拉麵來 (已搬遷) 新店位置

呢間拉麵來我想試好耐㗎啦，但晚市成日都好多人排隊，今日過咗食晏時間經過呢度見唔使等，即刻同朋友衝入嚟食個正宗拉麵。入面嘅裝修用上日式懷舊玩具店嘅佈置，仲掛上咗好多小玩具，好有心思。呢度嘅餐牌好繽紛，圖文並茂，而佢嘅圖並唔係實物照而係畫出嚟，真係好吸睛啊！我揀咗呢個黑蒜油豬骨湯麵，佢係可以揀拉麵嘅軟硬度、湯嘅濃度、蔥、蒜、香油嘅份量，非常好！冇牙嘅我就揀咗拉麵要煮林啲，即刻啱晒我口味，豬骨湯香濃但唔會過鹹，所以我每一啖拉麵都會夾雜着少少湯一齊放入口，叉燒肉質都非常嫩滑，所以成碗拉麵我食到見到碗底朋友就叫咗呢個溫泉蛋拌麵，其實佢係有少量嘅蒜味雞湯喺底，再奉上芝麻醬、芝士粉、七味粉等任你自己調味，再配埋溫泉蛋嘅蛋汁，呢個喺出面嘅拉麵店比較少見到，好味得嚟又特別！因為我同朋友連早餐都未食，好鬼肚餓，所以叫咗幾款小食乜都試吓。先來個墨魚咀，估唔到呢個價錢會有咁多粒，分量十足！見到有個特別推介嘅雞皮春卷，聽個名都知幾咁邪惡，不過我哋真係冇有怕，一於試吓😆其實佢嘅雞皮已經焗到脆卜卜，所以食落唔覺得有多餘油脂章魚小丸子好大粒，入面都有好大粒章魚，配埋佢嘅醬汁真係好好味叫咗咁多煎炸嘢都要食返個沙律菜平衡

今次同朋友去開旺角，興起想食拉麵，朋友介紹附近呢間拉麵店拉麵不錯，裝修別具一格，所以今次就黎試下先～內在環境有濃濃日本復古風，木製裝修設計：木枱、木椅、木板牆等等，牆上更貼有懷舊日本海報。拉麵名好特別，用金、木、水、火、土命名~ 土有細分 1, 2, 3, 4~叫左個土3，即係熊本黑蒜油豚骨湯麵～豬骨湯底揀左普通，都已經幾濃厚！ 配搭自家製黑蒜油令湯底更香！拉麵麵條煙韌彈牙~ 叉燒肥瘦適中，加左黑椒烤過，更香口！整體來說值得一試！

旺角有好幾間出名的拉麵店，「拉麵來」係其中一間，亦都係我幾 like 的一間。可能因為位置較遠離旺角的中心，次次都係 walk in 直入，今次都唔例外。一坐低，落 order，上拉麵，前後唔駛 5 分鐘，非常抵讚。(有次去某連鎖拉麵店，等左成二十分鐘！！！)我今次揀左「熊本黑蒜油豚骨湯麵」，麵既軟硬度係硬。拉麵個湯底加了黑蒜油，好似無乜化學作用咁，唔多夠香。麵質幾好，特別係我喜歡硬麵，完全做到我的要求。叉燒就肥瘦適中，得兩塊唔多夠喉。另外要彈就係份量太小(不是一般的小)，唔「替玉」的話，男人食係唔夠飽。

星期五晚一定要出去食返餐好既! 今晚朋友話想試拉麵來，所以我地打完羽毛球就搭的士黎到黑布街試喇! 等左無幾耐就已經有位，店子裝修為日本懷舊風，鋪面較細，坐位亦相對地逼狹，仲需要搭枱，坐得不太舒服。食物方面，有金、木、水、火、土選擇，既然係第一次試黎，所以揀左最基本既金，即係原味豚骨湯麵，第一啖當然要飲湯，豬骨味香濃但絕不感覺油膩，唔會見到湯上有層油，湯底唔太咸，差唔多飲左大半碗湯都唔覺得口渴。而揀左普通硬度既麵條煮得剛剛好，唔會太硬太稔，不過相比朋友既土3 - 即係熊本黑醬油豚骨湯麵，少左一份香甜味。坐我地隔離既一位女士叫左土1 - 極上海老吟釀湯麵，一放低喺枱上，香氣泗溢，非常吸引，下次一定要試試! 總括而言，旺角區終於開返間水準唔錯既拉麵店喇! 

朋友告訴我旺角開了分店，於是帶我去一試。這兒的裝修非常特別，是懷舊風的日式裝潢，放置很多童年的玩具，很有心思，而且環境比其他拉麵店寬敞，環境不錯。餐牌上有金木水火土，共4款，我點了土3 - 熊本黑蒜油豚骨湯麵，朋友的是溫泉玉子雞汁拌麵。熊本黑蒜油豚骨湯麵拉麵上效滿大量香蒜，豬骨湯味及黑蒜味配搭得很好，湯底入口果然濃郁，很夠味道，我幾乎喝盡整碗湯，而且沒有口渴的感覺，不錯。麵質彈牙，夠韌性，掛湯能力不錯，叉燒甘香，用了半肥瘦的部份，不過肉味不算濃厚。整體感覺不錯，而且不用排隊，下次會再試其他拉麵。看到了店內懷舊風的日式裝潢就想了孫耀威的一首歌 :「不捨得只不過為懷舊　若擁抱你如同木偶感官早打回頭　已經失救　需要得救」有時大家並不是真的不如自己想像中喜歡舊有的事物，只是人大了，不捨得忘記過去的回憶，唯有不停回憶，希望把感覺留在腦海中。說到這裡，發現也很久沒有聽過孫耀威的歌聲了。