回味工房

营业中

休息中

因為先前的工作，在中環附近一條食街有印象，翻查後原來叫機利文新街，這條食街充斥著許多白領朋友前來吃飯，我剛巧遇著人數最多的午飯時間，前來探路，最後選定這間似乎主打叻沙的新加坡菜餐廳。本來我也在叻沙的各種款式中猶豫不決，直至看到（煙三文魚蕃茄墨魚麵），心裡立刻說，今天是要這款了。入座後，鄰座OL們清一色吃叻沙，好吸引，特別是油麵叻沙，看了就口水直流，希望我要的墨魚麵也不遜色。煙三文魚蕃茄墨魚麵（＄７６）配熱奶茶：來了，聽到吃叻沙的鄰座OL們馬上竊竊私語：（哇果個墨魚麵幾靚喎！），我也表示同感。大塊煙三文魚配上切片芝士碎及疑似芝麻菜苗作點綴，雖然吃到一小部份冷冰冰的，可是好味墨魚麵是墨魚＂汁＂麵，我以為是真的用墨魚打出來的麵條，直到我剛翻查英文，寫道Squid Ink Pasta，好吧。但精彩地方在墨魚麵的配料：蕃茄混合芝士的醬汁及洋蔥。初時以為為何蕃茄醬是這種橙色，直至試味時，有種酷似千島醬加芝士混合的醬汁味道，配合洋蔥香味，我覺得可以配兩份麵來吃，實在十分滋味

是日見工時間完全OVERRUN原本約了朋友LUNCH也放飛機了去到勝香園發現要18號才開門大概是放最長農曆新年的食肆自己一條獨丁随便覓食，便走進這小巷的小餐廳蘑菇餐湯沒想過蘑菇湯如此足料，每啖都食到大量蘑菇蓉是有誠意的蘑菇餐湯煙三文魚蕃茄墨魚麵 $75醬汁味道有點似千島醬，但更香更濃味墨魚麵沒有很香的墨汁味，軟硬度一般，沒有AL DENTE的口感但煙三文魚的份量不少，而且也有不少三色椒絲和洋蔥，用料份量真是不手軟總括而言，味道未算很出色，但也是有誠意的意粉份量頗細份，但由於醬汁很濃，食完小小一份已有飽感和膩感服務方面，雖然侍應外表和行為是MK的感覺沒想過對食客是彬彬有禮，的確人不可貌相CP值不算高，但LUNCH沒有IDEA的話可一試

已經第n次寫呢度既食評啦，成日都心思思想黎食意粉，佢既味道真係好有特色，比出面食既一般醬汁高幾班煙三文魚蕃茄墨魚麵 $69我本來唔愛食墨魚麵，甚至有少少抗拒，覺得墨魚汁既味道唔係我杯茶。直到有一次朋友極力推薦，佢一放啖麵條入口就瞇起雙眼～之後好幸福咁講：好好味阿～～我見到咁既情況，當然要一試究竟！果然真係好好味醬汁好濃郁，有少少黏黏又實在既感覺，類似海膽果種黏在舌頭既質感。食得出有少少黑醋，其餘既就只能用「好味」黎形容。立即覺得平時食既蕃茄意大利麵都太膚淺了～呢個味道豐富好多。麵條al dente，係我愛既軟硬度。煙三文魚雖然簿但唔腥，都OK既。我食既時候都猶豫好唔好再寫食評，因為我怕之後會越黎越多人等位呀

今日係半個月內第二次黎幫襯呢間誠意十足既小店啦！雖然佢外貌唔起眼，但就正正因為外表既反差所以食物令人咁喜出望外第一個驚喜餐湯並唔係水汪汪既hea餐湯，一上枱～哇～好真材實料，飲落真係每一啖都有蘑菇茸咖蘑菇切細粒好有咬口，忌廉唔會太傑身或太濟，令人忍唔住飲完一啖接一啖。跟餐既餐湯都咁有誠意，推薦！主菜黎啦～我今日點既係煙三文魚蕃茄墨魚麵，三文魚有一片舖面，配菜有青椒黃椒。蕃茄醬三個字形容：好，香，濃。我好努力咁嘗試佢落左啲咩調味料，可惜功力未夠深厚講唔出有幾好食，但食食吓發現有幾片basil葉，咁其中一樣用黎提味既材料就有basil啦～原來佢同蕃茄真係好夾呀。墨魚麵就比較硬身既，係al dente口感～黑色既麵再配埋三文魚同蕃茄，個賣相幾型wo午市餐牌(意粉果頁)