老川皇

营业中

休息中

大家唔好去錯樓下果間，呢間先係正宗川菜，打開Menu好似返左大陸咁，價錢平，好多川菜選擇5點幾到已經開左門，即時點左剁椒蒸魚頭先，因為要等最少30分鐘燒茄子唔會太咸，好多蒜蓉，皮冇燒燶，可連皮食鐵板水晶粉水晶粉加左泡椒所以味道酸辣，開頭雖然唔係預期味道，但食落好開胃都幾好食，期望會出冇酸既版本，蛋打底防痴底，幾得意子然炒羊肉好香羊騷味，但都偏油，同愈食愈咸，整體都還好剁椒蒸魚頭因為即叫即蒸，等左超過40分鐘，魚雲好滑，魚肉唔算好滑，汁都係偏油偏咸，貫徹川菜特色，有向1位店員查詢時，佢態度hea覆話入面跟單整緊，令客人唔太開心，所以搵另1位店員幫手，都有跟進然後覆整緊，果然好快到炸饅頭呢度係炸小饅頭，部分炸得太耐小燶，外脆內唔算軟，應該中或大饅頭先有外脆內軟效果，但細細件唔覺意就食哂，煉奶份量剛剛好，整體非常唔錯辣子田雞田雞夠乾身，香脆多骨係正常，中小辣唔夠辣，但都係愈食愈咸今日坐少少近門口位，每次有客人開門都會吹旭櫃檯天花掛起既玻璃樽羣，都幾嘈

今日放假去左旺角行街，行完想食川菜去左老川皇呢間食晚飯。脆皮牛奶卷炸到好外脆內嫩滑牛奶香濃，又甜甜地幾美味。泡椒雞腎，雞腎好爽脆又彈牙又有微辣幾正。酸辣粉配牛展牛肚，酸辣粉煙煙韌韌又有咬口，牛展又有咬口牛味濃，牛肚又入味，湯底酸酸辣辣配埋酸辣粉好入味。燒茄子茄子燒到好香噴噴，上面舖上好多蒜蓉加辣粉，燒到超美味。韮菜燒到好香。金菇燒到好香又有微辣。酸菜魚好大碟，魚片又大大片，魚肉好嫩滑又入味，酸菜酸酸地幾開胃又唔辣。

星期一晚上同事介紹了一間正宗的川菜，廚師及食材都是四川出產。餐廳位於一樓，在樓梯底有位呀姨熱情招待，帶我們到旁邊Lift上餐廳。服務非常親切餐廳環境乾淨燈光明亮，裝修設計上並沒有特別⋯⋯由於當天到達時間6時半左右，還有很多位～侍應安排了我倆到旁邊卡位入座坐位寬敞，每個座位都有按鈴方便落單朋友推介了幾款小食，另外點了串燒送啤酒，紅油豬耳很好食，很有口感，Q彈～涼伴木耳，清清地很開胃牛舌，魷魚，雞翼雞翼不推介因爲味道很一般串燒送酒OK，不要要求太多川菜而言都要叫返傳統菜式水煮魚及炒四季豆魚很滑，但要小心有碎骨朋友食不到辣為了遷就他只好叫小小辣整體而言都不錯，而且很多客人都有點水煮魚呢，不會有錯的了XD辣炒四季頭很有鍋氣，很喜歡，如果可以更辣就好了

晚餐到老川皇用膳，在大廈樓下已有接待員，會帶你去搭𨋢上樓的，雖然只是一樓。由於第一次去呢間舖頭食，怕太辣所以所有食物叫小辣。不過對於食得辣嘅人黎講，小辣係冇辣味😌食物比較推薦的是，干鍋田雞，味道香口，又有鍋同火一路熱住個食物，十分好。水煮魚片，好滑口，亦都推介可以叫。除左主菜之外，還可叫串燒，串燒茄子是比較出色，亦都好值得食。另外一讚，飲品雪梨檸檬，清啖解渴，配食濃味食品一流😊不過對於辣子大腸有點失望，食落去口感不像大腸，又冇乜味咁。

