炊豕店 (加路連山道) (已結業)

平時出去銅鑼灣食個晏晝冇$100我諗都落唔到樓啦 但係其實銅鑼灣有條街雖然偏僻咗啲但係都幾多平架同抵食嘅嘢食今次就試咗呢間都聽幾多朋友食過嘅炊豚屋 入到去第一眼我覺得呢度嘅飯好似有啲貴 一個蔥油豬扒飯都要$65 同朋友嚟到呢度分別叫咗一個蔥油豬扒飯$65嚟到之後我終於明點解佢值呢個價錢 65蚊真係俾返個價錢嘅份量 呢碗飯嘅份量我諗兩個女仔食都會飽 喺銅鑼灣來講呢個價錢食到咁飽性價比超級高！ 食落去豉油同埋蔥油嘅配搭加埋嗰舊炸到脆嘅豬扒 一咬落去好滿足😭跟住我哋叫咗一個炸雞翼$28 share食落去味道唔錯外面炸得幾脆跟住就到呢度嘅煎蛋焗豬扒飯啦$80 $80 1個飯 可能大家會覺得有啲唔值 但係佢呢度嘅飯同埋豬扒嘅份量係真係出面嘅1.5倍 雖然價錢貴左少少但係喺銅鑼灣食到呢個價錢呢個份量嘅嘢食我諗其實性價比都算幾高了總括嚟講如果大家去開銅鑼灣又唔想捱貴餐廳 都可以嚟呢度試吓幾十蚊都可以買到一個滿足 扺呀！

同波友們係跑馬地friendly⚽ gather 前，係大球場附近🍴再次來訪炊豕，今日係4點半既 luner (lunch+dinner) 既時間，都係全店滿，要等一等先有位😮炊豕店係銅鑼灣外圍🏬，名店丹麥轉角，舖仔大概有20至30個位，有高枱bar位，始終係旺區，枱同枱之間都係比較密😓點餐用餐紙，豬🐽🐷🐖全部都係豬，另外有啲小食，印象中佢間唔時都搞啲限定飯，今日揀咗秘制豬扒飯（咖哩汁）同埋煎蛋焗豬扒飯，另外加多個辣味海蜇咖哩豬🍛細心咁將咖哩汁同豬飯🍚分開想，可以比你慢慢欣賞塊厚切🐷扒炸得幾咁通透，幾咁靚仔💋 佢個脆醬做到唔厚，好似啲compression gear咁貼住塊豬扒，但同時扒入面唔油膩😎😎，只係有肉汁，應該係要高溫油快速炸先做到👍👍 飯身估佢用上日式珍珠米，黏度啱啱好，可以比啲咖哩汁穿透米同米之間既罅隙🌋至於焗豬，由於要焗，炊豕店係要四點後先供應🤔可能午市人流要快 等咗15分鐘左右上台😑 大盤承住焗盤，驚你盪手💝 半生熟煎蛋放係焗🐖飯面浪下浪下又唔爆，真係要煎得好用心💓 蕃茄比足料加埋應該有大半隻，而就番要焗熟，個豬扒就無咁厚身，但都係入味👍 可能食慣大家樂焗豬，對佢個隻茄

由一開始係禮頓道時期,就已經開始支持炊豕店炊(吹):煮飯豕(始):豬顧名思義,炊豕店係一間整豬扒既專門店再準確啲黎講,係炸豬扒專門店睇返菜單,除左豬扒,仲有其他選擇既不過我每次都會叫豬扒飯通常都係叫肉燥個款,但有時都會試下其他尤其是係佢周不時都會推出期間限定既口味早前係慕油豬扒,而依家最新既係避風塘豬扒見到有避風塘口味咁特別,今次一於就試下你啦避風塘豬扒 $58一黎到見到,個賣相已經嬴哂味道亦都係一流,見到啲紅椒已經知道會辣辣地加上上面一粒粒既配料,真係好惹味另外有好多好多紅洋蔥調返少少味(紅洋蔥係有啲清甜味,咬落都係爽口啲既)至於主角,即係塊豬扒,水準同以往一樣外面塊皮炸得又薄又脆,入面啲肉半肥半瘦,仲有啲汁濟出黎每一啖咬落去都好滿足而且塊豬扒又大塊又厚,好大方,每次都會食到好飽五十幾蚊可以食到啲咁有質素又有份量既飯,真係夫復何求正當我苦惱緊點樣入手/入口好,因為面頭舖滿豬扒,好難撥開食飯店員即刻主動比多左個碗我裝,夠細心,,抵讚可能大家都已經發現隻滑蛋事緣係我係吧枱見到師父整叉粒豆角蔥花炒滑蛋飯個滑蛋水汪汪,好吸引所以加料配返個炒滑蛋啦 (+$10)下次可能會正式試下佢個叉粒豆角蔥

呢排每個月都會去cwb上朋友屋企玩，今日佢地話屋企附近有間專食炸豬扒既餐廳，咁就買啲拎返去試下啦~招牌一個堂食同外賣都係同一張menu 何謂沖繩豬軟骨？其實真係唔知，可能啲豬係黎自果邊掛。肉質幾淋，但相當咸，食完真係要飲返多啲水😗值80蚊既焗豬味道會係點？結論係除左塊蛋煮得恰到好處外，其他都係平平無奇，似食緊大家樂焗豬喎老友落左椒鹽都幾難唔好食講下個雞翼。辣味唔重，唔食得辣既人我覺得都可以淺嚐下全晚重點！見到極大塊既豬扒真係滿心歡喜，咬落啖啖肉，肉汁都算多，炸豬扒既同時要鎖住肉汁的確唔易啊。配埋咖哩汁送飯一流！食左咁多野，大家都見飽喇🤤睇下下次會唔會再encore lah!