大同韓燒 (已結業)

一話出寒冷天氣警告，大家就可能會想起火鍋、羊腩煲、BBQ、串燒、烤魚、雞煲等等....不知你想起那樣呢？我就多數想起火鍋，而友人就想起韓燒，仲約我今晚一起去燒一燒。單看餐廳的門面就知地方挺闊落，大大個店字招牌高高鑲在門口正中，好搶眼。內裏裝橫平實，設有一排排闊落的卡座和多張四至六人，適合大夥兒圍住燒，高興！枱與枱之間有一定距離，出入自助區好方便。***************************未開爐之前先準備冰凍的飲品。兩大座飲品櫃放滿罐裝飲品、紙包飲品、啤酒和一些需自費的酒精飲品，另外還有水、菊花茶和自家製梅酒。食燒烤最好配酒，見到一桶一桶的自家製梅酒好吸引，一於要兩杯盡慶一下。梅酒（$28）入口冰涼透心，真係降火好幫手。梅香和酒香並存，不太甜不太烈，仲有粒滿有酒香的原粒梅子，又飲得又食得，很喜歡！***************************任飲任食（$168），先食啲熟食醫醫肚，選擇不少，有溫泉蛋、沙律菜、雞腳、雞翼、粟米、餃子、韓式薯仔、豆卜、咖哩魚蛋、青瓜螺肉、白菜仔、大豆芽、醃青瓜、芽菜、中華沙律、醃白蘿蔔、菠菜、泡菜、壽司卷、蟹柳粟米玉子燒和枝豆。第一碟揀了

好多人去韓燒會怕只係食燒野好熱氣而卻步，今次同住係大角咀既fd黎到呢間大同韓燒，發覺原來韓燒唔一定只係得燒野食。黎到門口見到餐廳好大，入面既位置都好闊落。一坐低就食得喇，然後一出去簡野食就發覺呢度既款式真係超多，本來想每個區都試少少唔同既，發覺一次係食唔晒咁多款架！首先有熟食區、呢度同時都係生果區，最有印象係個橙切得好靚，平時好少食橙既我企左一陣諗拎唔拎個黎食好，哈哈。另外見到蟹柳玉子，就二話不說夾落碟喇，夾完先醒起，係喎我黎韓燒，點解忍唔住就夾左熟食呢？跟住就一不小心比呢度既甜品區吸引左，又忍唔住拎左杯黎食，係返返座位期間仲發現有雪糕區！最後我就夾左熟食先架。當然仲有芒果布甸，呢個我最後食左兩杯，因為真係好唔錯。出去再去一去醬料區，可以自由配搭。口渴有飲品區，除左有涼茶之外，仲有紙包、罐裝飲品。最特別係居然有熱湯！！而友人就拎左肉類，咁就可以一路食熟食，一路燒住肉等食喇。有好細心切開左一半既雞翼、牛仔骨，之後仲慢慢有落唔同既肉類。因為呢度可以叫三文魚刺身，所以我地就order左一份，有4塊厚切既三文魚。而我平時鐘意食炙燒三文魚，所以將佢放左落韓燒板燒兩燒，三文魚魚油好豐富，所以半熟既

星期六夜晚去食，九點鐘入座，唔算多人。餐廳地方都幾大，環境舒適闊落，我地一行四個人，佢俾咗張六至八人既枱俾我地所以都坐得知幾舒服。野食方面都冇咩特別，平時韓燒會食到既豬頸肉，牛，雞肉，豬扒，都有帶子，多春魚，魷魚等等既平價海鮮。熟食方面有泡菜，淹蘿蔔，青瓜，餃子，雞翼等等。有地道紙包飲品同埋糯米糍。佢個爐會俾塊隔油紙你，等你唔洗成日換爐。佢地服務都算幾好，個老闆（應該係）會行過黎問我地要唔要蜜糖芥末豆腐同玉子燒，同埋會成日黎收碟。個蜜糖芥末豆腐就麻麻地，其實只係好普通既係豆腐上面淋啲蜜糖芥末醬，反而個玉子燒就唔錯，但入面有我唔鐘意食既豌豆.......其他肉其實就都係普通平價貨色，三文魚都食得出唔係新鮮，麻麻地。但以呢個價錢算係okay啦。