旺角歐美廣場1樓 - 老川皇全層環境寬敞舒適🌠燒韭菜 $10🌠韭菜調味非常惹味， 可選擇大中小辣，韭菜不會韌👍🏻🌌燒茄子 $28🌌茄子蒜香味重，而且好大碌，燒到金黃色好正🌌 柑桔青檸蜜 $19🌌酸酸甜甜，有青檸及柑桔之果味，解渴🎇 尖椒豬肚 $70🎇配飯必選，重口味，豬肚份量非常多，夠冧同好入味，食落唔辣🌠 飄香辣子雞 $96🌠辣子雞無任何骨，食落啖啖肉，唔係好辣，但麻嘅感覺好突出，辣子雞炸到好香脆，而辣椒將油份吸走，令辣子雞食落唔會油膩，配酒之選整體黎講呢到幾款食物都唔錯，有小菜又有串燒，味道都幾正😁👍🏻

突然好想食辣野，第一時間諗起老川皇，成日經過都無食過，今次終於一償所願而且可以一次過滿足我幾個心願，又有串燒食，又有酸菜魚，正呀係想要嘅味道，咸咸麻麻好正，不過如果再麻d會更好食。桂花魚肉質好滑，配菜有萵筍片、少量貌似南瓜的物體，整體感覺吾錯。嗌左少麻辣加蜜糖，我覺得下次可以叫中辣，少辣無乜感覺。牛舌好大塊、好腍。豆腐干有d干，比較普通。墨魚咀幾爽脆，呢個蜜糖落多左d，吾錯。同其他燒烤店無异，幾好食。手工餃有驚喜，入面有豬油渣，口感好正，不過韭菜味欠奉。味道幾清新，食得出有清甜味，仲可以清清味蕾。好可惜嘅係，今晚紅糖糍粑賣曬

同好友愛上左食川辣食物於是三人行一於去搵間川菜食番餐先！相約於中間點旺角，再搵d比較地道又唔太貴嘅川菜，見上網呢間都好多好評所以訂左台晚上8點食我們準時到達，星期三的晚上竟然坐無虛席還有數台人在門外等位，真的嚇一跳跟姐姐說我們預約好8點後，等了約5分鐘就可以入內了有得揀打邊爐或是串燒（我們還是叫了小菜同串燒）每台都有鐘仔可以按第一次來，當然都有爬下文，點左d多人食過嘅呢個幾辣，醬很惹味！不過小辣都幾辣好好食，3人叫一個例牌已夠。夠香，唔太辣我未見過蒜泥多到咁嘅好香，底仲有青瓜絲可以夾埋一齊食清新啲燒韭菜真心勁正，香料夠惹味勁香而不過咸$9抵食呢碟真係每台人都叫，必食呀！都幾大條架，勁香！比平時街食嘅相對清，反而係咁多味最唔辣嘅，平衡番呢餐又唔錯喎！不過魚有骨，冇骨的過會食得更過癮但入面冇薯粉丫，得牙菜，不過牙菜吸晒味都正正子。呢碟幾香口，要盡快食！唔太辣，蟹都幾多蘋果石榴係榨果汁芒果奶昔飲落好似芒果西米露埋單每人百幾蚊，食左7樣野幾抵食

星期四老婆心血來潮想做辣妹，咁我就成全佢啦！唔想去太遠，又要帶住呀仔，所以近近地搵左旺角呢間，訂左6:45，兩大一細！上到去半滿，湘菜味四溢，地方企理。點左個乾鍋肥腸，水煮牛，熗炒土豆絲，燒茄子，担担面，仲另外送左個尖椒皮蛋（要响wechat share就有）。先上皮旦，免費的，不能強求，7.5分。再黎肥腸，幾好，份量大，唔算辣，7.5分。再黎水煮牛，牛肉有啲老，量多，芽菜底，味道幾好。土豆絲有驚喜，好香，口感正，但唔辣，可能因為我只係叫左小辣，8分。担担面，唔掂，4分。唯一要彈就係上菜速度慢，好多時見佢等埋幾碟同樣菜色一齊出，希望可改善。

