金園茶餐廳

营业中

休息中

今天經過長沙灣，辦妥自己事務後，已經是中午十二點正，剛巧見到對面街是金園茶餐廳，所以就順道到此一遊， 食番個午餐 ! 一如以往，小妹喜歡他們的茶餐，所以就點了一個金園午餐，餐單包括有火腿蛋奄列加牛油餐包，和叉燒湯意粉，當然要加埋一杯香滑熱奶茶啦! 雞蛋奄列有好多火腿，再加埋大大個鬆軟牛油餐包，真是超滿足! 至於個叉燒湯意好大碟，叉燒也很腍，味道跟以前一樣， 很有懷舊feel ! 再嘆埋杯金園熱奶茶，以現時$47價錢可以享用這個既豐富、又份量十足嘅午餐，真是非常抵食!由於食得太飽，小妹今次沒有叫蛋撻， 唯有留待下次再來幫襯過啦!!

因為最近看了一個電視節目，令我慕名而來想走去長沙灣試試這兩間歷史悠久的港式茶餐廳，分別是金園茶餐廳和新華茶餐廳。 現在首先就去試試金園茶餐廳嘅蛋撻、熱奶茶、特餐的火腿奄列和沙嗲牛肉麵先!金源茶餐廳有兩個相連舖位，我們去咗老舖， 剛啱有張卡位， 伙記姐姐好有禮貌幫我地落單；另一邊廂，就不停聽到街客叫蛋撻、及其他飽點外賣，感覺好有老香港情懷!等了一陣，我們點的食物已到! 個特餐 嘅火腿奄列加餐包，個餐包鬆軟，奄列就同一般茶餐廳沒有太大分別。個沙嗲牛肉麵就不錯，麵是用大光麵，爽口彈牙，牛肉腍，再加埋沙茶醬，好有水準，無得輸!至於個蛋撻就好新鮮，酥皮鬆化，鬆軟度恰到好處，蛋槳好有蛋味，一個字形容「正」!杯熱奶茶，本人就覺得茶底有少許澀，但整體醇道和味道也可以!食飽飽後埋單，雖價錢不算平，但價錢與味道也非常合理，值得走一倘去光顧屹立半世紀嘅香港地道茶記!

平日星期四第一次食金園，之前就聽聞佢啲蛋撻就好出色，去到晚上6:30左右就聽到已經冇得買。我今次就冇食蛋撻，食左全日早餐同午餐。👥啲姐姐態度幾好，一開始冇大位坐，坐左張細枱，之後有大枱，姐姐仲問我地洗唔洗轉張大枱，當然大枱係舒服啲👅食物質素不過不失，奶茶都幾好飲，份量都唔算細份。奄列幾好食，雖然油左少少，但都足料。環境都算幾好，起碼我地食果時有大枱，上菜速度都算快，唔洗等好耐👀二個人食左$92。晚餐來講口算貴😄

茶餐廳☕係香港嘅特色之一，老字號又好，得二、三十年歷史嘅都好，都可以代表到香港👍🏻而金園雖然只係開咗廿幾年，但有4、50年經驗嘅師傅坐鎮，水準唔會差過老舖～ 其實我係上年年尾食嘅，見呢排金園比fb關注組討論得咁熱烈，即刻搵時間寫返食評😆👆🏻金園位置唔難搵，喺長沙灣C2出口出，穿過元州商場之後，經長發街直行，到青山道轉右就到架啦！👆🏻門口貼咗部分嘅餐牌，當然都唔少得被吹捧嘅蛋撻啦～👇🏻新鮮出爐熱辣辣，不過我無試～👇🏻餐廳真係幾乾淨下！見到第二代老闆攞住地拖係咁拖😹而餐廳大部分位置都係靠牆卡位，同其他茶記一樣，啲位係比較窄身～👆🏻望落夠晒懷舊嘅餐牌(佢個餐牌同長沙灣新華嘅差唔多樣，嗰間蛋撻味道不錯，可睇食評😹)👇🏻同一般茶記一樣，有🍜湯/炒粉麵意通、包類(多士、三文治🥪、麵包🍞等)、飲品☕👇🏻亦唔少得套餐😹早餐、午餐、特餐、快餐🍴👆🏻黑椒就係金園嘅招牌😆因為呢度嘅黑椒醬係第一代老闆出去拜師學返嚟，仲自己調過味～而佢地都標榜豬肉同牛肉係用新鮮嘅！👆🏻干炒黑椒豬扒意粉🐷意粉幾乾身👍🏻由於黑椒醬同意粉一齊炒，所以意粉好入味，所以乾得黎唔dry😹而且啖啖都有黑椒嘅香味，唔太辣，食完一啖個口都仲有個