El Cerdo (大壩街) (已結業)

紀念日，男友帶左我去食呢間專食西班牙菜式既餐廳🍴地點位置都好方便，係正荃灣廣場旁邊不過餐廳位置唔算多，驚無位就最好book定位去食餐廳裝潢都幾華麗同精緻，坐得相當舒適環境相當不錯，再望望餐牌 食物價錢都唔算太貴 飲品我地兩個都叫左一模一樣既Mango Islandx2味道唔止得芒果味，仲有好香橙味同檸檬味好飲 可惜就是細杯左d前菜就叫左呢個帶子，好精緻！我地先試左個脆皮腩肉，燒得好香口，然後帶子同脆皮腩肉配埋粟米蓉呢個配搭 不得了個粟米蓉係超好食好香好甜既粟米味食完個帶子 搞到我地仲期待個西班牙炒飯比我感覺似焗飯多d，用熱盤放住保持溫度材料十足，好多青口！味道不錯，再加埋檸檬汁更好食，炒飯入面仲加埋肉碎，充滿住肉香同海鮮味既炒飯我地驚唔夠就再叫多個肉丸，不過味道普通最後係甜品，每人都叫左個西班牙焦糖燉蛋，同法式焦糖燉蛋嘅味道好似差唔多，唯一唔同嘅可能係蛋漿入面加左啲檸檬味，比我感覺似lemon tart加焦糖燉蛋味道都幾清新 可口，層焦糖燒得好脆！好味道

早排見到雜誌介紹荃灣開咗間好有特色嘅餐廳。我同好友行完荃灣廣場後就到附近覓食。 一出商埸，步行不久， 就見到那一間餐廳叫「El Cerdo」。原來餐廳有好多特色小食， Openrice裏面嘅食評亦是正面的，所以不妨一試。嘩！ 好靚，好舒服， 樓底又高，餐廳情調十足。壁畫好特別， 用金屬片砌出一隻好可愛嘅黑毛豬， 好有西班牙特色。開胃菜《鮮蕃茄蓉焗法包/ Pan Con Tomate $18》，味道酸酸甜甜， 蕃茄十分新鮮， 一個一啖， 大細剛剛好。 好味 ！《鮮蘆荀配極上黑毛豬火腿及蛋 /Asparagus, Egg & Jamon $62》用咗翠綠爽口嘅蘆筍苗， 煎香咗嘅火腿， 火腿鹹鹹地配上淸甜嘅蘆筍， 味道好夾， 最好味就係隻半生熟蛋， 蛋白香滑， 流心蛋黃， 沾上蛋黃醬， 味道增加不少。 《燒帶子配脆皮豬腩肉及粟米蓉 / Scallops, Pork Belly, Sweetcorn Puree $88 》外觀非常吸引， 腩肉燒得脆口， 帶子鮮甜彈牙，最特別係栗米蓉， 甜甜哋， 配搭得幾好， 各種味道融合一起， 真的不錯。 如果份量是一碟四件就更加好啦！《El Cerdo 招牌

想試下新啲嘅餐廳，又冇食過西班牙菜，睇openrice見到啲嘢食相又好吸引，於是就決定試下呢間，佢做緊happy hour買一送一，都係一個吸引之處帶子燒得好香，一啲都唔韌，腩肉好脆口，粟米蓉甜甜地，有淡淡嘅粟米味，唯一缺點係份量少，略貴整個奄列都係由薯仔同洋蔥做成，唔似出面啲奄列會有蛋，切開會有一粒粒薯仔，味道其實係食緊煎過嘅薯仔咁，所以冇乜太大驚喜，普普通通第一次食西班牙炒飯，配料都好足，有蝦，青口，魷魚等……其實檸檬唔知點用，所以用嚟唧左落啲飯到，感覺又幾fresh，中間有條小串燒，兩舊肉應該係羊肉嚟，一啲都唔羶叫左兩杯啤酒，一杯送嘅忘記呢杯叫咩名，有芒果，橙，青檸，梳打！味道酸酸甜甜，溝出嚟好好飲