影片
更多
2021-06-09
209 浏览
呢晚同朋友簡單食個生日飯🎂，佢住灣仔，唔想去咁遠，就近近哋喺利東街搵嘢食。我哋揀咗「Crêpe Delicious (Urban Cafe)」，皆因可以喺度食埋甜品。餐廳原來有兩層，下層係入口，座位連廚房，上層就只得座位。我哋坐上層卡位，餐枱寬敞，坐得舒服。再者，環境裝修亦幾靚，燈光明亮✨。呢度雖然係可麗餅專門店🇫🇷，不過所提供嘅食物種類遠比想像中多，包括鹹/甜可麗餅、小食、沙律、意粉、意大利飯、酥皮薄餅、漢堡包、魚同肉扒等，其實即係普通西餐廳有嘅佢都有🤣。食物定價合理，平均百頭就有一份主菜，不過如果可以以優惠價加配飲品或甜品就更好。餐廳現時做緊鴨胸系列嘅期間限定推廣🦆，聽落好似幾正喎😎！而且我又好鍾意食鴨胸，貪佢啖啖肉得來又夠鹹香。煙燻鴨胸鹹可麗餅Smoky Duck Savoury Crepe ($118)，佢係我食過最好食嘅鹹味法式薄餅🤤，完勝另外幾間對手。首先，可麗餅好大件，咁樣先放得落啲餡料㗎嘛。第二，食物熱辣辣送上，餅皮能夠保持軟熟🔥。最後，餡料非常豐富，有大件煙鴨胸片、牛油生菜、蕃茄🍅、紫洋蔥、意大利青瓜🥒、乾蕃茄、莫札芝士、忌廉芝士以及乾蕃茄蛋黃醬等。全部料我都啱食，成
呢晚同朋友簡單食個生日飯🎂，佢住灣仔，唔想去咁遠，就近近哋喺利東街搵嘢食。我哋揀咗「Crêpe Delicious (Urban Cafe)」，皆因可以喺度食埋甜品。
餐廳原來有兩層，下層係入口，座位連廚房，上層就只得座位。我哋坐上層卡位，餐枱寬敞，坐得舒服。再者，環境裝修亦幾靚，燈光明亮✨。
呢度雖然係可麗餅專門店🇫🇷，不過所提供嘅食物種類遠比想像中多，包括鹹/甜可麗餅、小食、沙律、意粉、意大利飯、酥皮薄餅、漢堡包、魚同肉扒等，其實即係普通西餐廳有嘅佢都有🤣。食物定價合理，平均百頭就有一份主菜，不過如果可以以優惠價加配飲品或甜品就更好。
餐廳現時做緊鴨胸系列嘅期間限定推廣🦆，聽落好似幾正喎😎！而且我又好鍾意食鴨胸，貪佢啖啖肉得來又夠鹹香。
煙燻鴨胸鹹可麗餅
$118
16 浏览
0 赞好
0 留言
最後，餡料非常豐富，有大件煙鴨胸片、牛油生菜、蕃茄🍅、紫洋蔥、意大利青瓜🥒、乾蕃茄、莫札芝士、忌廉芝士以及乾蕃茄蛋黃醬等。全部料我都啱食，成個組合好夾，口感亦滿有層次。芝士同蛋黃醬就係惹味嘅關鍵。
京式烤鴨薄餅
$108
9 浏览
0 赞好
0 留言
薄餅唔係平日連鎖店食到嗰啲🍕，因為佢係酥皮薄餅嚟。就咁睇會覺得份量唔係好多，長方形分成四片而已，不過酥皮非常鬆化，仲好重牛油味🧈，超香，食落易飽肚。薄餅同樣配上芝士，但有少許分別，因為採用車打芝士能令鹹味更強。
甜品方面，本身想試佢個拿破崙，但食完主菜已經飽咗九成，所以我哋要咗較輕量嘅甜品：意式奶凍Panna Cotta ($48)以及雪糕球。🍮奶凍質感幼滑偏結實，奶味好出，是日口味係配上士多啤梨🍓，整體都OK。
意式雪糕Gelato，$38一球Scoop，多一球就比多$10。雪糕/雪葩有多款口味任君選擇🍨，店員叫我哋慢慢試完味先揀。我要咗一球綠茶Green Tea，佢並唔係日式回甘嗰隻🍵，味道較清淡，但勝在低脂低卡路里，唔會太甜。
飲品方面，我哋分別要咗熱情果梳打Passion Fruit Soda ($38)同埋熱朱古力咖啡Mocha ($35)。梳打唔似加咗熱情果，剩係得檸檬咁🍋，但飲落發現係有嘅，亦難得唔會太酸。朋友就話佢嗰杯都唔錯，甜甜哋易入口，又夠香☕️。
題外話，短髮女店員嘅表現值得嘉許！服務無得彈，態度誠懇有禮，主動介紹菜式，仲好熟悉餐牌內容👍。佢比起其他所謂高級餐廳嘅職員更專業，絕對係餐廳寶貴嘅人材。同時，餐廳衛生意識高，準備收舖時，店員會逐個餐牌抹乾淨。
總括嚟講，呢餐令我哋喜出望外，開初幫襯純粹因為佢個地理位置🙈。其實我知道佢係過江龍店，但有時呢類餐廳名過於實，幸好餐廳嘅食物質素令人滿意，好好味😋。我一定會再次幫襯哦，推介🌟！最後，我上載埋餐廳嘅完整餐牌以供參考🙏🏻。
张贴
