樓下冰室 (已結業)

見到好多人推介依間餐廳嘅瑞士汁雞髀或者瑞士汁雞翼，今日去開荃灣，所以過嚟依度試一試。我哋到嘅時候大約六點，好驚訝仲見到會有下午茶餐！下午茶餐去到6:30。我哋叫咗兩份茶餐，加通粉及小食，作為今日嘅晚餐😊呢個阿華田爆脆係喺凍阿華田上邊加阿華田粉，飲落去嘅時候阿華田粉趣卜卜的。都幾得意，香濃好飲。熱飲奶茶個茶杯好靚😊餡料豐富！個包塗上牛油好香，仲脆脆地，豬扒都幾大塊，配合蛋、生菜絲及沙律醬一齊食好好味！湯底好濃郁！喜歡佢地仲有蕃茄粒粒！每當食茄湯粉我喜歡配通粉，通粉更吸湯汁，食落去更好味。啲瑞士汁好濃郁香甜！同其他茶餐廳嘅好唔同！甜得來有蜜汁味，小朋友及女孩子應該特別喜愛！雞髀比我想像中嘅大隻，一口咬落去雞皮連雞肉配合瑞士汁好好味！唔怪得知咁多人讚。下次嚟食要試埋佢嘅瑞士雞翼！香腸外皮煎得好香，腸有唔同口味，係一個好好味嘅小食！我鍾意配合埋番茄通粉食😊滿足的一餐😊

如上一篇王牌冰室食評所言,噚日(1-1-2020 Wed) 食完後好快覺得唔夠,同老公邊行邊搵嘢食,想食脆口嘢如斑戟,但應該要去到咖啡灣咁遠,咁雞蛋仔,格仔餅呢?又太大件,老公幫唔得多.咁西多士啦,就要去茶餐廳,我哋嚟到啱啱好都有位,坐低後,我都係決定要$22.00嘅紅豆冰,老公要$26.00嘅菠蘿油茶餐,飲熱奶茶.熱奶茶到嚟,大大杯,飲吓先,口感滑但有少少澀.味道:2.8分我杯紅豆冰到嚟, 紅豆係腍晒,成杯嘢唔太甜,亦感覺唔heavy,冇細個飲時嘅飽肚感覺.味道:2.8分菠蘿油,係烘返熱嘅,牛油好夠,外面脆又甜甜地,OK嘅. 味道:5分服務:有禮貌唔錯.上次嚟呢間已經係3年前嘅事(嗰個食評: https://www.openrice.com/zh/hongkong/review/%E5%A5%BD%E8%80%90%E5%86%87o%E9%BB%8E-e2723941)

假日和朋友來荃灣，到處都是人，沒想到荃灣有那麼多餐廳，竟然全都滿座！最後朋友推薦一間蕃茄湯不錯的餐廳，反正要等位，一於試試朋友的推薦。店外滿滿都是等位的人呢！店員很會安排座位，會盡量安排到不用搭枱。店內的空間稍為擠迫，要小心不要太大動作，會碰到走廊路過的店員。店內的裝飾都很有本土風味。店員會把一個疑似牙醫用的潄口杯（誤）拿給你洗餐具。煎蛋免治牛肉飯（午餐M）$45，點餐時本來是衝著煎蛋而來的，餐牌上的蛋看起來很好吃，很多蛋汁。但是這個飯來到的時候，蛋熟了一點點，有點失望，幸好還有一些蛋汁。醬汁味道偏鹹，要混和蛋汁才覺得剛剛好。友人點了素菜茄湯通粉$42，讚茄湯味道夠濃，炒蛋很滑。友人喝了熱奶茶覺得還好，只是杯有點黏手，覺得洗乾淨一點會更好～最後附上Menu～

難得星期日有得瞓耐少少，一起身就已經成點鐘，唯有出荃灣食個下午茶。講到荃灣覓食嘅好地方，唔使問都知道，一定係路德圍。喺路德圍兜左個圈，發現呢間餐廳有好多人排隊，心諗咁多人排都應該唔會太伏，於是就等左一陣位。 入到去被安排坐卡位，比一般茶餐廳舒服，樓底算高，夠光猛又夠冷氣！  蕃茄濃湯通粉配牛乳炒蛋 $48。雖然下午餐時段有$42嘅茄牛通，但係被吉列豬扒同招牌瑞士雞脾吸引著，於是選擇一個貴啲啲嘅套餐。首先講下個蕃茄濃湯，蕃茄味係濃，不過係茄膏味濃多d，感覺好人工，無左蕃茄嘅鮮味。通粉就不過不失，唔會太淋或太硬；如果選用老麥的凹凸紋通粉，口感會更佳。牛乳炒蛋香、滑、嫩，但食唔出有香濃嘅牛奶味。 吉列豬扒。呢到嘅吉列豬扒係原塊上，所以可以肯定佢無偷工減料。豬扒炸得香脆，不過覺得麵包糠落得有啲多；豬扒口感尚算鬆化。味道方面有點淡，而且偏乾，要靠沙律醬搭救。 招牌瑞士雞脾。話明係樓下冰室嘅招牌，又點可以唔食佢嘅瑞士雞脾呢？果然，呢到嘅瑞士雞脾無令我失望！雞脾size算大，所以啖啖肉；瑞士汁好入味，但唔會過鹹或過甜，味道適中；食物溫度夠熱之餘，仲會俾多少少瑞士汁食客，方便雞肉蘸上瑞士汁。 熱奶

上次去咗一趟金記冰室懷緬一下當年今日，從住晌荃灣嘅朋友口中得知，荃灣都有一間懷舊冰室，佢話樓下冰室，我話你屋企樓下無嘢食喎 ，佢補充多句話間餐廳叫「樓下冰室」 。趁住星期六晚過嚟上堂，簡簡單單一支公嚟食個飯，嘆吓奶茶。雖然，裝修無金記咁多懷舊花巧嘢，相反，其實算幾摩登，不過，仍見唔少舊式產物，勾起少少童年回憶。雖然話懷舊，但樓下冰室喺以蕃茄為主力產品 ，佢哋有個掛牌喺講蕃茄對人體有幾好，就連個招牌都以蕃茄為圖。攤開張餐牌，有咩好食就一眼睇晒，主打就喺蕃茄濃湯通粉餐，其次，仲有多款小食及特色主食。除咗通粉餐、下午茶餐，就無乜套餐， 皆因點任何飯類，都可以以半價點飲品，變相喺一個套餐嘅選擇 。 熱奶茶 $16（配飯優惠$8） 嚟茶記或冰室嘅心水選擇，杯奶茶好有茶香，落奶嘅比例亦好啱我，只喺絲滑度未喺最好，但亦已好有水準。 焗鮮茄豬扒飯 $50 雖然佢哋嘅招牌喺鮮茄濃湯，但小弟反而好想食佢個焗豬。首先個鮮蕃茄汁底好正，茄味香濃，酸香鮮活，配合個炒飯底，淨喺茄汁撈飯都好食呀 ；豬扒雖然唔喺好似一哥嗰啲厚切，但有3塊之多，一般呎吋嘅有骨豬扒，質感好鬆軟，醃得入味 。佢哋