今日亞女例假帶我去老川皇食飯﹐她之前品嘗過覺得不錯﹐専誠訂左枱晚飯2人一起撐枱腳。老川皇有幾間店的﹐單是旺角已有2間﹐1間係呠蘭街，另1間係今次我們去的登打士街美廣場1樓，2間相距只是1條馬路的對面。 這間店客人也不少， 時間七點巳高朋滿座，且還有站在門口等位的客人，可知這間食店一定有水準的﹐我們訂左位也要等5分鐘﹐這次由亞女負責拍板點菜，她特別推介干鍋魚雜、燒茄子， 帶位員推介田雞及黃鱔，我們選了泡椒田雞再加1碟涼拌萵筍絲。先來冷盤涼拌萵筍絲混入紅油(辣椒油)及麻辣配料，晶瑩剔透幼如絲﹐入口冰冰涼爽口麻麻辣辣香味﹐辣味可自選微辣、小辣﹐大辣的﹐這樣食法的萵筍絲是第1次﹐很有新鮮感。干鍋魚雜係亞女推介一定要試真D﹐果然不錯﹐魚雜原來材料係魚春﹐將魚子搓成一團然後炸成丸狀﹐加上一些干椒、青椒及洋蔥﹐又香又辣幾開胃﹐亞女另一推介燒茄子﹐茄子表面加了蒜泥、辣椒粉及孜然粉燒熟後﹐食法是將茄子肉拌勻蒜泥及孜然粉一起食﹐而茄子皮是不食的﹐這種食法都是亞女教我的﹐啖啖肉又香又滑又辣都是開胃菜之一﹐最後泡椒田雞遲遲未上枱﹐吹了好幾次先

話說工作忙碌過後一定要好好獎勵自己肚皮，同事又一好介紹「老川皇」-開頭我話未聽過，原來都幾出名，旺角著名食四川菜，水煮魚，重慶燒烤，睇左食評都唔錯，川辣，一年總要食幾次～因為約得好臨時，所以都無訂位，結果等位都等左20分鐘～好采吹下水時間好快過。餐廳有分地鋪，同商場樓上鋪，樓上鋪坐位較舒服～一入門口就見到水吧放滿新鮮水果，很特別的川菜館，Drink menu 居然有新榨果汁，和特調飲品(珍珠奶茶），令我非常surprise 😍食物方面，選擇很多，有小炒，川菜，亦有火鍋類，而我就點了麻辣雞煲，而老川皇既雞煲比較特別，多了青椒而且煮得很軟很好入口，小辣不會感的到太辣，只有一點點麻的感覺～雞肉很入味，香辣口感很開胃，很快就食曬雞～加湯煮火鍋，唔少得響鈴、炸魚皮、牛肉、順德魚腐，好好味，不過份量都幾大，差點覺得吃不完！另外，餐廳有重慶燒烤，值得一試，吃了燒茄子，餐廳用孜然粉加上辣粉烤，香味四溢，好味！試了新鮮鮑魚，很新鮮很有鮮味！絕對值得吃～真係好味又抵食，絕對值得再幫襯❤️

麻辣向來是四川和重慶菜的重點；之不過一比之下，重慶麻辣更勝一籌。用上蒜蓉及孜然燒製的茄子，充斥著香料味，茄子腍甜，做前菜小食確實令人有食下去的意慾。酸、麻、辣兼備的鮮花椒生魚片，魚片絕滑，味道絕對刺激味蕾。別看那外表平平無奇的水煮魚，實際是麻辣十足，好像令人上癮的吃個不停！夠地道，一定再回頭！

第二次嚟哩間分店食，原來哩間都有串燒，上次母親節嚟以為無，今次同個frd嚟，佢勁細食，食少少嘢就話飽……前菜要咗碟窩笋絲，窩笋好fresh，好爽，不過食到底就嫌蒜味太濃，下次食，嗌少蒜先得。水煮牛肉，我哋嗌少辣，味道剛剛好，不太辣不太麻，而且花椒八角味很香，牛肉好滑好嫩，跟住食埋墊底嘅芽菜，吸晒啲味，辣到飛起！食得辣嘅人應該會好鍾意！再來就梗係食埋佢哋最出名嘅串燒！燒茄子必食！茄子好juicy，面頭鋪滿蒜蓉同孜然香料，惹味到爆！燒大元貝其實都係同燒茄子差唔多味，不過就淡味啲，元貝都算新鮮同大粒。

一行6個人⋯點左都唔知幾多樣野，但食咁多碟野⋯都係得壹個字可以形容就係《油》。全部嘢都係得一種味，與出貫徹一樣⋯ 好心廚房都起碼奄下啲雞肉啊⋯完全冇味又掛唔到半點辣味。食串燒不嬲都係燒得乾身⋯佢呢一間嘅串燒根本就唔覺得係燒出來，尤其係燒茄子⋯淋啤啤唔都緊要，最慘係全部都係油淋淋⋯全部串燒都好似油浸一樣，大佬我知道食開四川野都會比較多油⋯但都唔會咁誇張！好明顯⋯咁嘅質素，廚房絕對係Hea做出嚟。