蘭芳園

营业中

休息中

蘭芳園香港老字號茶記唔使多講，由細食到大，今日到港島順到幫襯久違的老店，假期後上班的第一天，店舖有吉位未有人龍等位，入坐後，店舖依然老摸樣，喜歡店舖內的「好笑容、好脾氣、好運自然來」我點了煎豬扒一丁麵，豬扒奄過香口唔太咸，肉質鬆軟，湯底唔太咸濃淡適中，唔係公仔麵的味精湯，一丁麵唔使講，淥得軟硬適中我最愛蘭芳園杯奶茶，唔會太濃，淡淡的茶香，入口順滑，唔會太濃太搶喉，但喜歡濃口味的朋友可能會覺淡，但啱我口味～我沙爹牛肉煎蛋出前一丁～牛肉淋滑鮮嫩，沙爹湯底香口唔太咸濃奶油豬仔包～包比較細但鬆化香口，加上牛油煉奶是絕配，奶油朱是單點唔係跟餐，如大隻D 就好啦！仲有杯涷華田正正常常，都ok店員落單至送餐都好有禮貌，加上閒日早上9點幾人唔多，都坐得舒服～講到尾我都係喜歡蘭芳園杯「奶茶」

時間總是過得飛快，轉眼又是農曆新年了。而每年都會收到友人送贈的 AIA歐陸嘉年華VIP門票，嘉年華便成了每年農曆新年的指定活動。睡到自然醒才出門的關係，午飯就只能連午茶一併吃了，錯過了悠閒享受午飯的時光。一直知道蘭芳園的奶茶相當有名，光顧茶記也好能爭取時間入場玩樂，也就朝蘭芳園的方向直走。還以為大年初五的人潮不會比公假多，而蘭芳園門前確是少了本地客人，卻換成了一大群外地遊客。其實一度想另覓他處，但老公已一個箭步上前排着隊，幸運地不到十數分鐘便能入座，茶記就是有這點好：翻桌快，即使是人氣茶記也不例外。穿過了門前的鐵皮茶檔，進入了蘭芳園的內部，舊建築的樓梯底下顯得空間狹小，不到十張的大圓桌、小圓桌令四周更擠，而搭枱是必然的了。蘭芳園的「舊」在我眼中十分平凡，那傳統舊調在孩提時代見不少了，較有特色的就是門那鐵皮茶檔而已。光顧蘭芳園的以遊客居多，故比正常茶餐價格稍高，但難得下午茶餐只是$38，二人各一份茶餐再加多士，埋單不過百元定價不算過份。如我所料出餐極快很快便放滿了一桌了，圓桌的感覺是擠得不行，只想快快吃完結帳難開。一如所料，蘭芳園的茶記食物水準不過爾爾，又一家名氣大於質素的老店。較為像樣

我從來都有個句講個句，好食嘅要讚，真係唔好食嘅，幾馳名幾出名嘅都係假！今日同女友黎到中環扮下文青，係石板街影下相，再行過去嘉咸街睇下壁畫，行到攰攰地，趁着下午茶時段，黎到呢一間有60多年歷史嘅蘭芳園。外觀上，係間鋪嘅外面見到有個綠色帳篷，再走入去之後，係間舊式嘅茶餐廳感覺，開箱片換咗譚詠麟嘅唱片封套，一個非常懷舊嘅裝修同設計。我哋2:20左右入到去，聽佢哋講兩點半有下午茶，叫我地等多陣先至嗌，食嘅嘢差唔多，但係價錢就爭小小。比大家睇一睇餐牌先我哋兩個人叫咗一個豬扒包分其實冇乜驚喜，讚嘅係佢嘅豬扒都咬得到嘅，唔會好似其他嘅豬扒包咁硬骨骨，不過豬扒嘅size係偏細塊，加上又冇其他嘅配料，麵包嘅軟熟程度亦都麻麻地，我相信大家自己喺超級市場買返嚟整，點都會好味過佢！另外亦都叫咗一個奶油豬「香脆奶油豬仔包」餐牌上係咁寫嘅。見到佢加左一大舊又係上面， 但都唔覺好香，而煉奶嘅份量好似得個小小，相信奶油豬落嘅煉奶係好重要嘅一環。論到「脆」，我完全食唔到有脆口嘅感覺，只係硬骨骨，要好用力先可以咬得開佢。完全係失敗之作！蔥油雞扒撈丁用蔥油來撈麵係比較特別嘅諗法，除咗蔥油之外，都有見到佢落醬油既，不過就比較

