民華餐廳

营业中

休息中

新年營業時間今日同女朋友去shopping day先同女朋友搭MTR去咗太子食個早餐先周圍行咗一陣 最後去咗民華食啦民華餐牌就無乜點分早餐午餐晚餐嘅全日嘅餐牌都係咁嘅款咁我同女朋友就分別點咗一人一個碟頭飯嘅叉燒煎蛋飯 $55叉燒好一般下都唔算係好食少少硬蔥油豬扒煎蛋飯 $57個豬扒煎得麻麻地 比較油同埋膏位都比較多蔥油佢係分開上嘅分開巿個好處嘅自己控制到佢幾油嘅而個飯就一般般 冇乜特別兩杯茶記質素嘅餐飲總括黎講呢個價錢 對呢個質素 算係一般般啦

今日要到旺角處理銀行野，所以要找地方食下午茶。民華餐廳好多分店，抵食又美味！滿滿客人，好受歡迎的茶餐廳喔！之前黎過一次，今次又是食常餐（星期一至五有折呀，$38包餐飲又有粉麵）點了最愛常餐，轉食麵（叉燒清湯麵+火腿炒蛋多士）常餐：今日想食清清地，所以點了清湯叉燒，之前次次食通粉，今次就轉食麵，好喜歡這裡的自由度，可以不同配搭；叉燒唔肥又軟腍，麵軟硬剛剛好；更可加辣醬更野味火腿好香，配上最滑最靚的無得頂金黃炒蛋，還有好好好食的多士，今次我更加了花生醬，滿滿的花生醬塗滿多士部分，好香脆好厚身）飲品最愛是熱奶茶，好香好濃茶味又滑滑的，不用加糖已經夠哂好飲，我的最愛服務生快手快腳，友善又合拍的團隊！

終於有機會來試一次, 去到見到好多人起餐廳門口集結, 心知不妙, 人氣高就預咗要等架喇, 最驚係唔知等幾耐啫. 我唔理三七廿一, 衝埋去攞咗飛先, 行番出黎仲諗住好唔好轉地方既時候, 就叫我地個號碼, 我有啲出奇, 唔通其他人係等外賣既?! 比咗張2人枱我地, 唔使搭枱, 正! 我仲未明點解出面咁多人都唔入, 大少就話佢地應該係三個或者四個要等四人枱既, 又係喎! 總之唔使等有得入就岩晒我心水啦! 一早知喱度有咩食, 再睇下餐牌, 大少叫咗個糯米雞同牛肉球, 我就叫咗個常餐, 多士+火腿炒蛋+蕃茄牛肉通粉+熱奶茶, 兩個分別係中式同西式既食法. 多士,火腿炒蛋喱度既多士比澳洲牛奶公司細, 炒蛋相對亦較少, 炒蛋炒得雖然唔夠滑, 但亦不會鞋, 配埋多士一口咬,好好食. 蕃茄牛肉通粉通粉份量都足夠, 蕃粉湯底做得夠酸, 色水幾深, 牛肉ok, 主要都唔係食牛肉, 所以無咩要求. 糯米雞原來都幾大隻, 一隻都夠晒飽. 味道就一般, 唔夠香, 無咩荷葉味. 山竹牛肉牛肉球有三粒, 又唔係話細粒喎, 睇落就唔錯, 見到都幾淋身, 但味道無食過就唔知, 不過食點心我都係覺得要去酒樓食正宗啲!熱奶

見這麼多人說它的炒蛋好食，便來試試常餐～點了午餐肉炒蛋厚多士，鮮茄豬膶公仔麵，火腿炒蛋厚多士和鮮茄牛肉通粉。飲品要了熱奶茶。奶茶：幾滑，但略嫌沒有茶香。茶味較淡。炒蛋厚多士：多士烘得脆口，炒蛋幾滑蛋味濃好吃！鮮茄牛肉通粉：湯底很濃蕃茄，偏鹹。通粉不會過腍，但牛肉有點韌！鮮茄豬膶公仔麵：豬膶過熟，很韌不好吃！若果牛肉和豬膶好一點，整體真的不錯的！

睇見民華有很多食家寫食評, 使我也來凑熱鬧, 我一人閒日四時到, 直入之餘也見有些吉位, 由於没有下午茶餐供應, 我便選個最基本的:常餐 ($30)牛油方包+炒蛋+火腿不選多士, 除熱氣外, 是想試清楚麵包的味道, 厚厚的及軟綿綿的方包被塗上均衡的牛油, 值得一讚, 偏瘦的火腿亦少油膩. 炒蛋熱度夠, 也很香滑, 我更喜歡如果加多點油, 蛋炒至七成熟, 我又嗜咸一點, 吃了一口炒蛋後加少許食鹽, 效果更佳.我仍未拜訪澳牛, 當然不能將炒蛋作比較, 返正我記性差, 怎能記着A店的味道數天才試B店的呢.义燒通我選較淡味的义燒通而不選味濃的蕃茄或彊絲豬潤通, 因最普遍的便最難做得好.瘦义燒份量不算多, 被切成細细片, 毫不油膩, 否則湯面已成一層油, 不會感覺健康, 有點驚喜的是個偏奶白色的湯底, 引起我的興趣, 令我喝了兩口, 感到小小滑囗而不感囗渴.熱奶茶我不太懂評奶茶, 只覺ok.民華没有大平面電視, 也許生意太好不愁客路.結脤有八達通機, 真方便啊.我欣賞賣三十元料靚好味的常餐.