘅雪糕又怪怪，覺得一般。