早前從頭頂嘅扶手梯經過望落去，見兩個西裝友踎喺全世界限定三張嘅檔前櫈仔嘆奶茶，真係一道非常獨特嘅香港風景，賞心悅目。以為自己一世都唔會霸到嗰個好位，點知今日同馬來西亞朋友經過雖然內場爆多遊客，但嗰三張櫈仔竟然無人踎，真係唔多相信自己眼睛，心情極度興奮。朋友想入鋪坐，我堅持要踎街邊，否則同你上星期去尖咀店一樣。佢開始極錯愕，又有啲懢尬，但都俾我威迫咗。我定踎定後，慢慢融入店中成為其他觀光客嘅風景一部份。坐喺鬧市中，旁邊有車經過，在weekday人人在工作的日子悠閒地享受一杯奶茶，這就是生活!!!熱奶茶朋友就這裡比尖沙咀店好，茶味無咁澀，但我自己就有相反睇法，我自己偏好上次尖咀店那杯，可能上次無落糖，茶香奶香比較突出，兩者同樣香滑。凍奶茶同樣非常討好，香濃細滑，愛不釋手。姐姐好好禮貌，賓至如歸。

在中環返學的其中一個好處就是方便緬懷以往在中環的美食，今日一站正正是蘭芳園。早起的鳥兒有蟲吃果真沒錯，我只要等三分鐘已入得，沒想到食完一出門口已見大排長龍，蘭芳園依舊人氣鼎盛。今天，坐下想都不用想，我叫的依舊是蔥油雞扒撈丁，配熱奶茶。時間上有點失準，奶茶先到，原以為撈丁好快有得食，點知都要等一段時間，還好今天唔趕，可以慢慢嘆。蔥油雞扒撈丁炒得依舊乾身，雞扒也依舊煎得香而不肥，配少少豉油蔥油，依然令人回味。不過今天蔥油稍嫌淡味了點，要知蔥油可說是這撈丁的靈魂，不然我可能會叫心多多撈丁。熱奶茶是這裡的金漆招牌，味道依舊，但我其實不覺得這裡特別好飲，要數好飲的奶茶大有人在，但這裡唔難飲就是了。今天的蘭芳之旅，絕對滿足了我的「撈丁癮」，蘭芳園咁多年味道都無特別差到，但人心總覺得以前較好。下次再黎應該是同老婆黎的了，期待到時可以回到全盛時期的水準。

九時多，本來想去北海道牧場餐廳吃早餐，不過因為時間所以趕不到。勝香園未開，又經過很久沒去的蘭芳園，便進去吃個早餐。到了舊店，意外地不算很多人。愛吃多士的我看見有豬仔飽餐，就要了個醬占豬仔，加熱奶茶。熱奶茶是蘭芳園的招牌，質素自然有保證。第一，溫暖夠熱，證明水滾茶靚；茶色是完美的褐，不會太深或太淺；喝下去很順喉，不會苦澀或太乾身；茶味和奶味很平衡，這點明顯和瑞記的不同，那裡的較淡口和輕身，這裡的相對很實淨。醬占豬仔上桌時是燙手的熱，外皮有點燶，咬起來香脆；但飽芯軟淰又煙膩，這和勝香園的脆脆不同；前者比較陰柔，後者是率直的乾脆。裏面一面塗上花生醬，一面抹上應該是杏桃果占的東西，比其他茶餐廳用的沒那麼甜和嗆喉，味道還真不錯呢。放下十多元，繼續趕路去。

跟媽媽, 弟弟和男朋友下午茶時間, 吃的卻是午飯店很乾淨我點了蕃茄薯仔通粉, 很好味, 蕃茄湯很濃及熱奶茶另外 男朋友和弟弟點了撈丁個人覺得太鹹另外加多一個多士~多士用炭爐燒~~確是很美味~~回味和滿足的一餐